Муниципальное общеобразовательное учреждение

«Средняя общеобразовательная школа» с. Нившера Корткеросского района

Республики Коми

В.Ширяевлӧн «Князь ныв» повесьтын быдмысь войтырлӧн мир

Михайлов Никита Олегович, 6-ӧд класса велӧдчысь Кучева Ева Александровна, коми да роч кыв да литература велӧдысь

Одыб сикт

2016 во

Юриндалысь

2

2

Пыртӧд 2

Шӧр юкӧн 4

1. Владимир Архипович Ширяевлӧн олӧм да творческӧй туй 4

2. «Князь ныв» повесьтын челядьлӧн аскылӧмъяс да олӧм вылӧ видзӧдлас 5

3. Повесьт да выль лыддьысьысяс 9

1. Кытысь позьӧ босьтны В.Ширяевлысь небӧг? 10

11

Кывкӧртӧд 11

Ӧшмӧс 12

Приложениеяс 13

Пыртӧд

Актуальность: Ширяевлöн юбилей воӧ тӧдмасьны «Князь ныв» повесьтлӧн содержаниекӧд, сы вӧсна мый сёрниыс сэні мунӧ миянкӧд тшӧтшъяяс йылысь.

Проблема: 41 вонас колис-ö олӧмсьыс повесьтыс?

Тема: В.Ширяевлӧн «Князь ныв» повесьтын быдмысь войтырлӧн мир.

Объект: В. А. Ширяевлöн «Князь ныв» повесьт.

Предмет: 40 восайся да ӧнія зонкаяслöн да нывкаяслöн аскылöмъяс (чувствояс), мöвпъяс, оласног.

Мог: туявны В.Ширяевлысь творчествосӧ да «Князь ныв» повесьт серти тӧдмавны, колана-ӧ ӧнія лыддьысьысьлы авторлӧн гижӧдъясыс.

Гипотеза:

1. Повесьтса геройяс кольӧмаӧсь олӧмсьыс. Öнiя быдмысь войтырлы 41 восайса 12-14 арöсаяслöн думъясыс, поступокъясыс, чувствоясыс (аскылöмъясыс) кажитчöны важмöмöн, абу актуальнöйöн.

2. В. Ширяевлöн повесьтас 12-14 арöса зонкаяс да нывкаяслöн олöм вылö видзöдласыс и ӧні актуальнӧй. Налöн эм сэтшöм жö мöвпъяс, мытшöдъяс, кутшöм эмöсь и öнiя челядьлöн.

Задачаяс:

1. Тӧдмасьны В. Ширяевлӧн олан туй да творчествокӧд.

2. Тӧдмавны, мый гижӧ критика В. Ширяевлӧн творчество йылысь.

3. Publisher программаын лӧсьӧдны буклет, медым тӧдмӧдны гижысьӧс ӧні лыддьысьыськӧд.

4. Лыддьыны «Князь ныв» повесьт. Тӧдмӧдны повесьтыслӧн сюжеткӧд 6 – 7 класса велӧдчысьясӧс.

5. Вӧзйыны велӧдчысьяслы ас окота сертиныс вӧчны иллюстрацияяс повесьт дорӧ.

6. Вӧчны текстлысь анализ шӧр темаяс корсьӧм могысь.

7. Тӧдмавны видзӧдлассӧ корсьӧм темаяс вылӧ 6 – 7 класса велӧдчысьяслысь.

8. Ӧткодявны повесьтысь темаяссӧ да анкета вылӧ вочавидзӧмъяссӧ.

9. Excel программаын вӧчны диаграммаяс.

10. Дасьтыны йӧз водзын сёрни Word да Power Point программаясын.

Методъяс:

1. Анализ: текстлӧн, критическӧй статьяяслӧн. Вӧчны иллюстрация повесьт юкӧн серти.

2. 6-7 класса велӧдчысьяслӧн анкеталӧн юалӧмъяс вылӧ вочавидзӧм.

3. Синтез: повесьтысь темаяссӧ да анкета вылӧ вочавидзӧмъяссӧ ӧткодялӧм, буклет вӧчӧм.

4. Обобщение: нуӧдӧм исследование кузя кывкӧртӧдъяс вӧчӧм.

Шӧр юкӧн

1. Владимир Архипович Ширяевлӧн олӧм да творческӧй туй

Владимир Архипович Ширяев чужис 1926-öд вося сора 23-öд лунö Кöрткерöс районса Нёбдiн сиктын. Кöкъямыс класс помалöм бöрын уджалiс колхозын бухгалтерöн. Буретш сы кадö пансис вир кисьтана война, и 43-öд воын дас сизим арöса зон мунiс дорйыны Аймусö Ылi Асыввывса фронт вылö пограничникöн.

7 во служитӧм бӧрын Владимир Ширяев локтiс Сыктывкарö. Уджалiс республикаса гижысь котырын, радиокомитетын, «Войвыв кодзув» журналлöн редакцияын.

Журналист волiс Коми мулöн быд пельöсö, и йöзкöд аддзысьлöмъяс чужтiсны прозаа гижöдъяс. Владимир Ширяевлöн, дерт жö, артмисны лöсьыд кывбуръяс, но век жö сылöн олöм чöжся могöн лоис проза. Журналист волiс Коми мулöн быд пельöсö, и йöзкöд аддзысьлöмъяс чужтiсны прозаа гижöдъяс. В. А. Ширяев гижис быдмысь войтырлы 15 небöг.

1957-öд воын сiйöс примитicны СССР-са гижысь котырö.

«Войвыв кодзув» журналын 1969-1972-öд воясö йöзöдöм гижöдъясысь В. А. Ширяевлы вичмис Коми комсомолсянь премия.

1976-öд воын Владимир Архипович Ширяевлы сетiсны «Заслуженный работник культуры Коми АССР» почёт ним.

Енбиа гижысь кувсис 1979-öд вося февраль мӧд лунö.