5.6. Сурет. Тэп70 жолаушы тепловозының шатыр секцияларын шанақтың кузовына бекіту:

1-сүзгі шатырлары блоктарының қаңқасы;2-арка шатырының резеңкелі нығыздағышы; 3-дәнекерленуші арка; 4-жоғары вольтті камераның үстіндегі шатыр блогының қаңқасы;5-бұру қысқышы; 6-жалюздер, 7-ауа сүзгіш таспа; 8-шағын есік;9-бұрама; 10,13-резеңке нығыздауыштар; 11-шайба; 12-ілгешек; 14-шанақтың орақ пішінді қаңқасының жоғарғы көлденең арқалығы.

Шудың деңгейін азайту үшін қаңқалық және қаптама табақтардың ішкі беті, сондай-ақ кабинаның бүйіргі және артқы қабырғаларының төменгі бөлігі, раманың төсемі вибродемпферлі мастикамен жабылған. Қаптаманың перфорарлы аллюминий табақтары мен кабина қабырғасының қаңқа табақтарының арасындағы саңылау дыбыс сіңіргіш капрон талшықтармен толтырылған. Кабинаның ішіне ашық түсті повинол жапсырылған. Кабинаның нденінде линолеум жапсырылған қалыңдығы 20мм алынатын фанер тақта жатыр. Рама төсемі мен кабинаның еденінің арасына капрон талшықтарынан жасалған жылу оқшаулағыш маттар қойылған.

Ауаны орталықтандырылған ауамен қамтамасыз ету арналарынан жылытқышқа жеткізуші және терезелерге үрлеуші құбыржол қаңқалық шудың кабинаға берілуін азайту үшін резеңке құбырлы қоспалардан жасалған.

ТЭП70 тепловозын құрғанда күрделі техникалық мәселелерді шешумен қатар локомотив бригадаларына қауіпсіз жұмыс жағдайын қамтамасыз ету мақсаты қойылды. Қуаттылығы 4000 л.с. он алты цилиндрлі 5Д49 дизелін және орталықтандырылған ауамен қамтамасыз ету жүйесінің жоғары өнімді біліктік желдеткіштерін алдын ала сынау олардың көп дыбыс шығаратындығын көрсетті.ТЭП70 тепловозының шу шығару көздеріне дизель жүйесі (117дБ шығару және 108,5дБ кіргізу), 108дБ- қозғалыс кезінде жүріс бөлігі мен жолдың өз ара әсері, 109,5дБ орталықтандырылған ауамен қамтамасыз ету және 107,5дБ салқындату құрылғысының желдеткіші жатады.

Шу шығару көздері мен дыбыс қуатының машинист кабинасына және қоршаған ортаға ену жолдарының түрлі сипатта болуы қорғаудың түрлі әдістерін қолдану қажеттілігін тудырды.

Құралдардың шанақта жинақталуы шудан қорғауды ескере отырып орындалған.Аса шулы құралдар- дизель мен орталықтандырылған ауамен қамтамасыз ету жүйесі желдеткіші кабинадан барынша қашық орналасқан.Машина бөлімшесі жағынан станоктардың алдыңғы жағында бір жағдайда жоғары вольтты камера, екінші жағдайда саймандар қоятын жәшік және заттар қоятын шкаф ретінде жасалаған тамбурлар құрылған.

Аса қарқынды шу шығару көзі-дизельді шығару жүйесінің шуын азайту үшін газ ағынын бұратын реактив типті шуды кеміткіш қолданылады. Ол кіретін және шығатын кеңейтілген камерадан және олардың аралығында орналасқан резонанс камерасынан тұрады. Шуды кеміткіштің көлемі 350 келі салмақта 1,3 текше метр шамасында.Ауа кеміткішті қолдану дизель шығардағы шудың деңгейін 14-16дБ азайтады. Торлы сүзгі мен дизельдің сору жолында ауаны тазартуға арналған полиуретанды поропласт тығылған сүзгі де шығардағы шуды біршама азайтуға ықпал етеді.

5Д49 дизелінің қаңқасы мен жасау технологиясына тепе-теңсіз және айналу тербелістерін азайту есебі салынған. Осылайша күш беру қондырғыларынан шығатын дірілдер мен шу азайтылды.

Орталықтандырылған ауамен қамтамасыз ету жүйесі желдеткішінің ауа жинау жолының ішкі қуысы қалыңдығы 50 мм полиуретанды поропластан жасалған ауа сіңіргіш қаптамамен жабылған. Осының арқасында орталықтандырылған ауамен қамтамасыз ету жүйесі желдеткішінен сорудың жалюзді торлары арқылы қоршаған ортаға шығатын шу 5-8дБ кеміген.

Рессорланбаған салмақты тарту электр қозғалтқыштарын тірек-рамалы ілу есебінен азайту, 100мм шамасында статикалық майысумен жұмсақ рессорлы ілу және арбашықтың қаңқасында резеңке бәсеңдеткішті қолдану тепловоздың жүріс бөлігі мен жолдың өзара әсерінен болатын динамикалық ауытқулар мен құрылымдық шуларды азайтуды қамтамасыз етеді.

Шанақтың қаңқасының, кабианның қабыырғасы мен едененің қаптамасының, сондай-ақ кабинаның астындағы раманынң төсемінің ішкі жағы жанбайтын вибродемпферлі мастика қабатымен жабылған.

Машинистің кабинасын шудан қорғауға ерекше көңіл бөлінді. Осы мақсатта кабинаның шатыры алынатын болып жасалған және шанақтың күш сұлбасына енгізілмеген.Шанақтың шатыры мен артқы қаьырғаның үстіңгі жағы шанақпен қатты жалғаспаған: олардың арасына резеңке төсемдер мен нығыздығыш шығырлар орнатылған. Қабырғалар мен еденнің дыбыстан оқшаулау жүйесі қаптаманың қаңқалық табақтарындағы вибродемпферлі мастикасы қабаттарынан, павинол жапсырылған ВТ-4С капрон талшықты маттардан тұрады. Кабинаның едені көп қабатты. Оған демпферлі мастика жағылған төсем қабаттары кіреді.

Коломенск тепловоз жасау зауыты, ВНИКТИ мен Бүкіоладақтың темір жол ғылыми – зерттеу институты ТЭП70 тепловозына жан-жақты акустикалық сынаулар жүргізді. Нәтижесінде кейбір көздерден шығатын шудың олардың жұмыс режиміне қатысты екендігі анықталды, машинистердің кабиансындағы шудың құрылымына талдау жасалды, қорғау құралдарының тиміділігі анықталды, машинист кабинасындағы және тепловоздың сыртындағы шудың нормасына баға беру жүргізілді. Кабинадағы жұмыс орындарындағы шу ОСТ24.040.01-75 талаптарына және санитарлық нормаларға сай.Жол білігінен 25 м қашықтықта жүріп келе жатқан ТЭП70 тепловозынан шығатын шудың деңгейі 86 дБА аспайды, бұл ОСТ 24,040.034 талаптарына сәйкес келеді.