73.Қызметкерлердің бет-әлпеті

Қызметкерлердің бет-әлпеті

Менеджердің бет-әлпеті фирамның беделін көрсетеді. Дұрыс киіне білу керек. Ең дұрысы – қарапайым іс костюмы. Киім кию ережелері:

• стилі бірегей;

• түстері көп болмау керек (үш түс ережесі);

• түстердің сәйкестілігі;

• материал фактурасының сәйкестілігі;

• киім элементтеріндегі суреттердің сәйкестілігі;

• аксессуарлар (аяқ киім, сумка, белбеу, әшекейлер т.б.) сапасының негізгі костюм сапасына сәйкес болуы.

74.Конфликт (шиеленісу, дау-дамай) және оның себептері

Конфликт (дау-дамай, шиеленісу) дегеніміз – бір-бірімен үйлеспейтін қарама-қарсы бағытталған тенденциялардың түйісуі. Адам әртүрлі келеді, кім болса да, өмірді өзгеше қабылдап түсінеді, сондықтан келіспеушілік туындайды.

Конфликт себептері

1. Ресурстардың шектелу сипаты; сонымен қатар, әр адамның өзіне осы ресурстардың ең жақсы және үлкен көлемдегі бөлігіне ие болуға тырысуы.

2. Қажеттіліктердің, құмарлықтардың, мүдделердің, мақсаттардың немесе құндылықтардың қайшылықтары. Мысалы, ұйымның бөлімшелері өз мақсатын орындаған кезде бүкіл ұйым мақсаттарына қажетті көңіл бөлмеуі.

3. Міндеттердің өзара байланыстылығы. Бір адам немесе топ өз міндетін орындағанда басқа адам не топтың жұмысына тәуелді болса, дау-дамай туындауы мүмкін.

4. Коммуникацияның (ақпарат алмасу) нашар сапасы. Нашар коммуникацияның факторлары: техникалық, ұйымдастырушылық, психологиялық, тұлғалық және т.б. факторлар.

5. Жұмыс орнының нашар эргономикасы. Жұмыс орындауға қажетті орны мен құралдары жеткіліксіз болғанда дау-дамай туындауы мүмкін: қажетті техника құралдарының жетіспеуі, жердің тар болуы, қапырық, ыстық, суық болуы т.б. Осыдан шаршау, ызалану, бас ауыруы, стресс, агрессия болады.

6. Бақылаудың сәйкес еместігі. Шектен асып кеткен бақылау немесе, керісінше, оның жетіспеуі дау-дамай туғызады. Егер адамның әр қадамын аңдып тұра берсе, ол әбден ыза болады. Турист ашуланады, ал қызметкер жұмысты дұрыс орындай алмай қалады. Ал енді бақылау болмаса, жауапкершілік те болмайды, нәтижесінде шиеленісуге барлық жағдай дайын.

7. Мінез-құлық пен өмір тәжірибесінің айырмашылықтары.

75.Конфликттің оң және теріс қасиеттері

Конфликт (дау-дамай, шиеленісу) дегеніміз – бір-бірімен үйлеспейтін қарама-қарсы бағытталған тенденциялардың түйісуі. Адам әртүрлі келеді, кім болса да, өмірді өзгеше қабылдап түсінеді, сондықтан келіспеушілік туындайды.

Конфликт кемшіліктермен бірге оң қасиеттерге де ие:

• нәтижесінде қарама-қарсылықты толығымен немесе жартылай түрде шешуге болады;

• ұжымның дамуы мен өзгеруіне үлес қосады;

• кризис себебін тереңдетудің орнына айқындайды;

• конформизм мен бағынушылықты азайтады;

• топ ынтымақтастығын күшейтеді;

• ұйым құрылымын дамытады;

• шешілмеген сұрақтар мен кемшіліктерді айқындайды;

• тұлға дамуына үлес қосады;

• адам түрткілері мен құндылықтарын білуге мүмкіндік береді;

• адамның жақсы-жаман жақтарын білуді жеңілдетеді;

• қиын мәселелерді шешу тәжірибесін береді;

• жеке іс-әрекет сапасын жақсартады;

• стресске бейімделу;

• кейде ұжымдағы беделін көтереді;

• басқа конфликтер маңызын төмендетеді.

Конфликттің теріс әсері:

• ауру-сырқатқа әкеліп соғады;

• психикаға теріс әсер келтіреді;

• стресс немесе зорлық-зомбылыққа әкеліп соғады;

• қарым-қатынасты бұзады;

• «жау бейнесін» қалыптастырады, күні бұрын жаман пікір туғызады;

• жұмыс не оқу сапасын төмендетеді;

• әділеттілікке сенбеу туындырады;

• сенімді жоқ қылады;

• ынтымақтастықты жоқ қылады;

• одан сайын қозып кету тенденциясы бар.