2 Сабақ « Мен және өзгелер»

(шеңбер бойынша жүргізіледі)

Мақсаты – топты ынтымақтастыққа тәрбиелеу, жағымды эмоционалды жағдай тудыру.

1 жаттығу. «Бетперделер» жаттығуы

(1 сабақтағы 3 жаттығу.)

2 жаттығу. «Мейірімді есім»

Мақсаты - эмпатияны дамыту, жағымды эмоционалды фон жасау.

Әр балаға оң жағындағы көршісін мейірімді түрде атау ұсынылады, нәтижесінде тыңдаушы алғысын білдіреді. Бірінші шеңберден кейін жаттығу кері жаққа қарай орындалады (енді сол жағындағы көршісін мейіріммен атайды).

3 жаттығу. «Атомдар және молекулалар»

Мақсаты – қысымды түсіру, топты біріктіру. Сонымен қатар, осы жаттығу көмегімен балалардың өзара қарым-қатынастарын бақылауға болады.

Балалар бөлмеде еркін қозғалады. Бірнеше уақыттан кейін психолог: «Сендердің әрқайсысың атомсыңдар, жалғыз жүріп іштерің пысып кетті, сондықтан атомдар екі-екіден бірікті, содан кейін үштен және т.б. (қатысушылар санына байланысты)».

4 жаттығу. «Мен ... ұнатамын»

Мақсаты – балада эмпатияны, өз ойын білдіру іскерлігін дамыту.

«Бір бірімізді тану үшін, мен сіздерге «Мен ... ұнатамын» ойынын ұсынамын» Допты кім тосып алады, сол нені ұнататын атай отырып оны келесі адам лақтырады.

5 жаттығу «Тыныштықты тыңдау»

Мақсаты - өзіндік бақылауды, есту зейін дамыту, эмоционалды қысымды түсіру, қозғалыс белсендігін төмендету.

Балаларға 15 секунд үндемей және тыныштықты тыңдау ұсынылады. Содан кейін әрқайсысы не естігенін ортаға салады.

6 жаттығу «Көңіл-күй өлшегіші»

Мақсаты -қысымды түсіру, жағымды эмоционалды хал-ахуал жасау.

Жүргізуші балалардан жалпы өлшейтін заттар туралы сұрақ қояды (термометр, дене қызуын өлшеуіш) және ол не үшін қажет. Содан кейін өз көңіл-күйлерін тек қолдарымен көрсетеді: нашар көңіл-күй – алақан бір-бірімен жанасады, жақсы көңіл-күйде – қолдары екі жаққа бағытталады.

3 Сабақ «Ойлан, тап!»

Мақсаты – танымдық процестер туралы білімдерді қалыптастыру; есте сақтау; ойлау; қиялды дамыту.

1 жаттығу «Көңіл-күй өлшегіші» (2 сабақ, 6 жат.).

2 жаттығу Әңгіме.

Мақсаты – қысымды түсіру, топқа жағымды эмоционалды хал-ахуал жасау.

«Балалар сендер білесіңдер ме, адамға ес, ойлау және қиял не үшін қажет? Өте дұрыс...».

3 жаттығу «Лабиринттер»

Мақсаты – көркемдік-бейнелі ойлауды, зейінді, өзін-өзі бақылауды дамыту.

Балаларға лабиринттер салынатын жолақтар беріледі. Қосымша нұсқау беріледі.

4 жаттығу «Айна»

Мақсаты-кеңістікте бағдарлануды, ересек адамдар қимылдарын қайталау іскерліктерін дамыту.

Барлық балалар шеңбер бойына немесе қатарға орналасады және «кішкентай айна болады».

5 жаттығу «Байқа және есте сақта»

Мақсаты - көру есін, байқағыштықты дамыту.

Столға 7-10 түрлі затты жауып қояды. Содан кейін 10 секундқа ашып, қайтадан жабады және балаларға оларды атап шығу ұсынылады. Бір затты басқа затпен алмастырып балаларға өзгерісті табуды немесе ретін өзгерту ұсынылады.

6 жаттығу «Маған ... ұнайды»

Мақсаты – эмпатияны дамыту, топқа жағымды эмоционалды хал-ахуал жасау.

Сол жақтағы көршіге келесі сөйлемді айтамыз: «Алмат, маған сенің ... ұнайды», яғни көршіні мақтау. Оған қошемет сөз айту.

7 жаттығу «Көңіл-күй өлшегіші»

(2 сабақ, 6 жаттығу).