3.28. Офтальмобленореяның алдын алу

Офтальмобленореяның алдын алу шаралары барлық жаңа туған нәрестелерге жасалынады, себебі анасынаң босану жолдарынан өткен сәтте жаңа туған баланың инфекциялануы мүмкін.

Орындау тәртібі

• Жаңа туған баланың тыныс алу жолдарының жоғарғы бөлігін шырыштан босатады.

• Босанған әйелден жаңа туған баласының офтальмобленореясының алдын алуға ақпараттандырған келісім алады.

• Қолғапты ауыстырып, қолды әдеттегі әдіспен өңдеп, стерильді қолғап киеді.

• Жаңа туған баланың көздерін бір уақытта, бөлек стерильді мақта тампондармен сыртқы бұрышынан ішке қарай бағыттап сүртеді.

• Екі стерильді дәке тампонымен баланың төменгі қабағын төменге, жоғарғысын жоғары жаққа тартып, конъюнктива қабына 20% сульфацил натрий ерітіндісінің 1 тамшысын 10 минуттік интервалмен үш рет тамызады. Жаңа туған балаларда блефороспазның болуына байланысты, бір дәке тампонын қолдана отырып, қабақты төмен тартуға болады.

• Осы тәртіппен екінші көзді де өңдейді.

• Жаңа туған қыз балаға дәке тампонымен кіші жыныс ернеулерін ашып, жыныс саңылауына 20% сульфацил натрий ерітіндісінің 2-3 тамшысын тамызады.

Офтальмобленореяның алдын алу үшін көздің астыңғы қабағының артына көзге арналған шыны таяқшамен көзге арналған 1% тетрацтклин немесе эритромицин майын салады (0,5-1см). Конъюнктива қабына 1% протаргол немесе 1% колларгол ерітіндісінің 1 тамшысын тамызуға рұқсат етіледі /көзге арналған тамшылар Ресей Денсаулық сақтау министрлігінің 2000 жылдың 5 мамырындағы №149 бұйрығының қосымшасы.

Белсенді хламидиялық инфекциясы бар аналарда табиғи босану жолдары арқылы туған сәбилерде конъюнктивиттің алдын алу мақсатында 2,5% повидон-йод ерітіндісі қолданылады, емделмеген гонореясы бар аналарда туған балаларға бір рет б/етке немесе көктамырға25-50мг/кг цефатриаксон енгізеді.

3.29. Кіндік бауын бірінші реттік өңдеу

Орындау тәртібі

• Кіндік бауының тамыр соғысы тоқтаған соң, мақтасы бар таяқшаны 95%(70%) этил спиртіне малып, кіндік бауын кіндік сақинасынан 10-15см қашықтықта өңдейді.

• Кохер қысқышын кіндік бауына кіндік сақинасынан 10-12см қашықтықта салады.

• Екінші Кохер қысқышын біріншіден 2 см төмен салады.

• Екі қысқыш арасындағы кіндік бауын йодтың 5% спирттік ерітіндісімен өңдейді.

• Кіндік бауын екі қысқыш арасында стерильді қайшымен кеседі.

• Кіндік бауының, бала бөлігінің кесілген жерін 5% спирттік йод ерітіндісімен өңдейді.

• Кіндік бауын бірінші Кохер қысқышының үстінен сол қолдың І және ІІ саусақтарымен қысып ұстайды.

• Оң қолмен бірінші Кохер қысқышын алып жыныс саңылауына жақынырақ ауыстырып салады.

• Жаңа туған баланы сүртіп, анасына көрсетеді. Одан кейін алдын ала бала туар алдында 30 минут бұрын қосып қойған, сәулелі жылуы бар жөргектеу үстеліне жаңа туған баланы салады.

3.30. Кіндік бауын екінші реттік өңдеу.

Орындау тәртібі

• Қолды әдеттегідей өңдеп, стерильді қолғап киеді.

• Роговин қапсырмасын қысқыш көмегімен арнайы қысқышқа салады. Бір рет қолданылатын кіндік қысқышы немесе жаңа туған баланың кіндік бауын кесуге арналған жиынтық – Умбикат кеңінен қолданылады.

• Кіндік бауының бала бөлігін 95%(70%) этил спиртіне мақсаты бар таяқшаны малып, кіндік сақинасынан Кохер қысқышына бағыттап сүртеді.

• Кіндік бауының бала бөлігін құрғақ дәке тампонымен І және ІІ саусақтармен қысады.

• Роговин қапсырмасының төменгі жиегін кіндік сақинасының терісінен 0,5-0,7см қашықтықта орналастырады.

• Кіндікті Роговин қапсырмасынан сыртқа қарай 2-2,5 см қашықтықта стерильді қайшымен кеседі.

• Кіндік бауының кесілген жерін 5% калий перманганат ерітіндісімен өңдейді.

• Кіндік бауының кесілген жерін стерильді майлықпен жабады, оны 5-6 сағаттан кейін алады.

№345 бұйрық бойынша қапсырма салынған кіндік бауын 70% этил спиртіндегі 0,5% хлоргексидин биглюконат ерітіндісімен өңдеуден кейін лифузольмен 3 қабат қылып өңдеуге болады (пленка құратын баллондағы аэрозольді антисептикалық препарат). Умбикат қолдануда (жаңа туған баланың кіндігін кесуге арналған стерильді жиынтық) қажет: -құралдың V-тәрізді резонаторына кіндік бауын барынша тереңірек салу; -құралды жаңа туған баланың кіндік сақинасының терісінен 4 см-ден кем емес

қашықтықта орналастыру; -фиксатордың жабылуын тексеру; -кесілген губканы фиксатор мен жаңа туған баланың кіндік сақинасы терісінің арасына

салу.