Қорытынды

Қорек көздері әр түрлі радиоэлектронды аппаратуралардың ажырамас құрамдас бөлігі болып табылады. РЭА нақты түріне байланысты қорек көздеріне әр түрлі талаптар қойылуы мүмкін. Бірқатар жағдайларда құны одан қоректендірілетін аппаратураның құнына шамалас болатын тіпті кейде одан асып кететін, жоғары тұрақтандырылған және сенімді қорек көздері талап етіледі. РЭА жобалау кезінде өндіруші оның электрмен қоректенуін ұйымдастыру мәселесін шешеді. Бұл жағдайда үш нұсқа болуы мүмкін: тек екінші ретті немесе тек бірінші ретті энергия көзін және осы екі энергия көзін бірге пайдалану. Сонымен қатар таңдау екі баламаның біреуінің пайдасына қарай жасалуы керек: нақты РЭА үшін қорек көзін өңдеуде немесе нарықта кең көрсетілген дайын модульдерді және қорек блоктарын алу. Әрине бірқатар жағдайларда егер экономикалық және техникалық жағынан ақталатын болса, өзінің қорек көзін өндіретін құралдары бар түйіндерді сатып алуға да болады. РЭА дайындау кезінде химиялық ток көзін таңдау да маңызды мәселе болып табылады. Сонымен қатар жобаланатын құрылғыда бір немесе бірнеше жүйелердің әр түрлі батареяларын және элементтерін қолдану мүмкін болады. Осыған байланысты экономикалық көрсеткіштерді талдау да маңызды мәнге ие болады.