Аудару эпикризі

Сағат 15:30

Жалпы жағдайы қанағаттанарлық. Шағымы жоқ. Тамыр соғысы 80 рет минутына. АҚҚ 120/70 мм с.б. Жатыры тығыз. Бөліністері қанды, аз мөлшерде.

Нәресте антропометриясы өткізілді: салмағы 3395,0 гр; бойы 51 см. Босанудан кейінгі бөлімге аударылды.

Нәрестенің дамуы:

04/05/2013 сағат 13:30- да қыз жынысты нәресте туылды. Жағдайы қанағаттанарлық, салмағы - 3395,0 гр, бойы - 51 см, бас шеңбері - 34 см, кеуде шеңбері - 33 см. Терісі кілегейлі, ылғалды, таза. Кеуде торы пішіні қалыпты. Тыныс алу жиілігі - 45 рет минутына. Жүрек тоны анық, ырғақты. Ішкі ағзалар: іші жұмсақ, ауырсынсыз. Зәр шығаруы еркін. Барлық жүйелері қалыпты. Жүйке жүйесі ерекшеліксіз. Бұлшық ет тонусы қалыпты. Кіндік шеңбері қасаға мен семсер тәрізді өкіннің ортасында орналасқан. Айқайы қатты. Температурасы 37.2ºC .

АПГАР

Уақыты	Тері	Тынысы	Ж.С.Ж.	Рефлекс	Тонус	Ұпай
1 мин соң	1	2	2	2	2	9
5 мин соң	2	2	2	2	2	10

Бақылау күнделігі

I тәулік 04.05.2013

Жалпы жағдайы қанағаттанарлық. Шағымы жоқ. АҚҚ 120/70 мм.с.б. Тамыр соғысы минутына 84 рет. Тыныс алу жиілігі 16 рет. Ұрықтың жүрек соғысы анық, ырғақты, минутына 144 рет. Зәр шығаруы еркін, ауырсынусыз.

II тәулік 05.05.2013

Жалпы жағдайы қанағаттанарлық. Шағымдары жоқ. АҚҚ 110/80 мм.с.б. Тамыр соғысы минутына 82 рет. Тыныс алу жиілігі 20 рет минутына. Сүт бездері жұмсақ, емізікшесі таза, нәрестені әйел өзі емізеді. Жатыры тығыз, кіндіктен екі көлденең саусақ төмен. Зәр шығаруы еркін, ауырсынусыз. Жыныс жолдарынан бөліністері аз, ал қызыл түсті.

III тәулік 06.05.2013

Жалпы жағдайы қанағаттанарлық. Шағым жоқ. АҚҚ 120/70 мм.с.б. Тамыр соғысы минутына 82рет. Тыныс алу жиілігі 18 рет минутына. Сүт безі жұмсақ, емізікшесі таза, өзі емізеді. Жатыры тығыз. Зәр шығаруы ауырсынусыз, еркін.

Шығару эпикризі:

Алғаш босанушы Пазылова Жанар Мушкаловна 25 жаста, қалыпты жамбас өлшемдерімен, күні жетілген жүктілікпен 40 аптасында ретті толғақ басталғаннан соң, қағанақ суы кетуімен Облыстық Перинатальды Орталыққа келіп түсті. Босану уақыты 5 сағат 35 минутқа созылды:

І кезең – 5 сағат 10 минут;

ІІ кезең – 20 минут;

ІІІ кезең – 5 минут.

Тірі, күні жетілген қыз жынысты нәресте туылды. Салмағы 3395,0 гр; бойы 51 см. Апгар шкаласы бойынша 9-10 ұпай. Босанғаннан кейінгі ерте кезең ерекшеліксіз.

Әйел нәрестемен бірге босанудан кейін үшінші тәулікте 06.05.2013 күні үйіне шығарылды.