1. Жалпы ереже

1. Оқушылардың ғылыми қоғамы – бұл ғылыми зерттеушілік жұмыс дағдыларын қалыптастыруға және белгілі бір ғылым саласында өз білімін жетілдіруге арналған өз интеллектісін дамытуға талаптанған оқушы жастардың ерікті шығармашылық бірлестігі.

2. Оқушылардың ғылыми-қоғамы білім беру мекемелерінде құрыладды, өзінің атауы, эмблемасы, девизі, дәстүрі болады.

3. Оқушылардың ғылыми-қоғамы өз құрамына жеке секциялар, ғылыми үйірмелер, клубтар және ғылымның әр түрлі бағытындағы қоғамдарды енгізе алады.

4. Оқушылардың ғылыми-қоғамының қызметі Қазақстан Республикасы Заңдарына, «Білім беру жөніндегі» Заңына, Қазақстан Республикасының Білім және ғылым Министрлігінің нормативтік-құқықтық актыларына, «Дарын» Республикалық ғылыми-практикалық орталығына және осы Ережеге сәйкес жүзеге асырылады.

5. Оқушылардың ғылыми қоғамы қызметін ұйымдастыруды қоғам құрылып отырған мекеме жетекшісііске асырады.

2. Оқушылардың ғылыми қоғамының мақсаты мен міндеттері.

6. Оқушылардың ғылыми қоғамының негізгі мақсаты мен міндеттері:

Оқушылардың ғылыми зерттеуге қызығушылығын қалыптастыру, шығармашылық қабілеттерін таныту және дамыту, ғылыми ізденудің

әдістерін оқыту, шығармашылық сипаттағы жеке тұлғаларды

тәрбиелеу жұмыстарын жүргізу;

оқу мекемелеріне оқушыларды тәрбиелеуде, олардың жан-жақты

дамуына, еңбекке шығармашылық тұрғыдан қарауға, өмірлік және

азаматтық көзқарастарын қалыптастыруға, жоғары адамгершілік

қасиеттер ме рухани мәдениетін дамытуға белсенді түрде көмектесу;

мектеп бітірушілердің нәтижелі түрде мамандық таңдауына және

мамандық бағытына көмектесу болып табылады.

3.Оқушылардың ғылыми қоғамының жұмысын ұйымдастыру.

7. Оқушылардың ғылыми қоғамына осы қоғамда жұмыс істеуге тілек білдіргендер және мұғалімдер, әр бағыттағы пән бірлестіктерінің жетекшілері ұсынған оқушылар мүше бола алады.

8. Оқушылардың ғылыми қоғамының жоғарғы ұйымы тәртіп бойынша жылына бір рет шақырылатын қоғам мүшелерінің сессиясы болып табылады.

9. Сессияда оқу жылының міндеттері айқындалып, нәтижелері шығарылады, жеке секциялар жұмысы және қоғам мүшелерінің есебі тыңдалады, жұмыс жоспары бекітіледі және басқа да шешімдер мен құжаттар қабылданады.

10. Оқушылардың ғылыми қоғамының жұмысына сессия аралығында құрамында оқушылар, педагогикалық ғылыми орталықтардың және оқушылардың ғылыми қоғамының қызметіне қатысатын түрлі ұйымдардың өкілдері мен сессияда сайланған үйлестіру кеңесі жетекшілік жасайды.

11. Оқушылардың ғылыми қоғамында мамандар, ғылымдар және мұғалімдер келісім-шарт немесе қосымша қызмет атқаруы бойынша Қазақстан Республикасының заң актілеріне сәйкес жұмыс істейді. Олар секцияларға ,оқушылардың ғылыми бірлестігіне сол сияқты оқушылар таңдап алған тақырыптағы жеке жұмыстарына жетекшілік етеді.

12. Оқушылардың ғылыми қоғамы бөлімшелерінің жетекшілері үйлестіру кеңісімен келісілген арнайы бағдарламалар жасай алады, ол қоғам жұмыс істейтін мекеме жетекшісімен бектіледі.

13. Ғылыми жетекшінің, кеңесшінің басшылығымен бекітілген бағдарлама бойынша және оқушылардың тақырыптық шығармашылық жұмысы бойынша оқушылардың ғылыми қоғамы мүшелерінің сабақтары аптасында кемінде бір ретұжымды түрде немесе жекелей өткізіледі.

14. Қорытынды сабақ көптеген оқушылар мен қазылар алқасында шақырылған ғылыми зерттеу институттары мен жоғарғы оқу орындарынан келген ғалымдарды қатыстыра отырып конференция түрінде өткізіледі.Қазылар алқасы ең үздік жұмыстарда таңдап, оларды облыстық ғылыми жарыстарына ұсынады. Жеңімпаздарға дипломдар, ескерткіш награда, демеушілердің сыйлықтарын тапсырылады.

15. Қысқы және жазғы каникул кездерінде қоғам мушелеріне, мүмкіндікке орай, оқу-жаттығу жиындары, бағдарлы лагерлер, экспедициялар, саяхаттар ұйымдастырылады.