Қазақстан республикасының білім және ғылым министрлігі

«Орталықазия техника-экономикалық колледжі» білім мекемесі

Сабақтың технологиялық картасы

Пән : Кәсіби қазақ тілі

Мерзімі Топ

Сабақтың № 29

Тақырыбы: Келіссөздер мен іскерлік әңгіме. Еліктеуіш сөздер.

Сабақтың мақсаты:

Білімдік Келіссөздер мен іскерлік сөздерінің мағыналарын түсіндіру. Еліктеуіш сөздері туралы жалпы мәлімет беру.

Дамытушылық: ауызекі сөйлеуді дамыту, кәсіби сөздік қорды молайту, кәсіби қазақ тілін үйренуге деген қызығушылығын арттыру.

Тәрбиелік: мәтінді оқи білуге, сөздерді анық, дұрыс айтуға, әр тапсырманы ұқыпты және таза орындауға тәрбиелеу.

Сабақтың типі: аралас сабақ

а) оқу-көрнекілік құралдар: оқулық, презентация.

б) үлестірмелі материалдар: үлестірмелі қағаздар.

в) ТОҚ : компьютер, кинопроектор.

Пәнаралық байланыс: қазақ тілі, информатика

Қолданатын әдебиет:

Негізгі: Кәсіби қазақ тілі. Ұ.С.Байсақалова, қазақ тілі Ш.Бектұров, Ш.Бектұрова, Шәудірова

Қосымша : Қазақ тілі Ф.Оразбаева, Қазақ тілі С.Жиенбаев, Қазақ тілі Ж.Адамбаева, К.Сариева, Мемлекеттік тілде іс қағаздарын жүргізу. Г.Байжанова

Өз бетінше жұмыс: Болашақ мамандығы туралы баяндама немесе шығарма жазу.

Сабақтың өту барысы :

Ұйымдасытру кезеңі : Амандасу.

Гимды орындау.

Оқушыларды түгендеу.

Оқушылардың біліктілігі мен дағдысын тексеру: Өткен тақырып бойынша оқушылардың білік-дағдысын сұрақ-жауап арқылы тексеру.

Жаңа сабақ Келіссөздер мен іскерлік әңгіме

ӘКІМШІЛІК ЭТИКА — барлық деңгейдегі мемлекеттік басқару мәселелерімен, сондай-ақ бюрократиялық ұйымдастыру мәселелерімен байланысты кәсіби этиканың бір түрі.

КЕЛІССӨЗДЕР – қандай да бір шешімді өңдеу мақсатымен түрлі тараптармен пікір алмасу (жабдықтаушылар және сатып алушылар, тапсырыс берушілер және орындаушылар).

МЕМЛЕКЕТТІК ЭТИКА – мемлекеттік заңдар негізінде ұйым ішіндегі мемлекеттік қызметкерлердің іс-әрекет және қатынас стилін сипаттайтын этикалық нормалардың жиынтығы.

ІСКЕРЛІК ӘҢГІМЕ - өндірістік іс-әрекет мәселелерін шешуге бағытталған вербалды және вербалды емес байланысты пайдаланатын қатынас процесі.

ІСКЕРЛІК РИТОРИКА – іскер адамдарды мәдени сөйлеу сөздерімен қамтамасыз етуге бағытталған риториканың қолданбалы бөлігі.

ІСКЕРЛІК ЭТИКА – кәсіпкердің адамгершіліктік нормалары мен іс-әрекет ережелерінің жиынтығы, сондай-ақ қоғамның кәсіпкердің жұмыс стиліне, жұмысына, моральдық бейнесіне қоятын талаптары.

ІСКЕРЛІК КОНФЛИКТ – іскерлік қатынастар процесінде өндірісте туындайтын проблемалық жағдай.

ПІКІР-ТАЛАС – қандай да бір даулы мәселені талқылау, мәселені зерттеу.

ЭТИКАЛЫҚ КОДЕКС (лат. codex — кітап) — атқаруға міндетті адамгершіліктік нормалар жиыны. Қазіргі таңда іскерлік іс-әрекет қағидалары мен ережелері этикалық кодексте талқыланады. Әдебиетте әдетте корпоративті, кәсіби, ұлттық және әлемдік кодекстерді бөіп қарастырады. Корпоративті э.к. негізінен аталмыш корпорация қағидаларын, әрекет ережелерін, өз жұмыскерлеріне қатысты әкімшіліктің жауапкершілігін, қоршаған ортаны қорғау бойынша міндеттерді сипаттайтын ережелерді қамтиды. Корпоративті э.к. бірнеше түрлерің болады: а) кодекстің бұзылуы жағдайында санкциялардың қолданылуын қарастыратын реттеуші құжат; б) құндылықтар, философия, корпорация мақсаттары туралы абстрактілі ережелерді қамтитын қысқаша кодекс; в) салымшылар мен қызметкерлер алдындағы фирманың әлеуметтік міндеттерінің толық кодексі.

Еліктеу сөз- әр түрлі дыбысқа, құбылысқа еліктеуден және олардың бейнесін елестетуден туындаған сөз.

Құрамына қарай екіге бөлінеді:

1. Дара еліктеу сөз бір ғана түбірден тұратын сөз: тарс, күмп, жымың т.б.

2. Күрделі еліктеу сөз – екі сөздің қосарлануынан мысалы: тарс-тұрс, қисаң-қисаң т.б.

Мағынасына қарай екіге бөлінеді:

Еліктеуіш - түрлі дыбыстарға еліктеуден туындаған еліктеу сөздер. Ол дыбысқа негізделеді: тарс, сарт-сұрт, тасыр-тұсыр, салдыр-гүлдір, т.б.

І Жаңа материалды бекіту, біліктілік пен дағдыны қалыптастыру: Өткен тақырып бойынша оқушылардың білік-дағдысын сұрақ-жауап арқылы тексеру.

Сабақтың қорытындысы:

1. Келіссөздер мен іскерлік әңгіме дегенді қалай түсінесіңдер?

2. Пікір-талас дегеніміз не?

3.Іскерлік этика дегенді қалай түсінесіңдер?

4. Еліктеу сөз деп нені айтамыз?

Рефлексия: 1. Бүгінгі сабақтан не білдіңдер?

2.Нені үйрендіңдер?

3.Нені білгілерің келеді?

Бағалау: Сабақта белсенді жауап берген оқушыларды бағалап, мадақтаймын.

Үй тапсырмасы: Келіссөздер мен іскерлік әңгімені мазмұндау, ережені жаттау.

Оқытушының АЖӘ және қолы: С.Сәрсенбаева