Шығыс Қазақстан облысының 2013 жылғы қаңтар-шілдедегі әлеуметтік-экономикалық даму қорытындылары бойынша ақпарат

Өнеркәсіптің өндірілген өнім көлемі 572,3 млрд. теңгені құрады, бұл өткен жылдың тиісті деңгейінен 7,3 % жоғары, табиғи көлем индексі 104,5% құрады, бұл орташа республикалық көрсеткіштен 2,6 пайыздық тармаққа жоғары.Тау кен өнеркәсібінде  51,5 млрд. теңгенің өнімі шығарылды, бұл өткен жылдың  тиісті кезеңінен 22,9% артық. Табиғи көлем индексі 120,3 % құрады, бұл орташа республикалық көрсеткіштен  17,7 пайыздық тармаққа төмен.Өндеу өнеркәсібінде  шығарылған өнімнің көлемі 473,8 млрд. теңгеге жетті, бұл өткен жылдың  тиісті кезеңінен 5,5 % артық,  табиғи көлем индексі   104,4 %, бұл орташа республикалық көрсеткіштен 3,1 пайыздық тармаққа жоғары.  (Табиғи көлем индексі   өткен жылдың қаңтар-шілдеде 135,9%  құрады).

Шағын және орта бизнестің белсенді субъектілерінің саны өткен жылдың тиісті кезеңіне қарағанда 3,7 %  өсіммен 66,1 мың бірлікті құрады. Шағын және орта бизнес субъектілерінің шығарған өнім көлемі 265,8 млрд. теңгені немесе 2012 жылдың сәйкес кезеңіне 107,5 % құрады. Аталған салада жұмыспен қамтылғандар саны 4 %-ға ұлғайды және 230,9 мың адамды құрады.Шағын бизнесте тіркелген кәсіпорындар саны 4,1%  (13150 бірл.) артқан кезде белсенді кәсіпорындар саны 4475 бірлікті құрады. Бизнес субъектілерінің аталған санаты бойынша  есепте кезеңде 2012 жылдың ұқсас кезеңіне қарағанда 12,9% төмендеу байқалады.  

Ауыл шаруашылығының жалпы өнім көлемі облыс бойынша 95 млрд. теңгені құрады, бұл өткен жылдың ұқсас көлемінен 25,1 % артық.Табиғи көлем индексі – 104,1 %, бұл  өткен жылдың деңгейінен 2,3 пайыздық тармаққа жоғары.

Негізгі капиталға инвестиция көлемі 2012 жылдың ұқсас кезеңіне қарағанда 1,2 есе өсіммен  114,2 млрд. теңгені құрады. Табиғи көлем индексі 119,0 %, бұл республикалық көрсеткіштен 11,9 пайыздық тармаққа жоғары. Құрылыс жұмыстарының көлемі 26,6% өсіммен 62,2 млрд. теңге, табиғи көлем индексі – 126,9%, бұл республикалық көрсеткіштен 25,1 пайыздық тармаққа жоғары.   Бөлшек тауар айналымының көлемі 247 млрд. теңгені құрады. Табиғи көлем индексі 109,8 % құрады.

Тұтыну бағаларының индексі облыс бойынша 2013 жылғы қаңтар-шілдеде 2012 жылғы желтоқсанға қарағанда 102,4 % құрады, 2012 жылдың ұқсас кезеңімен салыстырғанда 0,9 пайыздық тармаққа төмен.

Мемлекеттік бюджетке түсімдер 91,3 млрд. теңге құрады, өткен жылдың  ұқсас кезеңіне қарағанда 7,2% төмендеген. Облыс бюджетіне меншікті кірістер бойынша 39,3 млрд. теңге түсті. болжам барлық өңірлерде орындалды, жоспардан тыс 1,3 млрд.теңге түсті, 2012 жылдың ұқсас кезеңіне қарағанда  өсім қарқыны – 14,7%. Тұрғындардың 2013 жылғы маусымдағы орташа жан басына шаққандағы номиналды кірістері 51,4 мың теңге немесе 7,7%-ға өскен. Тұрғындардың табыстарының ұлғаюына негізінен орташа айлық номиналды жалақы  деңгейінің өсуі ықпал етті. Мысалы қаңтар-маусымда  облыс бойынша орташа айлық жалақы  86501 теңге құрады, өсім қарқыны 107,5%.

Әлеуметтік салада өткен жылдың тиісті кезеңімен салыстырғанда жұмыссыздар санының 824 адамға азайғаны байқалады, ресми тіркелген  жұмыссыздардың саны 15,2% төмендеп және 4,6 мың адамды құрады, мемлекеттік атаулы көмек алушылар – 34,8%, тұрғын үй көмегін алушылар – 5,5%, балалар жәрдемақысын алушылар – 14,0% азайды. 3-тен 6 жасқа дейінгі балаларды мектепке дейінгі тәрбиемен және оқытумен қамту 96,1% құрады.