3. Сөздікте берілген үш сөзбен сөйлем құрастырыңыз.

4. Мәтіннің мазмұнын айтыңыз.

2-сабақ.

Ұйымның сипаттамасы

Ұйым менеджерлер әлемінің негізін құраушы және менеджменттің өмір сүруінің негізі болып табылады.Қандай да бір топ ұйыммен санасу үшін бірнеше міндетті талаптарға сәйкес болу керек:

1. Осы топтың бөлігі деп санайтын кем дегенде екі адамның болуы;

2. Осы топтың барлық мүшелеріне ортақ болып саналатын кем дегенде бір мақсаттың болуы;

3. Мақсатқа жету үшін бірге жұмыс істейтін топтың мүшелері болуы.

Ұйым дегеніміз – ортақ мақсатқа жету үшін қызметтері біріктірілген адамдар тобы.

Ұйымдар ресми және бейресми деп бөлінеді.Егер ұйым жоғарыдағы талаптарға сай болса, ол ұйым формалды болып табылады. Бейресми ұйымдар - бұл аяқ астынан шыққан топтар, бірақ мұнда да адамдар өзара байланысты болады.

Ұйымның ортақ сипаттары:

- Ұйымның ресурстары - көздеген мақсаттарға жету үшін қажетті ұйымның негізгі ресурстары және олар өндіріс қызметінің нәтижесінде құрылады: адамдар, капитал, технология, ақпарат.

- Сыртқы ортаға тәуелділігі.

- Көлденең еңбек бөлінісі - еңбек процесіне қатысушылар арасында жұмысты құрайтын компоненттерге бөлу. Жұмыс маманды белгілер бойынша бөлінеді.

- Бөлімдер (ұйым құрылымы)

- Тік еңбек бөлінісі -жұмысты қозғалыстардын біріктіру бойынша және қозғалыстың өзіне бөлінеді. Басқа адамдардың жұмысын біріктіру қызметі басқарудың болуын қамтамасыз етеді.

Сөздік

Бейресми – неофициальный

көлденең еңбек бөлісі – горизонтальное разделение труда

қамтамасыз ету – обеспечивать

өмір сүру – жить; проживать

ресми – официальный

санасу – считаться; принимать во внимание

талаптар – требования

тік еңбек бөлісі – вертикальное разделение труда

тәуелділік – зависимость

Мәтінге берілген тапсырмалар.

1. Мәтінді оқыңыз.

2. Сұрақтарға жауап беріңіз:

1) Ұйымдар қандай міндетті талаптарға сәйкес болу керек?

2) Ұйым дегеніміз не?

3) Ұйымның ортақ сипаттарына не жатады?

3. Сөздікте берілген үш сөзбен сөйлем құрастырыңыз.

3-сабақ.

1. Жағдаяттық тапсырма.

Оқып жүрген топта сіз жақсы білетін сұрақ бойынша қате пікір айтылды. Сіз:

- үндемей қоюды қалаймын;

- бұл сұрақтың дұрыс жауабын түсіндіріп беремін.

Берілген жауаптардың біреуін таңдап, өз ойыңызды айтыңыз.

2. Бейнефильм «Табыс құпиясының кілті»

«Табыс құпиясының кілті»атты бейнефильмді мына сілтеме https://www.youtube.com/watch?v=CT5Yc9Hn7jUбойынша көре аласыз.

Бейнефильмді 2.30 мин. дейін көріп және тыңдау керек.

Бейнефильм бойынша тапсырмалар.

1. Фильмнің негізгі ойын білдіретін 5 тірек сөз жазыңыз.

2. Сұрақтарға жауап беріңіз.

1. Бас кейіпкердің компаниясы немен айналысады?

2. Соңғы жасалған жұмыстары қандай тақырыпқа арналған?

3. Қай кезден инновациялық бағытта жұмыс істейтін компания болып саналады?

4. Кейіпкер инновациялық бағытта кәсіпті ашу туралы не дейді?

3. Бейнефильм туралы өз ойыңызды айтыңыз.

Он үшінші апта. ШЕШЕНДІК ӨНЕР

1-сабақ.

Шешендік өнердегенімізне?

Ораторлық шешендік өнер латының oratoria сөзінен шыққан. Оның синонимі ретінде риторика ( грекше rhetorike) сөзі, қазақша шешендік өнер тіркесі.

Шешендік өнер дегеніміз - көпшілік алдын сөйлеудің жоғары деңгейі, шешендік сөздің сапалық сипаты, жанды сөзді игеру өнері.

Шешендік сөз айтылған ойға әрі қисынды, әрі жедел жауап қайтару. Яғни, шешендіктің басты қасиеті - тапқырлық, шапшаңдық.

Шебер сөйлеу, айтқан сөзің нысанаға дәл тиюді үйрену үшін ежелгі шешендік сөздерді жаттау, оның қыры мен сырын жете меңгерудің мәні зор. Сондықтан да дана халқымыз шешендікті терең меңгерген адамды киелі санап, жүйесін тауып сөйлеген сөзге тоқтаған, шешендікті «шешендік өнер» деген сөз тіркесімен атауы да тегіннен-тегін болмаса керек.

Шешендік сөздер қазақ халқының ауыз әдебиетіндегі ерекше жанр. Шешендік сөздер қазақ халқының даналық үлгісі болып табылады.

Қазақ шешендік өнерінің тарихынан ерекше орын алатын би – Төле би Әлібекұлы Әз Тәуке ханның «Жеті жарғы» заңдар жинағын жасауға қатысқан, «Билер кеңесінің» мүшесі болған. Төле биді әділдігіне, парасаттылығына қарап «Қарлығаш әулие», «Қарлығаш би» деп атаған. Төле биден қалған көптеген нақыл, өсиет, шешендік сөздер, толғаулар бар. Мысалы,

Жаңбыр жаумаса, жер – жетім,  Басшысы болмаса, ел – жетім,  Ұқпасқа айтқан сөз – жетім...  Атың жақсы болса – ер жігіттің пырағы.  Балаң жақсы болса – жан мен тәннің шырағы.  Әйелің жақсы болса –  Бірінші – иманың,  Екінші – жиғаның,  Үшінші – ырысыңның тұрағы...  Бір үйдің баласы болма,  Көп үйдің санасы бол!

Бір елдің атасы болма,  Бар елдің данасы бол!  Көп тонның жағасы болма,  Көп қолдың ағасы бол!  Ақты ақ деп бағала,  Қараны қара деп қарала.  Өзегің талса өзен бойын жағала  Басыңа іс түссе, көпшілікті сағала.  Өзіңе-өзің кәміл бол,  Халқыңа әділ бол,  Жауыңа қатал бол, Досыңа адал бол!

Сөздік

Әділдік – правдивость, справедливость

жедел – быстро, оперативно

қисынды – обоснованный, логичный

нақыл – изречение, афоризм

тапқырлық – находчивость

үлгі – образец

шапшаңдық – быстрота

Мәтінге берілген тапсырмалар.

1. Мәтінді оқыңыз.