Билет №4

ТЫҢДАЛЫМ (10мин)

1-тапсырма. Тыңдалған мәтін бойынша тест толтырыңыз. (Тыңдау және дайындалу уақыты-5 мин., жауап беру уақыты-1 мин.)

	дұрыс	бұрыс
Театрда ойын-сауықтан басқа драмалық шығармалар, мәдени шаралар да өтеді.
1925 жылдың аяғында Астана қаласында тұңғыш музыка театры ашылды.
Театр ең алғаш Германияда ашылған.
1917 жылы Ойқұдық жайлауында (қазіргі Шығыс Қазақстан облысы, Абай ауданында) М. Әуезовтің «Еңлік – Кебек» трагедиясы тұңғыш рет қойылды.

2-тапсырма. Тыңдалған мәтіннің негізгі мазмұнын айтыңыз. (Дайындалу уақыты-2 мин., жауап беру уақыты-2 мин)

СӨЙЛЕСІМ (10 мин)

1-тапсырма. Берілген жағдаяттық тақырыпқа әңгіме құрастырыңыз. (Дайындалу уақыты-3 мин., жауап беру уақыты-1 мин)

Отбасыңызда үйлену тойы өтейін деп жатыр. Тойға дайындық туралы айтыңыз.

Жоспар:

1. Құда түсу сәтін баяндау

2. Той болатын орынды дайындау

3. Шақырылатын қонақтардың тізімін жасау

2-тапсырма. Берілген тақырып бойынша әңгіме дайындаңыз. (Дайындалу уақыты-4 мин., жауап беру уақыты-2 мин)

Сүйікті ісім

ОҚЫЛЫМ (10 мин.)

1-тапсырма. Мәтіннің мазмұнын айтыңыз. (Дайындалу уақыты-5 мин., жауап беру уақыты-2 мин.)

Қазақстан табиғаты

Бурабай көлі – емдік қасиетімен әрі әсем табиғатымен ерекшеленеді. Көл – теңіз деңгейінен 320,6 м биіктікте. Көлдің суы таза, тұщы, жұмсақ, тұнық болғандықтан түбі және ондағы жәндіктер анық көрінеді. Жер шоқтығы атанған көрікті Көкшетаудың ең бір әсем, жанға шипалы өңірі. Қарағайлы, қайыңды орман, Көкшенің шоқылары, аңыз болған Жұмбақтас, бір-біріне жақын жатқан Көкшетаудың сексен көлі бар. Осы төңіректегі атаулар Бурабай көлінің даңқымен көпке танымал болған.

Шарын ұлттық табиғи саябағы – Алматы облысының Еңбекшіқазақ, Райымбек және Ұйғыр аудандарында орналасқан мемлекеттік саябақ. Саябақ 1964 жылдан бері республикалық маңызы бар табиғат ескерткіші ретінде қорғалып келді. Саябақтың жер көлемі 93,2 мың га, онда өсімдіктердің 940 түрі өседі. Ондағы өсімдіктердің 21 түрі қорғауға алынып, Қазақстанның «Қызыл кітабына» тіркелген. Дәл осындай табиғаты ерекше шатқал дүние жүзінде Шарыннан басқа тек АҚШ-тағы Колорода штатында ғана кездеседі (Үлкен каньон шатқалы).

Әнші құм – Талдықорған жерінде Үлкен Қалқан, Кіші Қалқан деп аталатын таулардың етегіне орналасқан құмды төбе. Мұнда Қалқан тауларынан соғатын желдің бағыты үнемі өзгеріп отырады. Жел тұрған кезде сырнайдың үніне ұқсас таза, әдемі әуен естіледі. Осындай ғажап әнді есту үшін адамдар әдейі ат басын бұратын болған. Әнші құмның бұлай аталуының өз сыры бар. Табиғаттың мұндай ғажайып әншісі Қазақстаннан басқа ешбір елде жоқ.

2-тапсырма. Оқылған мәтін бойынша басты тірек сөздерді табыңыз (7-8 тірек сөз). (Дайындалу уақыты-2 мин., жауап беру уақыты-1 мин)

ЖАЗЫЛЫМ (10 мин.)

1-тапсырма. Берілген тақырыпқа эссе жазыңыз. (Дайындалу уақыты -8 мин., тексеру уақыты-2 мин.)

«Менің мамандығым»