Сөз тіркестері мен сөздердің байланысу түрлері

Сөз тіркесі деп толық мағыналы екі я бірнеше сөздің бір-біріне тұлғалық әрі мағыналық жағынан бағына байланысуын атаймыз.

Мысалы: Қайрат балаларға Досанмен болған әңгіменің мән-жайын баяндады деген сөйлемдегі сөздер мына сияқты тіркестерден құралған:

Қайрат баяндады;

балаларға баяндады;

Досанмен болған;

болған әңгіменің;

әңгіменің мән-жайын;

мән-жайын баяндады.

Мұнда әрбір сөз өзін керек қылған, қажет етіп тұрған сөзбен ғана байланысқан. Сөздердің мағыналық байланысын сұрау қою арқылы табамыз.

Сөздердің байланысу түрлері

Қазақ тілінде сөздердің байланысы бес түрге бөлінеді: олар - қиысу, меңгеру, матасу, қабысу және жанасу.

Қиысу

Қиысу деп сөзбен сөздің жіктік жалғаулары арқылы және жіктелу ретімен байланысқан түрін дейміз.

Мысалы:

Жекеше Көпше 1-жақ Мен оқушымын Біз оқушылармыз 2-жақ Сен оқушысың Сендер оқушыларсыңдар Сіз оқушысыз Сіздер оқушыларсыздар 3-жақ Ол - оқушы Олар - оқушылар

Жекеше Көпше 1-жақ Мен оқимын Біз оқимыз 2-жақ Сен оқисың Сендер оқисыңдар Сіз оқисыз Сіздер оқисыздар 3-жақ Ол оқиды Олар оқиды

Бірінші мысалдағы 3-жақтың арнаулы жіктік жалғауы жоқ, сөздер тек жіктелу ретімен байланысқан, сонымен қатар олардың арасында кідіріс болады, жазуда сызықша қоямыз.

Меңгеру

Меңгеру деп сөздің ілік септігінен басқа септік жалғаулары арқылы байланысуын атаймыз.

Мысалы: Уикипедияны өңдеу; үлкенді сыйлау; балтамен ағашты жару

Матасу

Матасу деп сөздердің ілік септігі мен тәуелдік жалғаулары арқылы байланысуын дейді.

Қабысу

Қабысу - сөздердің бір-бірімен ешбір жалғаусыз, шылаусыз, тек іргелес тұру арқылы байланысу түрі.

Жанасу

Жанасу деп алдыңғы сөздің соңғы сөзбен шылаулар арқылы немесе ешбір жалғаусыз, түбір тұлғаларында тұрып, орын жағынан бірде іргелес, бірде алшақ байланысуы аталады.

І Жаңа материалды бекіту, біліктілік пен дағдыны қалыптастыру: Өткен тақырып бойынша оқушылардың білік-дағдысын сұрақ-жауап арқылы тексеру.

Сабақтың қорытындысы:

1. Еңбекті қорғаудың заңнамаларыы дегенді қалай түсінесіңдер?

2. Сөз тіркестері мен сөздердің байланысу түрлері дегеніміз не?

3.Сөздердің байланысу түрлері нешеге бөлінеді?

Рефлексия: 1. Бүгінгі сабақтан не білдіңдер?

2.Нені үйрендіңдер?

3.Нені білгілерің келеді?

Бағалау: Сабақта белсенді жауап берген оқушыларды бағалап, мадақтаймын.

Үй тапсырмасы: Еңбекті қорғаудың заңнамалары туралы мазмұндау, ережені жаттау.

Оқытушының АЖӘ және қолы: С.Сәрсенбаева

Форма 01.15 КП ЦАТЭК 04-2012. Издания 1