
- •Диктант текстлары 5 нче сыйныф
- •Диктант № 2. «Сузыкларның ярашуы» темасы буенча контроль диктант(№1)
- •2. Сингармонизмның икенче төренә сүзләр язарга.
- •Диктант № 4.(”Графика, орфография” темасы буенча). Җырчы юкәләр.
- •Диктант № 5.(“Фонетика, орфоэпия, графика, орфография” темасы буенча). Керпе һәм аның балалары.
- •Диктант № 6.(“Лексикология” темасы буенча)
- •Диктант № 7. (“Сүз төзелеше” темасы буенча) Язның беренче ае.
- •Диктант № 8 ( контроль)( «Ел буена үткәннәрне кабатлау» темасы буенча) Көртлек.
- •Изложение өчен текстлар
- •6 Нчы сыйныф
- •Диктант текстлары .
- •Диктант № 2. (“Исем” темасы буенча). Урман тургае.
- •Диктант № 4. (“Хикәя фигыль” темасы буенча)
- •Диктант № 6. (“Сан” төркемчәләре темасы буенча)
- •Диктант № 7 (контроль). (“Рәвеш “ темасы буенча) Төнбоек.
- •2. Ике рәвешкә морфологик анализ ясарга
- •Диктант № 8. (контроль). Ябалак.
- •Изложение №2. (контроль№1) Судан башка тереклек юк.
- •Изложение №3 Эш үткәч үкенүдән файда юк.
- •Изложение №4 (контроль) Тылсымлы сүз
- •7 Нче сыйныф Диктант текстлары
- •Диктантлар – 8(4)
- •Диктант №2. ( “Ияртүле бәйләнеш” темасы буенча)
- •Диктант № 5.(контроль)
- •Изложение текстлары
- •Изложение №3 Сугыш чоры икмәге.
- •Изложение №4(контроль) Табылдык
- •8 Нче сыйныф
- •Диктант текстлары Шаулагыз, имәннәр.
- •Мин шулай язгы җилгә әсәрләнеп басып торганда, агач башларында кошлар чыркылдаша башлады, тополь
- •8 Нче сыйныф Изложение текстлары
- •Изложение №1 Көзге бизәкләр
- •Изложение №3 (контроль) Укытучым
- •Изложение №4 (контроль) Хезмәткә хөрмәт
- •9 Нчы сыйныф Диктант өчен текстлар.
- •Диктант № 4.(контроль) Янәшә яши алуның да сере бар.(” Ел буена үтелгәннрне кабатлау” темасы буенча)
- •Изложение өчен текстлар
- •Изложение № 7 Кыр казы.
- •Изложение № 8(контроль) Туган җир
- •10 Сыйныф Диктант текстлары
- •Изложение №2.(контроль) Мирза үз гаиләсенә алды.
- •11 Сыйныф Диктант текстлары
- •Изложение текстлары
- •Изложение №4. (контроль)
Диктант №2. ( “Ияртүле бәйләнеш” темасы буенча)
Шомырт чәчкә аткан чакта
( Н.В.Максимов, С. М. Трофимова, М. З. Хәмидуллина. Татар теленнән диктантлар һәм изложениеләр җыентыгы. Казан, “Мәгариф”, 2005, 49 бит)
Шомырт чәчкә аткан чак. Авылны хуш ис чорнап алган. Шомырт куагы тирәсендә бал кортлары очып йөри. Алар басынкы гына шатланып гөжлиләр. Бал кортларының тату гөжләве, куанычлы бәйрәм ясап, аларның чәчәктән чәчәккә очып- кунып йөрүләре җанга рәхәт сала. Иртән явып үткән кояшлы яңгыр бал төшереп киткән. Баскыч төбендәге тирәкнең баллы яфраклары кояшта ялтырап тора. Табигатькә мул, тыныч рәхәтлек иңгән. Һәр үлән яфрагы, һәр таш. Һәр матдә көр һәм ифрат куанычлы шатлыкка сугарылган.
Бирем. Беренче-өченче җөмләләрдә ияртүле бәйләнештәге сүзләрне сайлап язарга
Диктант №3. (контроль) Лагерьда сабантуй. ( “Сүзтезмә” темасы буенча)
( 5-11 нче сыйныфлар өчен диктантлар җыентыгы. Казан, “Мәгариф”, 2001, 96 бит)
Иртәгесен кызарып кояш чыкты. Табигате дә әллә сизә инде? Сабан туена нинди матур көн! Иртәнге аш, иртәнге линейка әллә булды, әллә юк, аңа игътибар итүче булмады. Бары тик сабан туе ачылуын көтәбез. Сәгать тугыз. Шат йөзле балалар мәйданчыкны уратып алдылар. Алдан ук әзерләнгән озын эскәмияләрдә безнең әти-әниләр,әби-бабайлар утырган. Мәйдан уртасында- озын колга, ә аның очында-кызыл башлы борынгы сөлге. Мин моны беренче тапкыр күрәм. Мәйдан алдында-зур өстәл. Анда җиңүчеләргә бүләкләр куелган.
Менә мәйдан уртасында Бикнур абый пәйда булды. Кулында-сырлы таяк. Бу чүлмәк ватарга инде. Ул безне сабан туе ачылу белән котлады. Без дәррәү кул чаптык.
Ул бүгенге көннең программасы белән таныштырды. Жюри әгъзалары үз урыннарына килеп утырдылар.(110сүз)
Грамматик бирем. Түбәндәге җөмләдән сүзтезмәләрне аерып алып тикшерергә:
Алдан ук әзерләнгән эскәмияләрдә безнең әти-әниләр, әби-бабайлар утырган.
Диктант№4. (“ Җөмләнең иярчен кисәкләре” дигән тема буенча)
Кыш урталары. Һава салкын. Табигать инде ял итә. Җир йөзе кар юрганына төренгән, йоклый. Ай яктысында кар бөртекләре җем-җем итеп ялтырап торалар. Әнә еракта урман күренә.
Авыл да карга төренеп тирән йокыга талган. Әнә тау буена утырган кечерәк кенә авыл.Югарыга күтәрелгән нәзек кенә мәчет манарасы аның татар авылы икәнен белгертә. Вакыт инде кич булганга, авыл тын. Тик ара-тирә этләр өргәләгәне генә ишетелеп куя.
Караңгыда өйләр печән чүмәләләре булып күренәләр. Тәрәзәләрдә ут күренми: бар да йоклый.Тик авыл читенәрәк салынган бер йортта гына ут яна.Ул өй асылмалы җиделе лампа белән яктыртылган. Кыйммәтле җиһаз булмаса да, аның эчендәге бөтен нәрсәдә пакьлек күренеп тора. Идән чиста итеп себерелгән, стеналарга кызыл башлы ап-ак сөлгеләр җентекләп эленгән. Өй эче тын, хәтта тәңкә ярымлык сәгатьнең йөргәне тик-тик итеп аерым ачык ишетелә.