Маналагічнае маўленне і асаблівасці яго засваення дзецьмі

Навучанне дашкольнікаў маналагічнаму маўленню азначае навучанне іх узнаўленнню і стварэнню тэкстаў. Пад тэкстам разумеецца «функцыянальна завершанае маўленчае цэлае» (А. А. Лявонцьеў).

Асноўнай характарыстыкай і крытэрыям тэксту з'яўляецца звязнасць. Звязнасць – вынік узаемадзеяння некалькіх фактараў. Гэта перш за ўсё логіка выкладання, якая адлюстроўвае дынаміку развіцця з’яў рэчаіснасці, іх суаднесенасць паміж сабой. Да фактараў звязнасці адносіцца асаблівая арганізацыя моўных сродкаў — фанетычных, логіка-семантычных, граматычных з улікам іх функцыянальна-стылістычнай нагрузкі. Звязнасць вызначаецца і камунікатыўнай накіраванасцю тэксту – адпавенасцю матывам, мэтам і ўмовам зносін. Важным фактарам звязнасці ўхяўляецца кампазіцыйная структура тэксту - паслядоўнасць і суразмернасць частак, якія садзейнічаюць выяўленню зместу. Нарэшце, фактарам звязнасці выступае сам тэкст, яго яэнс.

Абазначэнне тэмы тэксту змяшчаецца ў пачатковым сказе. Далейшы адбор моўных сродкаў звязаны з развіццём думкі, яе. Аргументаваннем, распрацоўкай што абумоўлена тэмай тэксту і камунікатыўнай устаноўкай аўтара.

Тэкст дзеліцца на лагічныя і кампазіцыйна закончаныя блокі — звышфразавыя адзінствы, якія складаюцца з сукупнасці сказаў, звязаных паміж сабой тым або іншым спосабам сэнсавай сувязі. Такая сувязь называецца міжфразавай. Міжфразавая сувязь — гэта перш за ўсё пераход ад сказа да сказа, развіццё думкі, таму яна падпарадкавана яго логіцы.

Вылучаюцца два асноўныя спосабы міжфразавай сувязі — ланцуговы і паралельны. Асноўным сродкам ланцуговай сувязі з'яўляюцца лексічныя паўторы, лексічныя і кантэкстуальныя сінонімы, займеннікі. (Гэта кошка. Кошка рыжая. У Муркі белыя лапкі. Яна любіць свавольнічаць.) Пры паралельнай сувязі структурная суаднесенасць сказаў выражаецца ў іх супастаўленні або проціпастаўленні. Асноўны сродак паралельнай сувязі — аднолькавы парадак слоў, аднатыпнасць граматычных форм выражэння членаў сказа, віда-часавай суаднесенасці выказнікаў. (“... У глухім лесе на сасне чорны дзяцел цяслярыць. Лапкамі чапляецца, хвосцікам упіраецца, дзюбай пастуквае – казурак ды казявак з-пад кары выпуджвае... Спалохаліся казуркі... Са страху калоцяцца...” Паводле К.Дз.Ушынскага)

Для дзяцей ранняга і малодшага дашкольнага ўзросту, якія знаходзяцца на ўзроўні сітуацыйна-дзелавой формы зносін, пры апісанні прадмета, малюнка характэрны толькі пералік асноўных частак аб'екта без якой-небудзь сувязі паміж сказамі. Напрыклад: «Хвосцік, роцік, вушкі, вочкі, ножкі» (апісанне цацкі кацяняці); «Лялька ёсць. Вунь дзяўчынка, лялечка і мішка. Паравоз. Хлопчык, сцяжок» (расказванне па карціне «Гуляем у цягнік»).

Затым дзеці пачынаюць выкарыстоўваць фармальныя сувяаі, часта з дапамогай злучнікаў а, і, указальнага займенніка вунь. Напрыклад: «Вушкі ў яго. Лапкі якія вунь, белыя. Хвосцік чорны».

Да больш высокага ўзроўню адносяцца апісанні і апавяданні, у якіх выкарыстоўваецца ланцуговая сувязь. Ланцуговая сувязь забяспечвае непарыўны рух думкі ад аднаго сказа да другога сродкамі паўтору ключавога слова і разгортвання яго ў наступным сказе. Напрыклад: «Хлопчык, паравозік. У хлопчыка ёсць шорты. У хлопчыка таксама ёсць кашуля...» Разам з лексічным паўторам дзецьмі выкарыстоўвае цца ланцуговая займенная сувязь: «Сабака чорны. Ён гаўкае...» Такімі відамі сувязі дашкольнікі авалодваюць у сярэднім узросце.

Некаторыя дашкольнікі старэйшага ўзросту пачынаюць выкарыстоўваць у звязным маўленні ланцуговую сінанімічную сувязь: «Шчаня маленькае. У малога вочкі чорныя...» Сінанімічная сувязь робіць маўленне больш гнуткім, разнастайным, дазваляе пазбегнуць паўтарэння аднаго і таго ж слова.

У розных па тыпу тэкстах структура мае свае асаблівасці. Фундаментальнымі тыпамі тэкстаў з'яўляюцца апісанне, апавяданне і разважанне. Для дашкольнікаў уласцівы першыя два тыпы.

Асноўная функцыя апісання — адлюстраваць нейкі момант речаіснасці, даць вобраз прадмета. Апісанне заўсёды статычнае. Яно пачынаецца з называння прадмета (асобы, з'явы), яго агульнай характарыстыкі. Затым ідуць сказы, якія ўдакладняюць агулькую карціну. Пасля пералічэння прыкмет можа быць фраза, якая завяршае апісанне, часта як ацэнка аб’екта апісання. (Класічнымі прыкладамі апісання могуць служыць апавяданні К.Дз.Ушынскага “Конік”, “Казёл” і інш.)

Асновай апавядання з’яўляецца сюжэт, які разготваецца ў часе. Змест апавядання дынамічны, на першым плане – паслядоўнасць падзей Апавяданне можа ўключаць простую мову, дыялог. Агульная схема апавядання наступная: завязка развіццё дзеяння, кульмінацыя, спад дзеяння, развязка. Часткі апавядання маюць свае прыкметы. Напрыклад, у першай частцы звычайна ўказваецца час дзеяння або месца дзеяння, яна часта пачынаецца са слоў “аднойчы”, “калісці”, “Гэта адбылося ў адной краіне (горадзе і г.д.)” ...

У апісаннях і апавяданнях малодшых дашкольнікаў часцей за ўсё выразна вылучаецца асноўная частка, але паслядоўнасць падзей у апавяданнях, іх логіка нярэдка парушаюцца. Канец часта завяршаецца словамі вось, усё. Напрыклад: “Хвосцік у пеўніка, грабеньчык. Лапкі. Усё”.

У сярэднім дашкольным узросце спісанні дзяцей складаюцца, як правіла, з дзвюх частак. Часцей за ўсё адсутнічае пачатак. Напрыклад: “Гусь белая.Яна кракае: кра-кра. У гусі чырвоныя лапкі. Гусь любіць плаваць». У апавяданнях дзяцей няма або пачатку, або канца. Асноўная частка прысвечана расказванню аб дзеяннях галоўнага героя. Напрыклад: «Каця з садзіка прыйшла. Просіць маму яна: «Паехалі да бабулі!» — «Не паедзем. Мы потым паедзем. Усё».

Апавяданні старэйшых дашкольнікаў больш дасканалыя. Але, як паказваюць даследаванні, без спецыяльнага навучання нават старэйшыя дашкольнікі ў большасці не размяжоўваюць пачатак і працяг апавядання, або працяг і канец. Яны не могуць самастойна вызначыць адсутнасць той або іншай часткі апавядання, яе межы. Гэта азначае, што ў дзяцей старэйшага дашкольнага ўзросту няясныя ўяўленні аб структуры апавядання. Гэта адбіваецца на пабудове дзецьмі самастойнага выказвання. Яны адчуваюць цяжкасці ў арганізацыі зачыну (пачатку), раскрыцці асноўнай часткі выказвання і афармленні канца (А. С. Ушакова).

Прыведзеныя даныя засваення звязнага маўлення па ўзроставых групах з'яўляюцца сярэднестатыстычнымі. Вядома, што ўзровень развіцця маўлення залежыць ад характару зносін, зместу маўлення, узроставых і індывідуальных асаблівасцей дзіцяці. Таму ў фарміраванні маўлення дзіцяці індывідуальныя асаблівасці могуць поўнасцю перакрыць іх сярэднестатыстычныя даныя.

Апрача таго, форма маўленчага выказвання абумоўлена разуменнем субяседніка дзіцяці. Ужо малодшыя дашкольнікі адаптуюць сваё маўленне для слухача. Іменна ў зносінах з равеснікамі маўленне дзіцяці становіцца звязным і лексічна больш разнастайным.

Усе названыя акалічнасці трэба ўлічваць пры фарміраванні маўлення дзяцей дашкольнага ўзросту.

Такім чынам, фарміраванне маналагічнага маўлення прадугледжвае неабходнасць вучыць дзяцей падбіраць змест, які павінен быць перададзены ў маўленні, падбіраць найбольш дакладныя словы для выказвання думкі, будаваць сказы розных тыпаў. Не менш важна вучыць выкарыстоўваць неабходныя для звязнага маўлення моўныя сродкі: інтанацыю, лагічны націск, розныя віды сувязі сказаў і структурных частак тэксту паміж сабой.

У тэорыі і практыцы дашкольнага выхавання падкрэсліваецца значэнне фарміравання звязнага маналаг ічнага маўлення для разумовага развіцця дзяцей і падрыхтоўкі іх да школьнага навучання. Даследчыкі (Л. I. Ціхеева, А. П. Вусава, В. I. Салаўёва, Ф. А. Сахін, А. С. Ушакова і інш.) адзначаюць, што звязным кантэкстным маўленнем дашкольнікі могуць авалодаць толькі ў ходзе сістэматычнага навучання пад кіраўніцтвам педагога.

Віды дзіцячых расказаў і прыёмы навучання расказванню

У дашкольным узросце дзіця авалодвае двума асноўнымі відамі маналагічнага маўлення: пераказам і расказам. Паміж імі ёсць не толькі агульнае, уласцівае маналагічнаму маўленню ў цэлым, але і істотныя адрозненні.

Пераказ — звязнае ўзнаўленне праслуханага мастацкага твора. У дадзеным выпадку дзіця перадае «чужы» змест і карыстаецца гатовай наўленчай формай. Выразнасць маўлення пры пераказе характарызуецца пераймальнасцю, носіць апасродкаваны характар.

Расказ — гэта самастойна складзены звязны, разгорнуты выклад якога-небудзь факта, падзеі. Расказ адрозніваецца самастойным выбарам зместу і маўленчай формы. У расказе заўсёды знаходзіць адлюстраванне асабісты вопыт дзіцяці, эмоцыі. Гэта робіць яго выразным, прычым выразнасць носіць натуральны, непасрэдны характар.

Існуюць розныя класіфікацыі расказаў, якія выкарыстоўваюцца ў дзіцячым садзе для развіцця маналагічнага маўлення дзяцей.

У адпаведнасці з асноўнымі тыпамі тэкстаў, уласцівымі дашкольнікам (апісанне і апавяданне), расказы дзяцей па форме могуць быць апісальнымі і сюжэтнымі. Разнавіднасцямі апісальных расказаў з’яўляюцца параўнальны і тлумачальны. Дашкольнікаў вучаць складаць апісанне двух прадметаў з кантрастнымі прыкметамі, а таксама тлумачальныя расказы з элементамі разважання, даказвання ў суправаджэнні паказу названых дзеянняў. Напрыклад, дзіця можа тлумачыць таварышу, як выкарыстоўваць той ці іншы прадмет, цацку, як гуляць у гульню

Усе дзіцячыя расказы (і апісанні, і апавяданні) могуць грунтавацца як на нагляднай, так і на слоўнай аснове. У першым выпадку дзеці пры расказванні абапіраюцца на нагляднасць — цацку, прадмет, карціну і да т. п. У другім — толькі на памяць або ўяўленні. Напрыклад, дзіця расказвае, якую цацку зрабіла для падарунка сябру.

Па змесце дзіцячыя расказы падзяляюцца на фактычныя і творчыя.

Пры складанні фактычнага расказу дзіця абапіраецца перш за ўсё на свае ўспрыманні (гэта расказы, якія складаюцца па назіраннях), або на памяць, уяўленні. Пры прыдумванні карыстаецца галоўным чынам фантазіяй, творчым уяўленнем. У прыдуманых апісаннях і апавяданнях дзеці выкарыстоўваюць свой папярэдні вопыт, але асобныя з'явы і падзеі аб'ядноўваюцца новай сітуацыяй. Гэта можа быць апавяданне з рэалістычным зместам (апавяданне пра які-небудзь выпадак з кімсьці, пра ўяўныя падзеі і ўчынкі людзей, адлюстраваных на карціне) і казка, дзе дзеючым асобам надаюцца фантастычныя якасці.

Часцей сустракаюцца апісанні фактычнага характару: апісанне карціны, прадмета, цацкі. Але апісанне можа быць і творчым. («Незвычайны звер, які жыве на поўдні».)

Сюжэтнае апавяданне часцей за ўсё мае творчы характар, напрыклад: казка пра цацкі (дзеці прыдумваюць, як два вожыкі жылі ў лесе, што яны рабілі і г. д.); апавяданне пра дзеючых асоб карціны (што яны рабілі да падзей, якія адлюстраваны на карціне, што будуць рабіць потым); расказ на прапанаваную тэму («Як дзеці вызвалілі з бяды свайго таварыша», «Як зайчаня вучылася катацца на самакаце»).

Героем сюжэтнага апавядання можа быць і дзіця, калі яно расказвае пра рэальную падзею («Як мы з татам хадзілі ў грыбы») — гэта фактычны расказ, або прыдумвае, прадбачае («Як я павіншую маму з днём нараджэння»).

А. М. Бародзіч адзначае, што дзецям лягчэй скласці фактычнае сюжэтнае апавяданне, выкарыстоўваючы свае канкрэтныя ўспрыманні, чым апісанні. Гэта тлумачыцца імкненнем дзяцей да дзеянняў, рухаў; сказваецца і ўплыў мастацкай літаратуры. Фактычнае ж апісанне патрабуе адвольнай увагі, умення аналізаваць, параўноўваць, наяўнасці дакладнага "слоўніка. Але пасля аднаго-двух заняткаў болшасць дашкольнікаў паспяхова апісвае прадметы па ўспрыманні і па ўяўленні.

Найболыш складаныя апавяданні — творчыя, прыдуманыя дзецьмі. Яны прапануюцца дзецям 5—6 гадоў.

Параўнальная складанасць дзіцячых расказаў улічваецца пры вызначэнні чарговасці заняткаў па развіцці маналагічнага маўлення.

Пры навучанні дзяцей расказванню выхавальніку неабходна звяртаць увагу на мэтанакіраванасць расказу. Трэба вучыць дзяцей расказваць, не адхіляючыся ад тэмы. Важная якасць любога расказу — яго паслядоўнасць, захаванне структуры. Трэба даць дашкольнікам уяўленне аб структуры як апісання, так і апавядання і прывучаць іх расказваць «па-парадку». Расказы дзяцей павінны быць звязнымі, г. зн. дашкольнікаў трэба пазнаёміць і са спосабамі міжфразавай сувязі. Неабходна звяртаць увагу на інтанацыйную выразнасць расказу, клапаціцца аб культуры паводзін дзіцяці ў час распавядання.

Фарміраванне ў дзяцей уменняў расказваць — працяглы і складаны працэс. Ў навучанні дзяцей расказванню выкарыстоўваюцца розныя п р ы ё м ы, асноўнымі з якіх з'яўляюцца: узор расказвання выхавальніка, план расказу, складанне расказу па частках, калектыўнае складанне апавядання і інш.

Узор расказу — гэта апісанне прадмета, з'явы, расказ пра падзею, даступныя для пераймання дзецьмі як па зместу, так і па форме. Расказ-узор павінен быць больш простым, чым расказ для слухання. Для апавядання трэба падабраць канкрэтны факт або падзею, расказваць паслядоўна, не адыходзячы ад сюжэтнай лініі апавядання, мова павінна быць жывой, вобразнай, сказы кароткімі. Каб наблізіць змест апавядяння да вопыту дзяцей, выхавальнік можа выкарыстаць форму ўспамінаў са свайго дзяцінства: «Калі я была маленькай...»

Узор расказу паказвае дзецям гатовы вынік, да якога яны павінны імкнуцца, дапамагае падабраць аналагічны змест для іх расказаў. Узор расказу вызначае яго аб’ём, паслядоўнасць. Таму ўзор выкарыстоўваецца на пачатковых этапах навучання расказванню, у выпадках пастаноўкі перад дзецьмі новых задач. Як дыдактычны прыём узор выкарыстоўваецца часцей у пачатку заняткаў, а таксама яго, калі дзеці адчуваюць цяжкасці ў складанні апісання ці апавядання (частковы ўзор). Можна прапанаваць дзецям іншы варыянт расказу-дублёра для супастаўлення яго з першым. Напрыклад, педагог апісвае дзве розныя цацкі і тлумачыць абавязковыя элементы гэтых апісанняў.

На першых этапах узор расказу мэтазгодна спалучаць з яго планам. План расказу — гэта два-тры асноуныя пытанні, якія вызначаюць змест і паслядоўнасць расказвання. Паступова план становіцца самастойным, асноўным прыёмам навучання. У працэсе заняткаў план неабходна папаўняць новымі пытаннямі. Гэта актывізуе ўвагу дзяцей, дае магчымасць індывідуалізаваць заданні.

Пры складанні дзецьмі апавяданняў па карціне або на тэму на пачатковых этапах рэкамендуецца калектыўны разбор плана. Выхавальнік абмяркоўвае з дзецьмі асобныя пытанні плана, паказваючы магчымасць разнастайвання зместу апавядання. На адно і тое ж пытанне плана выхавальнік прапануе адказаць некалькім дзецям.

У апошнія гады шырока распаўсюдзілася выкарыстанне матэрыяльнай схемы (мадэлі) плана расказу. Напрыклад, мадэль для складання апісанняў птушак — карткі: пустая азначае, што спачатку трэба назваць птушку, пра якую расказваецца; затым з выявай дзюбы, пер'я, лапак, вясёлкі, гнязда, талеркі з лыжачкай, чалавечка. Дзеці апісваюць знешні выгляд выбранай птушкі, расказваюць, як яна рухаецца, дзе жыве, чым харчуецца, як чалавек дапамагае птушцы (Н. Кандрацьева, А. Самкова).

Апавяданне па карціне, якая складаецца з некалькіх эпізодаў, або па серыі сюжэтных карцін расказваецца па частках некалькімі дзецьмі. Выкарыстоўваецца калектыўнае складанне апавяданняў з калектыўнага вопыту, калі выхавальнік падзяляе яго на дробныя часткі або падтэмы.

У навучанні расказванню выкарыстоўваецца і такі прыём, як заканчэнне дзецьмі апавядання, распачатага выхавальнікам. Развіццю ў дзяцей фантазіі спрыяе падказванне варыянтаў сюжэту, акалічнасцей дзеянняў і інш.

П ытанне як прыём навучання расказванню займае другараднае месца. Пытанні дзецям ставяцца, як правіла, пасля заканчэння апавядання для ўдакладнення або дапаўнення яго.

У працэсе дзіцячага расказвання, калі трапляецца якая-небудзь памылка, трэба падказаць слова або сказ, выправіць памылку так, каб не парушыць звязнасць, плаўнасць апавядання.

Важны прыём навучання расказванню — ацэнка. Выхавальнік павінен у сваёй ацэнцы адзначыць спробы творчасці, удалае раскрыццё сюжэту, выразнасць маўлення, паўнату перадачы і г. д. У старшых групах да ацэньвання апавяданняў трэба прыцягваць і дзяцей.

Методыка навучання дашкольнікаў звязнаму маўленню павінна засноўвацца на прынцыпе маўленчага дзеяння. Фразы, якія вымаўляе дзіця на беларускай мове, будуць вынікам маўленчага дзеяння толькі пры наяўнасці ў яго ўнутранага матыву дзейнасці (чаму яму трэба гэта сказаць), мэты (дзеля чаго трэба гэта сказаць, што атрымаецца ў выніку), думкі (які змест трэба перадаць). Дзіця павінна самастойна адабраць словы для перадачы думкі, змяніць іх у адпаведнасці з правіламі беларускай граматыкі, пабудаваць сказ, звязаць сказы паміж сабой у звязны тэкст.

Пытанне аб матывацыі маўленчай дзейнасці паўстае пры навучанні роднай мове, тым больш яно актуальнае пры фарміраванні маўлення на другой мове. Найлепшы вынік, на думку даследчыкаў, дае спалучэнне гульнявой і камунікатыўнай матывацыі.

Матывацыяй для стварэння апавяданняў на занятках можа служыць прысутнасць персанажа-«беларуса», які хоча скласці апавяданне па карціне і просіць дзяцей дапамагчы яму, просіць пераказаць казку, паколькі спазніўся і не чуў яе і г. д.

Асаблівае месца займаюць гульні-драматызацыі па сюжэтах вершаў, беларускіх народных казак, твораў беларускіх пісменнікаў. Гульні па беларускіх творах садзейнічаюці, аналоданню «літаратурным мінімумам» роднай мовы.

Вялікі ўплыіў на ўзнікненне ў дзяцей эмацыянальных вобразаў аказваюць уяўныя сітуацыі фальклорных твораў, удзельнікамі якіх яны з'яўляюцца. Напрыклад, для адпрацоўкі навыкаў маналагічнага маўлення (апісання) можна выкарыстаць гульнявую сітуацыю «Адгадай, хто я». Дзеці «пераўвасабляюцца» ў жывёл ці ў рэчы і расказваюць пра сябе: «Я маленькая і зялёная, жыву ў балоце. Я добра плаваю і скачу. Люблю есці мух і камароў». (Жаба.); «Я вялікі, падобны на скрыню. У мяне ёсць экран і многа кнопачак. Уключыш кнопачку — пакажу мультык або спартландыю». (Тэлевізар.)

Шмат увагі неабходна надаваць заданням, якія накіраваны на развіццё фантазіі. Гэта слоўныя замалёўкі незавершаных карцін, якія даюцца дзецям у схематычным выглядзе, прыдумванне казак, гісторый з жыцця дзяцей і да т. п.

Акрамя гульнявой у старэйшым дашкольным узросце ўводзіцца «больш сур'ёзная» сацыяльная матывацыя: расказаць казку маленькім дзецям, каб яны вучыліся разумець беларускую мову і правільна на ёй размаўляць (для гэтага можна запісаць пераказ на магнітафон, што з'яўляецца вельмі эфектыўным срод-кам удасканалення маўлення дзяцей), наладзіць выстаўку малюнкаў, іншых вырабаў і правесці для дашкалят экскурсію на беларускай мове, скласці пісьмо дзецям, якія наведваюць беларускі дзіцячы сад і размаўляюць толькі па-беларуску і да т. п.