8. Нәтижелі іс-әрекет түрлерін қалыптастыру

Сабақта ең бастысы балада нәтижелі іс-әрекет түрлеріне қызығушылық қалыптастыру.

Құрау:

- түрлі амалдарды қолдану арқылы әртүрлі заттарды жасау тәсілдерін қалыптастыру (қияр, апельсин, банан, қызанақ, сәбіз);

• ермексазды 2-3 бөлікке бөлуді, ермексазды саусақтарымен түзеуді үйрету;

• үлгі бойынша құрауды үйрету: «Бауырсақ», «Шеңбер».

Сурет салу:

- әртүрлі бейнелеу құралдарымен сурет салуды үйрету (бояулар, фломастер, түрлі-түсті қарындаш, мелки), түзу және шеңбер сызықтар салу, мысалы: түйіншек, «Қар жауып тұр».

• суретті аяқтап салуды үйрету: машинаға жіпті, шарға лентаны және т.с.с.

• таныс заттарды үлгі бойынша салуды үйрету.

Құрастыру:

• көрсету, үлгі және сөздік нұсқау бойынша құрастыруды үйрету.

• аппликация;

• үлгі бойынша қарапайым заттарды жапсыруды үйрету «Жіптегі шарлар», «Аквариумдегі балықтар»;

• жайпақ заттарды қағазға жапсыруға болатындығымен таныстыру;

• баланы желім, қылқалам, шүберекті пайдалануға үйрету, қарапайым заттарды жапсыру алма, алмұрт, саңырауқұлақ, доп, үй, шарлар және т.с.с.

Еңбек тәрбиесі

• Қарапайым тұрмыстық әрекеттерді бірлесіп, одан кейін нұсқаулар бойынша орындауға үйрету (гүлді суғар, үстелді сүрт, еденді жу, кесені жу), ойыншықтармен өз заттарын орындарына қоюға үйрету.

- Ата-аналар үшін нұсқаулар.

- Баланың, оның жақын туыстарының, баланың әке-шешесімен қыдырып жүрген, қонақтарды қабылдап жатқан және т.б. суреттерін жабыстыратын фотоальбом алуға нұсқау береміз.

Үйрету сабақтары барысында төмендегілерді есте сақтауыңыз қажет:

- Балаға берілетін нұсқау түсінікті және қысқа болуы керек;

- Барлық әрекеттер көрсетілуі керек;

- Сабақтар мен жаттығулардың ойын формаларын қолдану маңызды;

Сабақ барысында баланың зейінін әртүрлі іс-әрекет түрлеріне аударған жөн: үстел басындағы әрекеттер, едендегі ойындар, қозғалыс ойындары, үстел үсті ойындары, түсі, формасы, көлемі бойынша кубиктерді бөлу және т.б.

Сюжетті ойындар үшін «Құрылысшы» жинағын, балалар құралдарының, балалар ыдыс-аяғының, көкеністер мен жемістердің, балалар жиһаздарының жинағы, танымдық іс-әрекетті дамытатын ойындардың ойыншықтары: 1 орташа пирамида (5 шеңбер), Сеген тақтасы, «Пошта жәшігі», «Матрешкалар».

Ойын іс-әрекетін және нәтижелі іс-әрекет түрлерін қалыптастыру үшін: машиналар, жол, ғимараттар құрылысына арналған материалдар. Жұмсақ ойыншықтар – қоян, қонжық, тиын және т.б.

Сурет салу үшін – түрлі түсті қағаздар жинағы, борлар жинағы, түрлі-түсті қарындаштар, жуан және жіңішке қылқалам.

Құрау үшін сазбалшық, ермексаз, тақтайша болу керек.

Аппликация үшін: түрлі түсті қағаздар жинағы, қарындаш желімі, қайшылар.

Қолдың ұсақ моторикасын дамытуға арналған ойындар үшін: моншақтар, борпылдақ материалдары бар банкілер (асбұршақ, бұршақ, қарамық).

Тіл дамыту үшін: заттық суреттер жинағы: көкеністер, жемістер, киім, жануарлар: үй және дала.

Өзіне қызмет көрсету дағдыларын дамыту үшін: орамал, тарақ, щетка, айна, ас ішу заттары (қасық, тәрелке, майлықтар, стақан және т.б).