Сабаққа арналған әдістемелік нұсқау

Мамандығы: 5В130100 “Жалпы медицина”

1.Тақырып: Көмірсу алмасуының бұзылыстары.

2. Сабақтың мақсаты:

- көмірсулар алмасуының типтік бұзылыстары бойынша студенттердің білімін бекіту.

3. Оқыту міндеттері

- студенттерге көмірсу алмасуының бұзылыстарын патофизиологиялық талдауды

үйрету;

- гипогликемия және гипергликемияны емдеу ұстанымдарына білім беру.

4. Тақырыптың негізгі сұрақтары:

1. Тағамдағы көмірсулар сіңірілуінің, гликогеннің түзілу үрдістерінің, қорға жиналуының және ыдырауының, көмірсуларды пайдаланудың бұзылыстары.

2. Көмірсулар алмасуының аралық бұзылыстары.

3. Гипогликемия, түрлері, себептері және даму жолдары. Гипогликемиялық кома.

4. Гипергликемия, түрлері, себептері және даму жолдары.

5. Инсулинның бездік және безден тыс жеткіліксіздігі.

6. Гипогликемия мен гипергликемияны емдеу ұстанымдары.

5. Сабақ беру және оқыту әдістері:

Пікірталас, есептер шығару.

Есептер.

Есеп №1. Көмірсу алмасуының бұзылыстарына патофизиологиялық талдау беру.

Ашқарында қан сарысуындағы глюкозаның деңгейі глюкозаға толеранттылығының стандарттық сынамасы (ГТСС) жүргізу кезінде < 5,5 ммоль/л, 60 минуттан кейін - 8,9 ммоль/л, 120 минуттан кейін - > 7,2 ммоль/л.

Есеп №2. Көмірсу алмасуының бұзылыстарына патофизиологиялық талдау беру.

Ашқарында қан сарысуындағы глюкозаның деңгейі глюкозаға толеранттылығының стандарттық сынамасы (ГТСС) жүргізу кезінде 7,26 ммоль/л, 60 минуттан кейін - 14,4 ммоль/л, 120 минуттан кейін - > 12,2 ммоль/л.

Ескерту:

Глюкозаға толеранттылығының стандарттық сынамасы (ГТСС). Түнгі ашығудан кейін сынама жүргізіледі. Глюкозаны анықтау үшін қан ашқарында алынады және 30, 60, 90, 120 минуттан кейін глюкоза қабылданған соң 1,75 г/кг дене салмағы бойынша.

Егер ашқарында глюкозаның мөлшері < 7,8 ммоль/л, 120 минуттан кейін 7,8 ммоль/л мен 11,1 ммоль/л аралығында және бір сынамада (30, 60 немесе 90 миуттан кейін) жоғары немесе 11,1 ммоль/л тен - ерлер мен әйелдерде глюкозаға толеранттылығының бұзылысы анықталады.

Егер ашқарында глюкозаның мөлшері < 7,8 ммоль/л, немесе 120 минуттан кейін > 7,8 ммоль/л- балаларда глюкозаға толеранттылығының бұзылысы анықталады.

Есеп №3. Көмірсу алмасуға гормондардың әсерінің кестесін құрастыру.

Сол кезде ынталандырушы әсері (+), тежеуші (-), мүлдем әсері жоқ болса (0) болып көрсетіледі.

Гормондар	Гликогенолиз	Гликогенез	Гликонеогенез	Гликемия	Қосымша әсерлер
Инсулин
Глюкагон
Адреналин
Глюкокортикоидтар
АКТГ
СТГ
Тироксин