О преставлении преподобнаго отца нашего Антониа Леохновского Новгородскаго Чудотворца.

Егда же приспе праздник Честнаго и Животворящего Креста Господня месяца// септемвриа в 14 день. Блаженный же отец наш причастник паки бывает Пречистых и святых таин Христа Бога Нашего и радостным сердцем и душею и дает мир и благословение и конечное прощение, и призывая к себе понамаря церкве Луки евангелиста Корнилиа именем. И глагола ему сие слово, последнее пророчество святаго: «Брате Корнилие, буди тебе знамение, да положен буду в созданнем моих рук монастыре благолепнаго Преображения Господа Нашего Иисуса Христа». Преставися преподобный отец наш Антоний в час десятый нощи и погребоша честное в великом Нове граде на Рятине улице в церкви святаго апостола и еуангелиста Луки преосвященнем// Киприаном митрополитом во вторый час дни одесную страны олтаря, идеже сам повеле в немецкое разорение. Мы же памятию его освящаемся и просим получити милость и оставление грехов и части сподобитися деснаго стояния того молитвами еже ко Христу Богу и Спасу Нашему Иисусу Христу, Ему же всякая слава, честь и поклонение со Отцем и Святым Духом ныне, и присно, и во веки веков. Аминь.

О принесении честных мощей преподобнаго отца нашего Антониа Леохновскаго Новгородскаго чудотворца.

Егда пленяша безбожнии еллинии в Великий Нов град,// тогда преподобный отец наш Антоний взят бысть в Великий Нов град преосвященным Киприаном митрополитом. В то же время безбожнии еллини и обител Боголепнаго Преображения Господня пожгоша, братию посекоша. Един же брат тоя обители, ученик святаго отца Антониа утаися и отиде из монастыря и живяше по пустыням крыяшеся от безбожных тех еллин. Егда же волею Божиею безбожнии еллини изгнани быша, тогда православнии нача являтися во свое отечество. Прииде же и ученик святаго отца Антониа на преждереченное место именем Григорий и видеша обитель создание// отца своего от тех безбожных еллин огнем позжена ии братия посечена. И прослезися, и постави келеицу малу, и начаша молити Всемилостивао Спаса, дабы на запустело место сие, и поставиша храм молитвеный Боголепнаго Преображения Господня по четвертем же лете, егда плениша безбожнии еллини явися ему во сне преподобный отец Антоний, рече ему: «Отче Григории, поиди в Великий Нов град и повеждь преосвященному Киприяну митрополиту и велможам града, да положен буду в созданнем монастыре Преображения Господня». Старец же Григорий ни во что же вменяя и явися же ему и во второе время такожде не внят// ю. Явися же ему и в третие страшным образом, яко же и лучи огненнии испущающи грозно зело, яко мнитися ему от пресветлых тех луч сияющю сожженному быти и глас бысть: «Аше не поведаеши глагол моих, то велику беду приимеши. Аз убо имам инде явитися, ты же зле погибнеши». От страшного сего видения зело ужасеся, паде на землю, яко мертв, и лежаща на земле на мног час. И воста, иде в Велики Нов град, поведа Киприану митрополиту и велможам града того. Митрополит же иде со кресты на указанное то место со всем освященным собором и с началники же градаи со множеством народа.// И откопаша землю, и открыша раку, и обрете тело преподобнаго отца Антония цело и нетленно, яко вчера облечен бысть. Никако же земному праху коснутися, тогда виде весь народ Великаго Нова града стекшеся на предивное сие чудо ср слезами и радостною душею, воздаяху хвалу Богу и Пресвятыя Богородицы обретение многобогатого и безценнаго сокровища, возсылаху. И повеле митрополит святыя его мощи нест со святыми иконы и кресты и тако молебное совершивше. Митрополит же со всем освященным собором и началники града и со множеством народа з женами и з детми// вкупе вслед святаго идяше и к новоявленным чудотворным мощам реяхуся мнози людие друг друга попираху, инии же по главам их ходяща и к чудотворным мощам прикасахуся. И в то время показа преподобный отец Антоний чудо, исцеля человека убога именем Иосифа, нимало очима своима видяща три лета. И тако проводиша святыя его мощи за два поприща от града глаголемаго Аркажского монастыря и певше молебное пение, святый же второе чудо показа некоего человека именем Стефана, очима же боляща исцели его. Святитель же Киприан послаша// честныя его мощи проводити Юрьева монастыря архимандриту Дионисию и с прочими игумены. И приидоша с честными его мощми в созданный его монастырь Боголепнаго Преображения Господа Нашего Иисуса Христа еже зовома есть Леохново. И тако честныя его чудотворныя мощи погребоша его честно всем народом яже доныне с верою приходящим много исцеление подавает и до сего дни. И тако уставиша память его праздновати месяца иулиа в 12 день на память святых мученик Прокла и Илариа. Поживе же преподобный отец наш Антоний в монашестве 56 лет,// и всех лет живота его от рожества его и до преставления его 86 лет. Богу Нашему слава ныне, и присно, и во веки веков. Аминь.

1Т парити

2Т Такожде и возжделителным вечных благ

3Т сущо

4Т натрижнение

5обычаем

6красных

7противимся

8От таковых же сей преподобный отец наш Антоний

9От первых строк до этого фрагмента житие почти дословно воспроизводит текст Жития Ферапонта Белозерского.