Шу көзіне санитарлық бақылау

Санитарлық-эпидемиологиялық қызметтің міндеттері:

• жоғарғы шу пайда болудың себебін анықтау;

• рұқсат етілетін деңгей нормасының бұзылыс жағдайларын анықтау;

• бұзылыстарды жою бойынша талаптарды қарастыру;

• шаралар жоспарын құрастыру және олардың орындалуына бақылау.

Шуды бағалау аспаптық және есептеу әдісімен жүргізіледі. Аспаптық әдіс ГОСТ «Шум. Методы измерения шума на селитебной территории и в помещениях жилых и общественных зданияхң құжаты бойынша жүргізіледі. Ол арқылы дыбыс қысымының деңгейін және дыбыс деңгейін (эквиваленттік және максималдық) анықтауға болады.

Бұл кезде санитарлық дәрігердің жұмысына шудың шынайы деңгейінің рұқсат етілген мәніне сәйкестілігін бақылау, шу деңгейін төмендету бойынша шараларды өңдеу, қорғау шараларының тиімділігін бағалау және тұрғындардың шағымы бойынша зерттеулер жүргізуден тұрады.

Шуды өлшеу әртүрлі аспаптармен жүреді. Отандық аспаптардың ішінде ИШВ-1 (өндірістен алынып тасталынды), шумомер Ш-71, ВШВ – 003 түрлері қолданылады. Шет елдік құралдарға Брюль и Къер (Дания), Роботрон (ФРГ), Роде и Шварц (ФРГ) түрлері қолданылады.

Шу жағдайын санитарлық болжау үшін есептеу әдістері қолданылады. Транспорт ағынының шу сипаттамасын болжау кесте бойынша, ал машиналардың саны туралы мәліметті МАИ қызметінен алуға болады және санау жолдары арқылы анықтауға болады. Шу әртүрлі шаралар мен факторлардың әсерінен шудың бәсеңдеу деңгейін сызба және кестеден анықтайды. Қалада шудың таралуы туралы толық мәліметті жобалаушы ұйымның өңдеуімен жасалған (кейде санитарлық қызмет қатысады) қаланың жол торабының шу картасы береді. Шу картасы бойынша акустикалық қатынасы бойынша едәуір қауіпті қала учаскелері бөлініп шуға қарсы шаралар негізделеді.

Санитарлық-эпидемиологиялық қызмет шу көзін анықтау бойынша жүйелі бақылау жасайды. Шудың рұқсат етілген деңгейі бойынша санитарлық нормалар бекітілген барлық учаскелер бақыланады.

Сақтық санитарлық бақылау сатысында жобада нормативтердің орындалуы бақыланады. Күтілетін шудың мөлшері сол объектіде және жақын жатқан территорияда акустикалық жолмен есептеу арқылы тексеріледі. Ғимаратты пайдалануға қабылдау кезінде санитарлық қызмет жұмысшы және мемлекеттік комиссияның құрамына кіре отырып таңдамалы түрде өлшеу жүргізіледі. Нормадан жоғары шу деңгейін анықтаған жағдайда ғимарат эксплуатацияға қабылданбауы да мүмкін.

Дәрігер санитарлық бақылаудың барлық сатысында жобалаушы ұйымнан «Санитарный норм…ң және СНиП 11-12-77 «Защита от шумаң құжатының нормалардың сақталуын талап етеді. Елді мекеннің бас жоспарында және аудандардың дәйекті жоспарында акустикалық бөлім болуы қажет. Онда шу көзіне жақын орналасқан тұрғын және қоғамдық ғимараттарда шудың нормативтік деңгейі сақталынуы қадағалануы қажет.

Санитарлық дәрігер тұрғындардың шағымына байланысты шуды анықтап, шумен күрес комиссиясының жұмысына қатысып транспорттық шу деңгейін жүйелі түрде бақылайды.

Қаладағы транспорттық қозғалыстың сызбасын жақсартуға, яғни атқарушы ұйымның алдына транспорттық ағындарды қайта бөлу, әсіресе түнгі уақытта қала аудандарында жүк автомобильдерінің қозғалысына шек қою, транзиттік және жүк транспорты үшін айналма жолдың құрылысы туралы мәселені қою қажет.

Алматы қаласында бұл негізгі мәселе болып табылады. Қала көшелерінде көліктер өте тығыз, шудың деңгейі жоғары, сондай-ақ атмосфераның ластануы да шекті деңгейінен асып отыр. Тез арада қалаға жеке қала сыртындағы келетін көліктерге тыйым салу немесе жеке автокөліктің қозғалысына шектеу қою туралы шешімдер қабылдау қажет.