Қазақстан республикасының білім және ғылым министрлігі

«Орталықазия техника-экономикалық колледжі» білім мекемесі

Сабақтың технологиялық картасы

Пән : Кәсіби қазақ тілі

Мерзімі Топ

Сабақтың № 30

Тақырыбы: Қызмет көрсету орталығында. Шылау сөздер.

Сабақтың мақсаты:

Білімдік Қызмет көрсету орталығында тақырыбын түсіндіру. Шылау сөздер туралы мәлімет беру.

Дамытушылық: ауызекі сөйлеуді дамыту, кәсіби сөздік қорды молайту, кәсіби қазақ тілін үйренуге деген қызығушылығын арттыру.

Тәрбиелік: мәтінді оқи білуге, сөздерді анық, дұрыс айтуға, әр тапсырманы ұқыпты және таза орындауға тәрбиелеу.

Сабақтың типі: аралас сабақ

а) оқу-көрнекілік құралдар: оқулық, презентация.

б) үлестірмелі материалдар: үлестірмелі қағаздар.

в) ТОҚ : компьютер, кинопроектор.

Пәнаралық байланыс: қазақ тілі, информатика

Қолданатын әдебиет:

Негізгі: Кәсіби қазақ тілі. Ұ.С.Байсақалова, қазақ тілі Ш.Бектұров, Ш.Бектұрова, Шәудірова

Қосымша : Қазақ тілі Ф.Оразбаева, Қазақ тілі С.Жиенбаев, Қазақ тілі Ж.Адамбаева, К.Сариева, Мемлекеттік тілде іс қағаздарын жүргізу. Г.Байжанова

Өз бетінше жұмыс: Болашақ мамандығы туралы баяндама немесе шығарма жазу.

Сабақтың өту барысы :

Ұйымдасытру кезеңі : Амандасу.

Гимды орындау.

Оқушыларды түгендеу.

Оқушылардың біліктілігі мен дағдысын тексеру: Өткен тақырып бойынша оқушылардың білік-дағдысын сұрақ-жауап арқылы тексеру.

Жаңа сабақ : Қызмет көрсету орталығында.

Қызмет көрсету орталығы біздің жаңа заманымызға сай әр қалада, әр ауданда орналасқан.

Қазіргі уақытта барлық үй мәселесіне байланысты сұрақтар мен жеке құжатқа байланысты мәселелерді осы қызмет көрсету орталығы шешеді. Тек өзіңіз жайлы мәліметті апарсаңыз болды ол жер компьютер арқылы анықтап сізге қажет анықтама немесе т.б. құжаттарыңыз туралы толық ақпарат жинап аласыз.

Шылаулар сөздерді, сөйлемдерді байланыстырып, өзі қатысты сөздерге, сөйлемдерге жаңа үстеме береді.Өз алдына жеке тұрып толық мағынасы болмайтын, сөйлемде сөйлем мүшесі қызметін атқара алмайтын, бірақ басқа сөздерге көмекшілік қызмет атқаратын сөздер шылау деп аталады. Грамматикалық сипаттарына қарай, шылаулар ішінара үш жікке бөлінеді: олар – септеуліктер: арқылы, туралы, дейін, шейін, қатар, бірге тағы басқалар. Мысалы: Ол Астанаға дейін пойызбен барды. Жалғаулықтар: мен, да, де, және, әрі, бірақ, немесе, сондықтан тағы басқа. Мысалы: Ол көп оқыды, сондықтан білімді адам болып шықты.

Демеуліктер: -ма, ме, ба, бе, па, пе, -ақ, ау, ше, емес,ғана, ғой, тағы басқа. Мысалы: Мынау дәптер ғой.

І Жаңа материалды бекіту, біліктілік пен дағдыны қалыптастыру: Өткен тақырып бойынша оқушылардың білік-дағдысын сұрақ-жауап арқылы тексеру.

Сабақтың қорытындысы:

1. Қызмет көрсету орталығы дегенді қалай түсінесіңдер?

2. Қызмет көрсету орталығы қандай мәселелерді шешеді?

3.Өзіңіз қызмет көрсету орталығына жүгіндіңіз бе?

4. Шылау сөз деп нені айтамыз?

Рефлексия: 1. Бүгінгі сабақтан не білдіңдер?

2.Нені үйрендіңдер?

3.Нені білгілерің келеді?

Бағалау: Сабақта белсенді жауап берген оқушыларды бағалап, мадақтаймын.

Үй тапсырмасы: Қызмет көрсету орталығы туралы мазмұндау, ережені жаттау.

Оқытушының АЖӘ және қолы: С.Сәрсенбаева