Жұлын автоматикалық қимылдарынның бейнелестері:

Қорғану бейнелесі – баланы етпетімен жатқызғанда басын жанына бұрып алады, 2-3 айға дейін сақталады.

Еңбектеу бейнелісі (еңбектеу феномені – Бауэр бейнелесі) – баланы етпетінен жатқызады (басымен іші бір сызықтың бойында болуы керек). Табанына алақан тигізіп басқанда бала алға ұмытылып қолдарымен қимылдай бастайды, 4 айға дейін сақталады.

Ұстау бейнелісі – саусақтарды баланың алақанына салып, басқанда ұстау қимылы пайда болады. Кейде осылай баланы жерден көтеріп алуға болады. Бұл бейнелесті табанда да анықтауға (П-Ш башпайлардың түбінен басса башпайлары табанына қарай иіледі) болады. 2-4 айларда жойылып кетеді.

Галант бейнелесі – қырынан жатқан баланың, омыртқа маңы сызығы бойымен, мойнының құйрығына қарай үлкен және сұқ саусақтарымен сызып жүргізгенде осылай тітіркендіру кезінде осы қапталына қарай доға тәрізденіп майысады. 4 айлығында жойылады.

Перес бейнелесі – екі бетінен жатқан баланың сегіз көздігінен бастап мойнына қарай омыртқаның жоталы өсіндісінің бойымен саусақпен жүргізгенде денесі кейін иіліп, аяқ-қолдаы бүгіліп, басы жоғары көтеріледі. Зәрі мен нәжісі жүріп, дауысы шығады. Бұл бейнелесті анықтағанда сәби ауырсынады, сондықтан оны анықтауды ең соңына қалдыру керек.

Моро бейнелесі –әр түрлі әдістермен анықталады: аяғы мен денесінің төменгі жағын тез жоғары көтеру, бала жатқан жерді басынан 15-20 см қашықтықтан тұру, баланы қолға алып жылдам төмен түсіріп қайтадан бұрынғы орнына әкелу. Бұндай әсерлерге жауап ретінде бала әуелі екі қолын екі жаққа жайып (1-сатысы) жібереді. Содан соң тез қайтадан орнына әкеліп, құшақтау тәрізді қимыл жасайды (2-сатысы). Бұл бейнеліс 4 айға дейін сақталады.

Керниг бейнелесі – шалқасынан жатқан баланың бір аяғы ұршық және тізе буындарында бүгеді. Содан соң тізе буынынан қозғалтпай ұстап тұрып, екінші қолмен өкшесінен ұстап, жайлап балтырын тікейтіп, жазуға бағышталған қимыл жасағанда, толық жазылмайды. Бұл бейнелес 4 айға дейін сақталады.

Бабинский бейнелесі – баланың табанының сыртқы жиегімен өкшеден бармақтарға қарап сызып тітіркендіргенде үлкен башпайы жазылады да, басқа саусақтары желпуіш тәрізденіп бүгіледі. 1 жасқа дейін сақталады.

Тіреу бейнелісі – баланы 2 қолтығының астынан және сұқ саусақтарымен басын арқа жағынан ұстап көтеріп, табаның жерге тигізгенде аяқтарын бүгіп жинап алады (1 сатысы). Екінші сатысында табанымен жер басып, денесін түзеп, аяғын тікеп, жерге тірейді. 1-1,5 айға дейін физиологиялық болып есептелінеді.

Автоматты жүру бейнелісі – баланы тіреу бейнелісі пайда болатындай етіп, ұстап, жайлап алдына қарай еңкейткенде аяқтарын кезек көтеріп, жүріс қимылдарын жасайды. Жаңа туылған дені сау балаларда – 1-1,5 бойы сақталады.

Жазғыштардың (бұлшық еттердің) қиылыспа бейнелісі – бір аяғын жәйлап, тізесінен басып жазып табанына жәй ғана түйреуіш тығып алса, екінші аяғын өзінен-өзі жазылып, сәл ғана ортаға қарай тартылады (келтіреді).

Тартып қалу бейнелесі – табанының терісіне ине шаншып алса саны, балтыры және аяғының басы бір уақытта бүгіледі.