2. Дамытушылық: Студенттердің әскери борыштары туралы ой-өрісін, ойлау қабілеттерін дамыту. Тақырыпқа қорытынды жасап, өз пікірін айтуға қалыптастыру.

3. Тәрбиелік: Студенттерді әскери тәртіпке үйрету, өз отанымыздың ұлтжаны, еліміздің болашағына үлес қосатын ақылды, көкірегі ояу сенімді азаматы етіп тәрбиелеу.

Сабақтың типі: Аралас сабақ

Сабақтың әдісі: Баяндау, әңгімелеу, сұрақ-жауап.

Сабақтың жабдықталуы, көрнекілігі: Кітап, карта, плакат, суреттер т.б.

Сабақтың барысы

І. Ұйымдастыру кезеңі: Сапқа тұрғызып амандасу, киімдерін тексеріп студенттерді түгендеу. Студенттердің назарларын сабаққа аудару.

ІІ. Үй тапсырмасын тексеру: Ауызша сабақ айтып, бірнеше студенттерге сұрақтар қойып оған жауаптар алып үй тапсырмасын қорытындылап жаңа сабақпен байланыстыру.

Iiі. Білімді бағалау:

ІV. Жаңа сабақ:

1991 жылдың 16 желтоқсанында Қазақстанның Жоғарғы Кеңесі халықтың еркін білдіре отырып, өзін-өзі айқындау құқын нақтылай түсіп, құқықтық мемлекет құра отырып және бейбітсүйгіш саясатты жүзеге асыра отырып, Қазақстан Республикасының мемлекеттік тәуелсіздігін жариялады.

1936 жылы КСРО құрамындағы одақтас республика болған Қазақстан қағаз жүзінде мемлекеттік тәуелсіздіктің барлық нышандарын алды. Бірақ ол бостандық тек елес қана еді де, ал мемлекеттік нышандар тоталитаризмнің шынайы бет-жүзін бүркемелеген перде ғана болатын.

Жаппай аштыққа ұшырау, қазақтардың өз тарихи отанынан көшіп кетуіне ықпал еткен сталиндік ұжымдастыру шаралары қасіретті із қалдырды. Сәкен Сейфуллин, Бейімбет Майлин, Ілияс Жансүгіров секілді қазақ зиялыларының көрнекті өкілдері мен қазақ халқының басқа да 65 мың ұл-қызы сталиндік репрессияның құрбаны болды.

Тоталитаризм тақсіретін халықпен бірге қазақтың жерсуы да тартты. Біз бүгін ұлы Абайдың туған жері — ядролық жарылыстан тозған Семей аймағын, тартылып бара жатқан Арал теңізін, басқа да экологиясы нашар аумақтарды еске алмай өте алмаймыз. Қазақстан Кеңестік орталықтың дәстүрлі ауыл шаруашылығы — шикізат көзі ретінде қарастырылды.

1987—1988 жылдары елде демократиялық үрдістің даму деңгейіне қарай түбегейлі құрылымдық өзгерістер жасамайынша, тоталитаризм рухының өзін және мықты орталықтандыру жүйесін бұзбайынша, қайта құруды әрі қарай тереңдете жалғастыруға мүмкін болмай қалды. Мұны сезінуде халық депутаттарының I съезі шешуші рөл атқарады.

1989 жылдың шілдесінде Қазақстан Компартиясы Орталық Комитетінің XV Пленумында ашық жариялылық жағдайында Республика партия ұйымының бірінші хатшылығына Н.Ә.Назарбаев сайланды. 1991 жылдың аяғында Қазақстан тарихында тұңғыш рет бүкілхалықтық тікелей дауыс беру арқылы Республика Президентін сайлау болды. Айқын басым дауыспен ел Президенті болып Н.Ә. Назарбаев сайланды.

Қазақ КСР-і Жоғарғы Кеңесі 1990 жылдың 25 қазанында Қазақ КСР-інің мемлекеттік егемендігі туралы Декларация қабылдады. "Қазақстан Республикасының мемлекеттік тәуелсіздігі туралы" Жоғарғы Кеңес қабылдаған, 1991 жылдың 16 желтоқсанынан бастап күшіне енген конституциялық заң Қазақстанның тәуелсіз, демократиялық және құқықтық мемлекет ретіндегі орны мен рөлін нақтылаудағы айқындаушы сәтті бейнеледі.

Қазақстан Республикасының мемлекеттік тәуелсіздігі туралы Заңда: "Қазақстан Республикасы — тәуелсіз, демократиялық және құқықтық мемлекет. Ол өз аумағында толыққанды билік жүргізе алады, ішкі және сыртқы саясатты дербес анықтайды" делінген. Оның қауіпсіздігінің кепілі — Қарулы Күштер, Ішкі істер министрлігінің, Ұлттық қауіпсіздік комитетінің әскері мен әскери құрылымдары, Төтенше жағдайлар жөніндегі министрлік пен Республикалық ұлан болды.

Өзара байланысты басымдылықтар кешені жасалды. Бұл — басқарудың тиімді жүйесін құру, әскер құрылысын өзгерту, әскери кадрларды даярлау жүйесі, қару-жарақпен, ұрыс техникасымен қамтамасыз ету, ТМД және басқа елдер армияларымен ынтымақтастық, әскери қызметтің абыройын көтеру. Әскери ұжымдардағы ұлтаралық қатынас мәселесін шешу де едәуір маңызға ие болды.

Қазіргі жағдайда еліміздің әскери қауіпсіздігін қамтамасыз етуге бағытталған, өзіндік қорғаныс сипатындағы Әскери Доктрина (10.02.2000) қабылданды. Әскери Доктринада Қарулы Күштердің бейбіт кезде және соғыс уақытында атқаратын міндеттері белгіленді. Бұл оларды дайындауда басым бағыттарға шоғырлануға мүмкіндік береді.