3.27.2. Нәрестенің шүйдесімен артқа қарап келуінде көрсетілетін акушерлік жәрдем

Орындау тәртібі

• Әйелден аутоаналгезия өткізуге ақпараттандырылған келісім алынады.

• Босанатын әйелдің оң жағына тұрады.

• Сол қолдың алақанын қасаға буыны үстіне, ІІ-V саусақтарды бір-біріне жақын ұстай отырып нәресте шүйдесіне қояды – бірінші әдіс. Екінші әдіс – І-ІІІ саусақтардың алақан беттерін нәресте басына қойып және күшену кезінде сақтықпен демеп ұстай отырып, нәресте басының уақытынан бұрын шалқаюына жол бермейді.

• Алдыңғы тәсілмен бір уақытта оң қолды алақан жағымен аралыққа қаратып төрт саусағын әйелдің сол жақ жыныс ернеуіне, бас бармақты оң жақ жыныс ернеуіне, алақан проекциясы акушерлік аралықта болатындай қолды аралыққа қояды.

• Үлкен жыныс ернеулері бойымен және одан сыртқа орналасатын ұлпаларды бір мезгілде төмен басып түсіреді акушерлік аралық ұлпаларын ортаға қарай ығыстырады (аралықты қорғау – «тін қосу»).

• Күшену аралық үзілісте вульвалық сақина тұсындағы ұлпалардың созылуын азайту үшін ұлпаларды аритқы-бүйір тұстан шеттен алады. Клитор ұлпасын, кіші жыныс ернеуін туып келе жатқан бала шүйдесінен түсіреді, вульваның созылмаған алдыңғы бөлігінің ұлпаларын мүмкін болса артқа, аралыққа қарай ығыстырады.

• Нәрестенің маңдай терісі мен шаш шекарасы симфиздың төменгі жиегінің астына келіп тірелгесін, шеке төмпелерін вульва ұлпаларынан босатып, бала басын алға және жоғары жаққа бағыттайды. Сол қолдың бас бармағын нәресте басының бір жағына, төрт саусақты нәресте басының қарама-қарсы жағына қояды.Осымен бір уақытта аралықты қорғау мақсатында оң қолмен жаялықтың көмегімен, туып келе жатқан шеке төмпелерінен аралық ұлпаларын түсіреді.

• Екі қолдың төрт саусақтарының алақан беттерін шеке төмпелеріне, қолдарды баланың құлақтарына, иегіне бағыттап, бипариетальді орналастыруға тырысып қояды.

• Нәресте басының шүйде асты ойығы сегізкөз-құйымшақ буынына тірелген кезде әйелге күшенуге тыйым салынады, бұл уақытта ол терең, ырғағымен ауыз арқылы дем алу тиіс.

• Көктамырға 0,02% метилэргометриннің 1 мл 40% глюкоза ерітіндісіне қосып енгізуді сұрайды (глюкоза ерітіндісінің орнына 0,9 % натрия хлорид ерітіндісін қолдануға болады).

• Босану биомеханизміне сәйкес бала басын ұқыптап артқа және төмен бағыттайды.

• Кіндік буынының нәресте мойнына оратылуының бар жоғын анықтайды.

• Нәресте мұрнын, ауызын баллон немесе электр сорғышқа қосылған түтік көмегімен шырыштан босатады.

• Нәресте иықтарының іштей бұрылуы қиындаса, әйелге интенсивті /күштірек/ күшенуді ұсынады. Қолды нәресте басына алақандарымен құлағына, оң және сол жақ самай-бет аймағына /бипариетальді/ орналастырады.

• Босану биомеханизміне сәйкестендіріп нәресте басын төмен және позициясына қарама-қарсы анасының санына бұрады.

• Егер алдыңғы иықтың қасаға астына келуі кешігіп жатса, нәресте басын жамбастың өткізгіш бағытынан төмен, артқа қарай, алдыңғы иық қасаға астына түскенше бағыттайды.

• Нәресте басын ұқыптылықпен жоғары және алға қарай бағыттайды.

• Иық белдеу туғасын екі қолмен нәрестенің кеудесін ақырын ұстап, тұлғасын жоғары жаққа бағыттайды (кенгуру әдісі).