«Шапағат» ортаңғы тобының ұйымдастырылған оқу –іс әрекетінің технологиялық картасы

Күні:

Тәрбиеші: Сахыпкереева Ж.Б.

Білім беру саласы: Денсаулық

Бөлімі: Дене шынықтыру.

Спорттық мереке: «Лақтан қайтадан адамға айналу

үшін Иванушкаға көмек береміз!» атты спорттық мереке.

Мақсаты:

Білімділік: Балаларды еңбектеп жүруге үйрету.

Дамытушылық:Шапшаңдық, ептілік, төзімділік сияқты қасиеттерді дамыту.

Тәрбиелілік: Көлбеу жазықтықтың үстінде жүруге үйрету.

Өткізу орны: спортзал.

Құрал-жабдықтары: орындық, туннель, үсті ойлы- қырлы тақта, текшелер, гимнастикалық төсеніш, шығыршықтар.

Балалар музыканың сүйемелдеуімен спортзалға кіреді.

Жүргізуші: Балалар, сендерге спортпен шұғылданған ұнай ма? Денсаулықтарыңның мықты болғанын қалайсыңдар ма?

Балалар: Иә!

Жүргізуші: Балалар, ал сендер білесіңдер ме, адамдар қандай да бір қиындыққа тап болғанда олар бір-бірінен көмек сұрайды, бірақ кез келген адам көмек бере алмайды, өйткені кез келген адам жақсы жүзе білмейді, жақсы жүгіре алмайды, биікке секіре алмауы да мүмкін. Сондықтан осындай қатерлі жағдаятқа тап болған кезде көпшілігі көмектесе бермейді. Ол тек спортпен шыныққан және дене шынықтырумен айналысқан адамдардың қолынан келеді. Кейде біздің спортзалға ертегі кейіпкерлері де келіп көмек сұрайды (Алёнушка жылап кіреді).

Алёнушка: Сәлеметсіңдер ме, балалар! Мен Алёнушка деген әпкелеріңмін. Мені Иванушка бауырым тыңдамады, содан лаққа айналып, жоғалып кетті. Балалар, оны табуға көмектесіңдерші және оның сиқырын алып тастау керек.

Жүргізуші: Балалар, бізден көмек сұрап келіпті. Көмектесеміз бе? Алёнушка үйіңе бара ғой, уайымдама. Біз бауырыңды тауып береміз. Ал балалар, бізге тау-тасты аралайтын ұзақ жол түсіп тұр.(Әуенмен балалар залдың ішінде жүреді).

Қарапайым жүру.

Тізені көтеріп жүру (алдында бөгеттер).

-Жаңбыр жауады, аяқты су қылмас үшін аяғымыздың ұшымен жүрейік. Енді, балалар, біз тауға шығамыз. Жаңбыр жауды, жер ылғалданды. Ерекше тәсілмен жүріп көрейік (аяқтардың ұштары бірге, өкшелеріміз бөлек және керісінше).

-Алдымызда бөгеттер.Олардан еңбектеп өту керек.

-Біздің аяқтарымыз шаршады. (Сол аяқ оңға қарай, ал оң аяқ солға қарай жүреді).

-Біз кешігіп барамыз, балалар, жүгіреміз.

-Балалар, алдымыздағы ирелеңдеген жолдан аса сақ болыңдар.(Ысқырық бойынша бағытты өзгертеміз).

-Балалар, бізде шаршағандар бар (жүру мен жүгіру ауысып тұрады ).

-Балалар, міне, біз келдік. Тыныс алуымызды қалпына келтірейік (Тыныс алу жаттығулары).

Жүргізуші: Балалар, біздің алдымызда күрделі сынақтар тұр, жақсылап жаттығуымыз керек, өйткені орманнан өту оңай емес.

«Музыка» әуеніне ырғақтық гимнастика жасау.

Жүргізуші: Ал енді, балалар, қалың орманға жол тартайық. Және барлық жаттығуларды дұрыс орындаңдар, өйткені қандай да бір қиындыққа тап болуымыз мүмкін.

Эстафета:

а) Лаққа жету үшін, орындықтың үстімен тартылып екінші шетіне шығамыз;

ә) Ал содан кейін қорқынышты үңгірге баратын жолға түсеміз (Туннель ішімен жүреміз);

б) Одан кейін өзен басталады, оны кешіп өте алмаймыз. Өзеннен бөрене арқылы өте аламыз. Бірақ бөрене құлап жатыр (көлбеу қойылған тақтай үстімен жүріп, гимнастикалық қабырғаға шығу, өрмелеу);

в) Ал әрі қарай, ағаш діңі, оған секіріп шығып, секіріп түс және дөңгелеп түс.

Жүргізуші: Балалар, міне, біз сендермен табиғат кедергілерінен өттік. Енді лақты тауып алайық.

(Лақ ағаштың түбінде жатады).

Бала: Лақ, лақ, сен оян, қайтадан адамға айнал. Бізбен бірге ойнашы.

«Өз үйіңді тап!» ойыны.

Лақ. Балалар, мен адамға айналмадым ғой, енді не істеймін?

Жүргізуші:Лақ, ал біз саған қалай көмектесу керегін білеміз. Қазір балалар дене мүшелерін дұрыс атаса, сол кезде сен адамға айналасың.(Балалар шеңбер бойына тұрып, дене мүшелерін атайды).

Балалар: Бір, екі, үш, төрт, бес, лақ , қайтадан Иванушкаға айнал! ( Шеңбер тарылады, лақ шешінеді).

Лақ: Мен адамға айналдым, енді менің достарым бар! Мен Алёнушканы әр кезде тыңдайтын боламын!

Балалар: Біз саған қалай дұрыс тыныс алуды көрсетеміз (Тыныс алу жаттығулары ).

Балалар спорт залдан әуенмен шығады.

Келісілді: