5 Сурет - э, р және в кадры

 

Эталон кадрынан кейін тұрған кадр мазмұны Э кадрымен салыстырылып, Р деп аталатын өзгешелік кадрын туғызады. Ол қайта өңдеу үшін қолданылады. Содан кейін Э кадрынан кейін орналасқан екінші кадрмен салыстырылады, үшінші кадр екіншісінен осылайша 12 бейнекадрлардан тұратын топтар соңына дейін салыстырылады. Әрі қарай 12 кадрдан тұратын келесі топтар жаңа Э эталонды кадр туғызады т.с.с. Э кадрының сығу өлшемі шектеулі, максималды битті сығылу Р кадрында болады. Жоғарғы сығылуды екі тәсілмен алуға болады: тура болжам және қозғалыс компенсациясы бар болжам. Тура болжау – Р кадрын жасау үшін қолданылатын әдіс, ол тізбекті кадрлар микроблоктар аралығындағы айырмашылықты болжау мен өңдеу үшін болжанған кадрларды таратуға арналған.

Ол үшін бірден көп бейнекадрларды сақтау керек. Тура болжау кезінде эталонды кадр ретінде Э кадрын немесе бұрынырақ қалпына келтірілген Р кадрын пайдалануға болады. Бұл тәсілдің кемшілігі Р кадрында туындаған қателіктер кезекті кадр түскенге дейін келесі кадрға бөлінеді.

Қозғалыс компенсациясы бар болжам жүріп жатқан кадрды құру үшін алдыңғы кадр мен кейінгі кадр мазмұнын салыстырады. Құрылған  кадр В baokwark prediction – қайта болжау немесе  bidirectional – екі бағытты, яғни алдыңғы және кейінгі кадр мазмұнына тәуелді деп аталады.

В кадрының Э және Р кадрларынан өзгешелігі В кадрын эталон ретінде пайдалануға болмайды. Сонымен қатар олар екі кадрды бір бейне жадына сақтауды талап етеді. 2-суретте 12 кадрдан тұратын Э, Р және В (0-11) кадрларының типті тізбегі келтірілген. Осылайша MPEG – 2 мәліметтер ағыны үздіксіз тізбекті кодталған кадрлардан және болжанған кадрлар мен эталонды кадрлардың комбинациясынан тұрады. Р және В болжанған кадрлар мәліметтердің тиімді сығылуын туғызғандықтан болжанған кадрлар неғұрлым жиі беріледі.

Қозғалыс компенсациясы. Қозғалыс компенсациясы болжанған кадрларда пайда болған қателіктерді түзету үшін қолданылады. Тізбекті кадрлардағы объект жағдайын салыстыру арқылы объектінің қозғалыс жылдамдығы мен бағытын дәл анықтауға болады. Осы арқылы тізбекті кадрлардағы объект жағдайын алдын ала болжауға болады (әсіресе жарық кадрларда).

Жылдамдық векторы мен қозғалыс бағытын сипаттау үшін салыстырмалы мәліметтердің аз көлемі керек, бұл мәліметтер Р және В кадрлары генераторларларына түседі. Қозғалыс векторы анықталғаннан кейін, У, CR және СВ құрамынан тұратын бейнелерді жасау үшін пайдаланылады.

 

Дәріс 4. Жүйенің жалпы сипаттамасы (жалғасы – артықтылықты жою, кванттау)

 

Дәрістің мақсаты: бейне ақпаратты кодтаудың түрлендіру құрылғысын оқып үйрену.    

Дәрістің құрамы: ДКТ кеңістіктік артықтылықты жою. ДКТ матрицасын ирек тәрізді сканерлеу. Векторларды салыстыру.

 

ДКТ кеңістіктік артықтылықты жою. Бейне ақпаратты кодтаудың негізгі түрлендіру құрылғысы – дискретті косинусты – туындылау процессоры. ДКТ процессоры бір бейнекадр түзетін микроблоктар мен кесінділерде ұйымдастырылған 8х8 блок ағыны түрінде болатын Э, Р және В бейнелеу кадрларын алады. Блоктар (У) жарықтылық кадрының немесе (CR және СВ) түстілік кадрының бөлігі бола алады. Әрбір блогқа есеп беретін мәліметтер содан кейін ДКТ процессорына түседі (6 суретті қара), мұнда ол 8х8 коэффициентті матрицаға айналып, блоктың бейнесін сипаттайды.