Билет №14

ТЫҢДАЛЫМ (10 мин.)

1-тапсырма. Тыңдалған мәтін бойынша тест толтырыңыз. (Тыңдау және дайындалу уақыты-5 мин., жауап беру уақыты-1 мин.)

	дұрыс	бұрыс
Мемлекеттік Елтаңба мөрге, металл ақшаға, мемлекеттік ғимараттарға салынбайды.
Республикасының туын, әнұранын және елтаңбасын құрмет тұтуға міндетті.
Мемлекеттік әнұранды салтанатты жиналыстар мен мәжілістерде орындайды.
1996 жылы 4 маусымда ресми рәміздеріміз туралы заң қабылданды.
Елтаңбаның авторлары – сәулетшілер: Ж.М.Мәлібеков, Ш.Ы.Уәлихан.

2-тапсырма. Тыңдалған мәтіннің негізгі мазмұнын айтыңыз. (Дайындалу уақыты-2 мин., жауап беру уақыты-2 мин)

СӨЙЛЕСІМ (10 мин)

1-тапсырма. Берілген жағдаяттық тақырыпқа әңгіме құрастырыңыз. (Дайындалу уақыты-3 мин., жауап беру уақыты-1 мин)

Саяхатыңыздың ең қызықты сәтін баяндаңыз.

1. Саяхатқа дайындық

2. Туристік сапар

3. Қызықты оқиға

2-тапсырма. Берілген тақырып бойынша әңгіме дайындаңыз. (Дайындалу уақыты-4 мин., жауап беру уақыты-2 мин)

Театр

ОҚЫЛЫМ (10 мин.)

1-тапсырма. Мәтіннің мазмұнын айтыңыз. (Дайындалу уақыты-5 мин., жауап беру уақыты-2 мин.)

Назарбаев университеті

Астанада Мемлекет басшысы Н.Ә. Назарбаев атындағы халықаралық деңгейдегі жаңа жоғары оқу орны ашылды. Жаңа университеттің мағынасы мен жағдайы мүлде басқа. Мұнда студенттерді әлемнің ең үздік профессорлары даярлайды. Себебі жаңа оқу орнында әлемнің үздік профессорлары сабақ өтетін болады. Студенттерді инженерлік-техникалық және медициналық мамандықтарда оқытады. Болашақта жаратылыстану мен гуманитарлық факультеттермен бірге мемлекеттік саясат пен бизнес факультетін ашу жоспарлануда. Оқу ордасында тіршілік туралы ғылыми орталық, балама энергетика, халықаралық аспаптық орталықтар жұмыс істемек. Бастысы – білім сапасына жауап беретін қажеттіліктер шешімін тауып отыр.

Бұл университетті бітіргендер бізде де, шетелде де қолданылатын диплом алып шығады. Бұл жақсы жаңалық, жастар осыған ұмтылулары тиіс. Университет кешені Есілдің сол жағалауында орын тепкен. Астананың жаңа әкімшілік орталығында 80 гектар жерді алып жатыр. Онда университеттің оқу ғимараты, студенттер жатақанасы т.б. ғимараттар бар. Елбасы Нұрсұлтан Әбішұлы Назарбаевтың тапсырмасымен білім саласына үлкен көңіл бөлінуде.

Мемлекет халықтың және Қазақстан Республикасының келешегі – болашақ мамандардың білім деңгейі мен олардың кәсіби даярлығына байланысты екенін анық сезінеді. Білім беру саласын қаржыландыруға 23 млрд. теңгеге жуық қаражат бөлінді, бұл облыс бюджетінің 34 пайызын құрайды. Жақсы білім алған жастардың болашағы үшін бүгінгі Қазақстанда зор мүмкіндіктер бар тек оған үлкен талпыныс қажет.

2-тапсырма. Оқылған мәтін бойынша басты тірек сөздерді табыңыз (7-8 тірек сөз). (Дайындалу уақыты-2 мин., жауап беру уақыты-1 мин)

ЖАЗЫЛЫМ (10 мин.)

1-тапсырма. Берілген тақырыпқа эссе жазыңыз. (Дайындалу уақыты - 8 мин., тексеру уақыты - 2 мин.)

«Үлгілі отбасы»