3.6. Жамбастың шығаберісін өлшеу

Әйел жамбасын өлшегенде жамбастың шығаберіс өлшемінің тарылуына күдіктенгенде осы өлшемдерді анықтайды.

3.6.1 Жамбастың шығаберісінің тік өлшемін анықтау

Жамбастың шығаберісінің тік өлшемі – бұл қасаға буынының төменгі жиегінің ортасы мен құйымшақ ұшына дейінгі аралығы.

Орындау тәртібі

• Әйелден тексеруге ақпараттандырылған келісім алынады.

• Кушеткаға жеке клеенканы немесе стерильді жаялықты төсейді.

• Әйелден аяқтарын тізе және жамбас буындарында бүгіп, арқасына кушеткаға жатуын сұрайды.

• Қолды әдеттегі әдістердің бірімен өңдейді.

• Стерильді қолғап киеді.ъ

• Әйелдің оң жағынан тұрады.

• Жамбас өлшегішінің бірінші және екінші саусақтарымен, шкаласын жоғары қаратып ұстайды.

• Жамбас өлшегіштің бір түймесін қасағаның төменгі жиегінің ортасына, екіншісін құйымшақ ұшына қояды.

• Бұл өлшем 9,5см, бала туу кезінде құйымшақ артқа қарай ығысады, сонда бұл өлшем 11-11,5 см-ге дейін үлкейеді.

3.6.2. Жамбастың шығаберісінің көлденең өлшемін анықтау

Жамбастың шығаберісінің көлденең өлшемі – бұл екі жамбастың шонданай төмпесінің ішкі беттерінің аралығы.

Орындау тәртібі

• Әйелден тексеруге ақпараттандырылған келісім алынады.

• Кушеткаға жеке клеенканы немесе стерильді жаялықты төсейді.

• Әйелден аяқтарын тізе және жамбас буындарында бүгіп, ішіне қарай жиырып, арқасына жатуын сұрайды.

• Қолға см. Лента немесе тармақтары айкаскан жамбас өлшегішті алады.

• Жамбастың шонданай төмпесінің ішкі бетін сипап қарайды, см.лента /тармақтары айқасқан жамбас өлшегіш/ көмегімен өлшейді.

• Анықталынған өлшемге /9-9,5см/ жұмсақ ұлпалардың қалыңдығын ескере отырып, 1-1,5см қосады, сонымен бұл өлшем 11см-ге тең болады.

3.7. Жамбастың қиғаш өлшемдерін анықтау.

Жамбастың қиғаш өлшемдері қиғаш тарылған жамбаста анықталады. Жамбас ассиметриясын анықтау үшін жамбас өлшегіші қолданылады:

• Бір жақ мықын сүйегінің алдыңғы жоғарғы өсіндісінен қарама-қарсы жақтағы мықын сүйегінің артқы жоғарғы өсінділеріне дейін және керісінше өлшейді;

• Симфиздің жоғарғы қырынан, оң және сол жақ артқы жоғарғы өсінділеріне дейінгі арақашықтықты өлшейді;

• Сегізкөз ойығынан мықын сүйегінің оң және сол жақ алдыңғы-жоғарғы сүйек өсінділеріне дейінгі аралықты өлшейді.

Орындау тәртібі

• Әйелден тексеруге ақпараттандырылған келісім алынады.

• әйелден сандарының жоғарғы жағы мен құрсақтың алдыңғы қабырғасын тексеруге дайындауын /киімнен босатуын/ сұрайды.

• әйелдің бүйір жағынан тұрады.

• Жамбас өлшегішті қолға алып, оң қолдың сұқ саусағының ұшымен оң жақ мықын сүйегінің алдыңғы – жоғарғы өсіндісін табады, жамбас өлшегішінің ұшын сол жерге бекітеді.

• Сол жақ қолдың сұқ саусағының ұшымен сол жақ мықын сүйегінің артқы-жоғарғы өсіндісін табады, жамбас өлшегіштің ұшын бекітеді.

• Оң жақ мықын сүйегінің алдыңғы-жоғарғы өсіндісі мен сол жақ мықын сүйегінің артқы-жоғарғы өсінділерінің аралығын және қарама-қарсы өлшемді анықтайды.

• Оң жақ қолдың сұқ саусағының ұшымен симфиздің жоғарғы-сыртқы жиегінің ортасын сипап табады, жамбас өлшегіштің ұшын осы жерге бекітеді.

• Симфиздің жоғарғы-сыртқы жиегінің ортасынан оң және сол жақ мықын сүйектерінің артқы-жоғарғы өсінділеріне дейінгі аралықты өлшейді.

• Сол жақ қолдың сұқ саусағымен сегізкөз үстіндегі ойықты /Михаэлис ромбының жоғарғы ұшын/ сипап табады жамбас өлшегіштің ұшын бекітеді.

• Сегізкөз үсті ойықтан оң және сол жақ мықын сүйектерінің алдыңғы-жоғарғы өсінділеріне дейінгі аралықты өлшейді.

Қиғаш өлшемдерді бір-бірімен салыстырады. Қалыпты жағдайда олар бір-біріне тең болады. Егер айырмашылығы 1 см-ден асып кетсе – бұл жамбас ассиметриясының белгісі. Зерттеу аяқталған соң жамбас өлшегішті екі рет дезинфекциялық ерітіндімен сүртеді.