1. Пәннің сипаттамасы

Криминалистика Қазақстан Республикасы жоғарғы оқу орындарында құқықтану мамандығы үшін оқытылатын міндетті пәндерінің бірі болып саналады. Криминалистика пәні оқу жоспары бойынша 7-семестрде 3 кредит, барлық жүктемесі 135 сағат көлемінде оқытылады. Олардың ішінде 30 сағат дәріс, 15 сағат зертханалық жұмыс қарастырылған.

Курс	Се- местр	Кредиттер		Аудиториялық сағаттар					Аудиторидан тыс сағ.				∑, са- ғат		Бақылау түрі
		ҚР	ECTS	ДС	ТС	ЗС	∑	БОӨЖ		БӨЖ	∑
4	7	3	5	30	-	15	45	9		81	90	135		емтихан
БАРЛЫҒЫ:		3	5	30	-	15	45	9		81	90	135		емтихан

Қысқартулар: ҚР – Қазақстан Республикасы; ECTS – Еуропалық трансферт (аударым) және несиелік жинақтау жүйесі; ДС – дәрістік сабақтар; ТС – тәжірибелік (семинарлық) сабақтар; ЗС – зертханалық сабақтар; БОӨЖ – білім алушының оқытушының басшылығымен жүргізілетін өзіндік жұмысы (СБӨЖ – студенттің, МОӨЖ - магистранттың); БӨЖ - білім алушының өзіндік жұмысы.

2. Пәннің мақсаттары мен міндеттері

Пәнді оқытудың мақсаты: Криминалистика құқықтану мамандығы бойынша білім алатын студенттер үшін жоғарғы курстарда оқытылатын қолданбалы пән болып табылады. Курсты оқытудың басты мақсаты студенттерге криминалистиканың теориялық негіздерін, криминалистикалық техника мен тактиканың және жекелеген қылмыстарды тергеудің тактикалық негіздерін үйрету және оларды іс-тәжірибелік қызметтерде қолдана білуге балу болып табылады.

Пәнді оқытудың міндеттері: Криминалистика пәнін оқытудың міндеттері оны оқып-үйренудің мақсаттарынан тікелей туындайды. Осы тұрғыдан алғанда ол криминалистиканың мақсаттарын жүзеге асыратын және оның дамуының барынша маңызды бағыттарын айқындайтын жалпы міндеттеріне сабақтас болады. Ол үшін жекелеген криминалистикалық теориялардың, ілімдердің, концепциялардың даму бағыттарын айқындайтын жекелеген міндеттерді шешу қажет болады. Криминалистиканы оқытудың жекелеген міндеттеріне төмендегілерді жатқызуға болады: 1) криминалистиканың жалпы теориясының дамуы бойынша мағұлматтар беру; 2) криминалистика ғылымының жүйесіндегі криминалистикалық техниканың дамуы; 3) криминалистика ғылымының бөлігі ретіндегі криминалистикалық тактиканың дамуы; 4) криминалистиканың қорытындығы бөлімі – қылмыстарды тергеудің криминалистикалық әдістемесі туралы мағұлматтар беру.

3. Пререквизиттер және постреквизиттер:

3.1. Пререквизиттер (оқылатын пәнді игеру үшін қажетті білім, икемділіктер мен дағдыларды қамтитын пәндер):

1) Қазақстан Республикасының Қылмыстық құқығы (ерекше бөлімі);

2) Қазақстан Республикасының Қылмыстық іс жүргізу құқығы;

3) Криминология;

3.2 Постреквизиттер (аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер):

1) Диплом алдындағы тәжірибе;

2) Мемлекеттік емтихандарға дайындық;

3) Диплом жұмыстарын қорғауға дайындық жүргізу.