3. Пән бойынша оқу бағдарламасы – syllabus.

3.1 Оқытушылар жөніндегі ақпарат: Мүлкібаева Шынар Рамазановна., азаматтық және еңбек құқығы кафедрасының аға оқытушысы, з.ғ.м. Кафедра Е.А. Бөкетов атындағы КарМУ - № 326 аудиториясында орналасқан.

Кафедрада болатын уақыты:

дүйсенбі-жұма 10.00-17.00.

shynara_999@mail.ru

3.2 Курс пререквизиттері.

Беріліп отырған пәнді игеру үшін студенттер алдымен «Мемлекет және құқық теориясы, Қазақстан Республикасы Азаматтық құқығы» (Жалпы және ерекше бөлімі), Қазақстан Республикасының Азаматтық іс жүргізу, Кәсіпкерлік құқық пәндер бойынша білім алулары тиіс.

3.3 Курстың постреквизиттеры.

Ұсынылып отырған пәнді игеру барысында Қазақстан Республикасындағы мемлекеттік сатып алуды құқықтық реттеу қатынастарын азаматтық құқықтық реттеу мәселелерін жан-жақты түсіне отырып, оларды жүргізу және рәсімдеу мәселелеріне қатысты азаматтық құқық реттеу жағдайларын зерделейді. Студенттермен алынатын білім жалпы азаматтық құқық циклына қатысты білімдерін толықтырады және болашақ заңгер заң саласының алуан түрлі қыр-сырларын талқылай отырып мамандандырылған біліктілік іс-әрекетін жандандыруда қажетті ақпараттар алады.

3.4 Пәннің қысқаша сипаттамасы.

«Мемлекеттік сатып алуды құқықтық реттеу» қазақстандық азаматтық құқығы санаттарының иішіндегі аса елеулі қатынастарының бірегейін құрады. Оның басты орны мемлекеттегі нарықтық экономиканың негізгі құралы болып табылатын меншік құқығы қатынастарын реттеу мен иелену негіздерін жүзеге асырумен тығыз байланысты. Бұл салада негізінен мемлекетпен қажет нәрселерді сатып алу жағдайлары реттеледі. Бұл саланың құрамындағы қарастырылатын мәселелер сан қырлы, мәселен мемлекеттік сатып алуды құқықтық реттеу жағдайлары, оларды рәсімдеу, өткізу және сол тәрізді тағы да басқа жағдайлар аса маңызды әрі толыққанды жан жақты зерттеуді қажет етеді.

Курстың басты мақсаты болып мемлекеттік сатып алуды құқықтық реттеу мәселелерін жан жақты түсіндіре отырып, азаматтық құқықтық реттеу жағдайларын толық зерделеуге мүмкіндік береді. Сонымен қатар құқықтанушыларды, болашақ тәжірибелік заңгерлерді, ғылыми жұмыскерлерді, нотариустарды, соттарды және өзгеде заң саласының мамандырын даярлауда әрекет етуші мемлекеттік сатып алу қатынастарын реттейтін заңдарды игеру және тәжірибеде қолданылуын меңгеруге септігін тигізеді.

Осыған сәйкес мемлекеттік сатып алуда азаматтық заңдарды дұрыс, әрі мақсатына сай қолдану, құқықтық қатынастардың туралы және бұзылған құқықтарды қалпына келтіру жағдайларында білікті қолданылған заңның, тиісті шешімге келуде ықпалын тигізеді.

3.5 Оқыту нәтижелері (пәндік құзыреттілік пәннен тыс құзыреттілік)

Пәндік құзыреттілік –азаматтық құқықтың негізгі теориялық ережелерін игеру, жеке құқық нормаларын талдау мен оларды тәжірибеде қолдана білу, оқу материалдарының көлеміне сәйкес тиісті көлемде қажетті терминалогияны меңгеру, пәнге сәйкес ақпараттарды жүйелей және түсіндіре білу, үнемі жаңарып отыратын азаматтық заңнамаға сәйкес жағдайда жедел меңгерілетін білікті дамыту дағдысын қалыптатыру.

Пәннен тыс құзыреттілік – оқу әдебиеттерімен және әрекет етуші заңнамамен жұмыс істей білу, кәсіптік іс әрекеттерін жүзеге асыру үшін алынған білімін нақты мәселелерді шешуде білікті қолдану.