26. Адзначце нумары пропускаў, дзе пішацца часціца не.

Куды толькі н_¹ закідваў яго лёс! Але і ў самых н_² спрыяльных умовах ён н_³ колі н_⁴ да каго н_⁵ ставіўся пагардліва.

Пунктуацыя

Адзначце нумары сказаў, дзе словы, якія набраны курсівам, выдзяляюцца коскамі

27. 1. Вызваленая з-пад снегу зямля радасна выглядала на свст.

2. Паплылі аблачынкі па-вясноваму высокія і лёгкія.

3. Поўны важкіх дум ён задрамаў толькі пад досвітак.

4. Выплывалі хмары пафарбаваныя сонцам.

5. Ноч была халодная і цёмная.

28. 1. Грышка хлопчык невялічкі выйшаў з дому.

2. Імя выдатнага беларускага вучонага Якуба Наркевіча-Ёдкі цяпер больш-менш вядома.

3. Гэй ты, дуб стары вартаўнік лугоў!

4. Ён былы вайскавы шафёр даехаў да Зэльвы.

29. 1. Яліны далёка кінуўшы галіны глядзелі хораша.

2. Некалькі хвілін ён стаяў не рухаючыся.

3. Павольна і не спяшаючыся ішлі яны па лясной сцежцы.

4. Стаялі ў глыбокай задуме лясы аздабляючы цёмнай зелянінай пагоркі.

5. Па палатцы не сціхаючы сек дождж.

30. 1. Такія людзі як Сымон Будны не маглі доўга жыць на адным месцы.

2. На ваенкаматаўскім уліку я стаяў як ваенны журналіст.

3. Як лепшага спартсмена Сяргея паслалі на рэспубліканскія спаборніцтвы.

4. Далей бачу як дзяўчаты рассцілаюць замочаны лён.

5. Сымон адчуў сябе як на вуголлі.

31. 1. Аднак у полі іх маглі убачыць.

2. Сапраўды чаму не пакупацца ў такі ясны дзень?

3. Бадай праз кожныя пяць хвілін чуліся стрэлы.

4. Ён відаць быў моцна ўсхваляваны.

Адзначце нумары сказаў, у якіх на месцы пропуску ставіцца коска.

32. 1. Абцёр бацька вус рукою, твар_і лоб свой лысы.

2. Скрозь гэтую тканку ні мыш_ні пташка не праб'ецца.

3. Чалавек ё'н быў ні рыба_ні мяса.

4. Адшумелі свой час неспакойныя_восеньскія вятры.

5. Люблю я ўзгоркі_і насып-курган, і сіняй далечы праз-рысты

туман.

33: 1. Варухнецца трава пад ветрам_і заіскрыцца расой.

2. Груша цвіла_і пялёсткі падалі на быстрыню ракі.

3. Я правёу старога на ганак_і мы крыху пастаялі.

4. Пад вечар неба завалакло хмарамі_і ўзняўся вецер.

5. Зашамацелі кусты_і на паляну выскачыў сабака.

34. 1. Летапіс паведамляе, што_калі князёўне споўнілася дванаццаць

гадоў, бацькі вырашылі аддаць яе замуж.

2. Я прыйшоў_не каб перашкодзіць.

3. Вясна прыйшла, і_ хоць снег трымаўся яшчэ на палях, сонца прыгравала ўсё мацней і мацней.

4. Ён марыў аб адным: ён хацеў быць вольным, мець магчымасць плысці_куды хочаш.

5. Я ставіў бы помнік таму чалавеку_што сэрцы другіх прымушае гарэць.

35. Адзначце нумары сказаў, дзе на месцы пропуску ставіцца двукроп'е.

1. Клікнуць хацелася_голас замёр.

2. А агнёў па дарозе не злічыш_і белыя, і зялёныя, і чырвоныя.

3. Шаша поўнілася вялікім рухам_чулася ржанне коней, няспынна

гулі машыны.

4. Унізе раслі_ядловец, лаза, алешыны.

5. Я ведаю_ластаўкі прыляцелі.

36. Адзначце нумары сказаў, у якіх на месцы пропуску ставіцца працяжнік.

1. Полацк_старэйшы за Маскву і Мінск.

2. Маладосць_краса людзей, жыцця найлепшы час.

3. Самае вялікае шчасце_жыць сумленна.

4. Жыхары Свіслачы ўпершыню пазнаёміліся з артыстамі, а тыя_ з

гасціннасцю мясцовых жыхароў.

5. Прыгожы Андрэй_хлопец!

Адзначце нумары сказаў, дзе ставіцца коска.

37.

Гэтую дарогу да крыніцы я палюбіў даўно_¹ штодзень_² не пытаючыся ў маці_³ ці трэба вада_⁴ спаражняў вёдры_⁵ і выходзіў на знаёмую сцежку.

38.

Сеўшы на гэтым корані__¹ Базыль назіраў_² як вада_³ то ўздымала доўгую раску_⁴ то апускала_⁵ то раскідала ва ўсе бакі.