2. Қол қойылатын бонус бойынша салық есептілігін (декларацияны) жасау ережесі (510.00–нысан)

 

1. «Салық төлеуші туралы жалпы ақпарат» бөлімінде салық төлеуші мынадай деректерді көрсетеді:

1) СТН – салық төлеушінің тіркеу нөмірі. Салық міндеттемесін сенім білдірілген басқарушы орындаған жағдайда жолда сенім білдірілген басқарушы – салық төлеушінің тіркеу нөмірі көрсетіледі;

2) ЖСН/БСН – салық төлеушінің жеке сәйкестендіру нөмірі (бизнес сәйкестендіру нөмірі). Салық міндеттемесін сенім білдірілген басқарушы орындаған жағдайда жолда сенім білдірілген басқарушы – салық төлеушінің жеке сәйкестендіру нөмірі (бизнес сәйкестендіру нөмірі) көрсетіледі. Болған жағдайда көрсетіледі;

3) Жыл – Декларация өткізілетін кездегі жыл кґрсетіледі (араб цифрларымен көрсетіледі);

4) салық төлеушінің аты–жөні немесе атауы.

Жеке тұлғаның тегі, аты, әкесінің аты немесе құрылтай құжаттарына сәйкес заңды тұлғаның толық атауы көрсетіледі;

5) валюта коды.

«Кедендік декларацияларды толтыру үшін пайдаланатын жіктеушілер туралы» Кедендік одақ Комиссиясының 2010 жылғы 20 қыркүйектегі № 378 Шешімімен бекітілген «Валюталар жіктеушісінің» 23–қосымшасына сәйкес валюта коды көрсетіледі;

6) Декларацияның түрі.

Тиісті торкөздер Декларацияны Салық кодексінің 63–бабында көрсетілген салық есептілігі түріне жатқызу есебімен белгіленеді;

7) хабарламаның нөмірі мен күні.

Торкөздер Салық кодексінің 63–бабы 3–тармағы 4)–тармақшасында көзделген Декларация түрін тапсырған жағдайда толтырылады;

8) кен орны мен келісім–шарт атауы.

Жер қойнауын пайдалану келісім–шарттының және кен орындарының атауы көрсетіледі;

9) пайдалы қазба коды.

Осы Ережелердің 10–тармағында көрсетілген пайдалы қазбалар кодтарына сәйкес пайдалы қазба коды көрсетіледі;

10) келісім–шарттың жасалған күні.

Уәкілетті мемлекеттік органымен жер қойнауын пайдалану келісім–шарттың жасалған күні көрсетіледі;

11) келісім–шарттың нөмірі.

Уәкілетті мемлекеттік орган тағайындаған келісім–шарттың тіркеу нөмірі көрсетіледі;

12) Салық төлеушіні конкурс жеңіскері деп жариялау күні.

Қазақстан Республикасының жер қойнаулары мен жер қойнауларын пайдалану туралы заңнамасында белгіленген тәртіпте салық төлеушіні конкурс жеңіскері деп жариялау күні көрсетіледі;

13) Тікелей келіссөздер хаттамасына қол қою күні көрсетіледі.

2. «Төленуге қол қойылатын бонус» бөлімінде:

«Төленуге қол қойылатын бонус» 510.00.001 жолында Салық кодексіне сәйкес бюджетке төленуге тиіс қол қойылатын бонус сомасы көрсетіледі.

3. «Салық төлеушінің жауапкершілігі» бөлімінде салық төлеуші мына мәліметтерді көрсетеді:

1) «Салық төлеушінің аты–жөні» жолында

Декларацияны заңды тұлға табыс еткен кезде құрылтай құжаттарына сәйкес басшының тегі, аты, әкесінің аты (бар болған жағдайда) көрсетіледі.

Декларацияны жеке тұлға табыс еткен кезде деректер жеке басын куәландыратын құжаттарға сәйкес толтырылады.

2) декларацияны беру күні.

Декларацияны салық органына берудің күні көрсетіледі;

3) салық органының коды.

Салық төлеушінің орналасу орны бойынша салық органының коды көрсетіледі.

4) «Декларацияны толтырған лауазымды тұлғаның аты–жөні» жолында Декларацияны толтырған лауазымды тұлғаның тегі, аты, әкесінің аты көрсетіледі;

5) Салық органында Декларацияны қабылдау күні.

Салық кодексінің 584–бабы 2–тармақшасына сәйкес Декларацияны тапсыру күні көрсетіледі;

6) Декларацияның кіріс нөмірі.

Салық органымен берілген Декларацияның тіркеу нөмірі көрсетіледі;

7) пошта штемпелінің күні.

Пошта немесе басқа байланыс мекемесінде қойылған пошта штемпелінің күні көрсетіледі.