12.«Айналмақ»

Балалар бір – бірінің қолынан ұстап, шеңбер құрып отырады және бір – біріне күлімсірейді

13.Сабақтың қорытындысын шығару және қоштасу.

Шеңбер бойынша әр бала осы сәтте өзін қалай сезініп тұрғанын, бүгінгі сабақта не ұнағанын, ненің ұнамағанын, келесі сабақта нені қалайтынын айтады.

№ 8 сабақ « Мен сені тыңдаймын»

р/с	Іс-әрекет түрі	Материалдар	Уақыт
1	Амандасу «Қуаныш шеңбері»		5 мин
2	Ойын «Қоян»		10 мин
3	«Сіріңкелермен бас қатырғыш»	Сіріңке қорабы	20 мин
4	Ойын «Болады болмайды»		10 мин
5	Ойын «Тыңда және орында»		15мин
6	Монотопия	Альбом парақтары, бояу	20 мин
7	Ойын «Сен не істедің»		10 мин
	Үзіліс		20 мин
8	Психогимнастика «Кеме»		10 мин
9	Анықталған тақырыпқа сурет салу	Қаламдар,парақтар	25 мин
10	«Шеңбер бойынша бер»		10 мин
11	Босаңсу		10 мин
12	«Айналмақ»		5 мин
13	Сабақтың нәтижесін шығару. Қоштасу		10 мин

Барлығы: 3 сағат

1.Сәлемдесу «Қуаныш шеңбері»

Бір – бірінің қолдарынан ұстап қолының жылуын үнсіз береді. . Бір – бірінің көздеріне қарап, күлімсіреп, ойша жақсы көңіл – күйді тілейді. Кейін шеңбер құрып отырып,осы сәттегі сезімдермен алмасады және кешегі күнді қалай өткізгені туралы айтады.

2. Ойын «Қоян»

Барысы: жетекші мәтінді оқып, белгілі бір қимылдарды көрсетеді, балалар жетекшінің сөзі мен қимылын қайталайды. Алдымен мәтін түгел оқылады, содан кейін бір жол қимылдармен алмастырылады. Өлеңді ең соңында тек қимылдармен көрсетеді.

Орманда бір үйшік тұрды,

Үй алдында аңшы боты.

Қоян өтті жүгіріп,

Тоқылдатып есікті.

«Көмектес» деп айқайлап,

Айтты сыртта тұрғанын

Мылтығымен аңшының.

«кірсең үйге тезірек

Боласын сен аман»

(бетінен сүйеді)

3. «Сіріңкелермен бас қатырғыш»

Мақсаты: Бейнелі ойлауды жаттықтыру.

Барысы: Тапсырмалар әртүрлі болуы мүмкін: белгілі мөлшердегі сіріңкелерден берілген фигураны сөз немесе санды құрау; берілген фигураны бір немесе бірнеше түрге ауыстыру.ойын шарты бойынша сіріңкелерді тек тапсырманың шешімін тапқан кезде ғана ауыстыруға болады. Тапсырманы шешу барысында оны жасауға болмайды. Шешімін іздеуді ойша орындау керек.

А) Екі шаршыдан үшбұрышты жасаңыз;

Б) сіріңкелермен тордағы мысықты бейнелеңіз.

4. Ойын «Болады - болмайды»

Мақсаты: қиялды дамыту.

Барысы: Балаларға сөйлем оқылады. Егер сөйлем орынды болса, балалар алақандарымен шапалақтайды, егер орынсыз болса, аяқтарымен жерді тарсылдатады.

Мысалы: қасқыр орманда жүреді; қасқыр ағашта отыр; ит аспанда жүзіп жүр; үй қыздың суретін салып отыр т.б.