№16 Клиникалық есеп

Науқас сол жағындағы жоғарғы тістеріндегі қатты ауру сезіміне, дімкәстікке, тәбетінің жоқтығына және ұйқысының бұзылғанына шағымданды. Объективті қарап тексергенде сол жақ бетінің орта бөлігінде аздаған коллатеральды домбығу байқалады. 24 тісінде үлкен тіс жегі қуысы бар, қағып тексергенде қатты ауру сезімі бар. Көрші тістері бүтін, қағып тексергенде ауырмайды. Себепші тістің аймағындағы өтпелі қатпар ісінген, қызарған, сипап тексергенде ауырады. Бұл клиникалық белгілер қандай ауруға тән. Сізге нақты диагноз қою үшін қандай қосымша тексеру әдістері керек. Салыстырмалы диагностика жасаңыз және диагнозды негіздеңіз?

№17 Клиникалық есеп

Беткей тексеру арқылы ұлпаның жедел іріңді қабынуы мен периодонттың жедел қабынуының айырмашылығын ажырату қиындық туындатады. Осы аурулардың ұқсастықтары мен клиникалық айырмашылықтарын атаңыз.

№ 18 Клиникалық есеп

Науқастың шағымы жоқ. Объективті қарап тексергенде себепші тіс анықталды, тісі ешқандай тітіркендіргіштерге жауап бермейді. Қызылиегі қалыпты жағдайда. Периодонттың қабынуының қай түріне осындай клиникалық белгілер тән. Диагноз қою үшін қандай қосалқы тексеру әдістері керек. Салыстырмалы диагностика жасаңыз.

№19 Клиникалық есеп

Тісте терең тіс жегі қуысы анықталды. Қағып тексергенде аздаған ауру сезімі бар. Осы тіс аймағындағы өтпелі қатпарында нүктелі жыланкөз анықталды, одан аздаған ірің бөлініп тұр. Науқастың жалпы жағдайы қалыпты. Бұл клиникалық белгілер қандай периодонт қабынуына сәйкес келеді. Салыстырмалы диагностика жасаңыз.

№ 20 Клиникалық есеп

Науқастың шағымы жоқ. Жалпы жағдайы өзгермеген. Қарап тексергенде себепші тіс анықталды, немесе тісте терең тіс жегі қуысы бар, немесе тіс бүтін, бірақ түсі өзгерген. Қағып тексергенде ауырмайды. Сипап тексергенде түбір ұшы аймағында ауырмайтын аздаған ісіну байқалуы мүмкін. Бұл клиникалық белгілер қандай периодонт қабынуына сәйкес келеді. Диагноз қою үшін қандай тексеру әдістері керек. Салыстырмалы диагностика жасаңыз.

№ 21 Клиникалық есеп

Науқаста периодонттың созылмалы қабынуы кезінде ешқандай субъективті белгілер болмайды. Сонымен қатар себепші тісте тіс жегі қуысы болмауы мүмкін. Диагноз қою үшін қандай қосымша тексеру әдістерін жүргізу қажет. Осы тексерулердің мүмкін болатын нәтижелерін суреттеңіз.

№22 Клиникалық есеп

Рентген суретте периодонттың созылмалы қабынуын суреттейтін түбір ұшы аймағында сүйек тінінің сорылған ошағы анықталды. Периодонттың қабыну түрін және патологиялық ошақтың пайда болу мерзімін анықтау үшін рентген суретте қандай белгілерді анықтау керек.

№23 Клиникалық есеп

Егер тіс жегі қуысы тіс қуысымен байланыпаса және айқын ауру белгілерінсіз өтсе периодонттың созылмалы гранулематозды қабынуын орта тіс жегімен шатастыру ықтимал. Бұл қателік қандай асқынуларға алып келуі мүмкін? Сқынуды болдырмау жолдары қандай? Осындай жағдайда периодонттың созылмалы гранулематозды қабынуын орта тіс жегіден қандай белгілер бойынша ажыратуға болады?

№24 Клиникалық есеп

Науқас сол жағындағы жоғарғы тісіндегі өздігінен пайда болған, сыздап ауыратын қатты ауру сезіміне, дімкәстікке, тәбетінің жоқтығына және ұйқысының бұзылғанына шағымданды. Объективті қарап тексергенде сол жақ бетінің орта бөлігінде аздаған коллатеральды домбығу байқалады. Жоғарғы бірінші кіші азу тісінде тіс қуысымен байланысқан терең тіс жегі қуысы анықталды. Қағып тексергенде қатты ауру сезімі бар. Себепші тістің аймағындағы өтпелі қатпар ісінген, қызарған, сипап тексергенде ауырады. Бұл клиникалық белгілер қандай ауруға тән. Сізге нақты диагноз қою үшін қандай қосымша тексеру әдістері керек. Салыстырмалы диагностика жасаңыз және диагнозды негіздеңіз! Емдеу жоспарын құрастырыңыз. Емнің кезеңдері бойынша мәнін ашыңыз.