24.Ресейдің ақша несие жүйесі

Ресейде ақша-несие жүйесі үш деңгейлі: орталық банк; мамандандырылған қаржы-несие институттары; банктік жүйе(коммерциялық банктер). Мұндай құрылымда ұлттық шаруашылықтың қажеттіліктері анық көрсетілген. Бұл жүйе дамыған мемлекеттердегі несие жүйесінің моделіне өте жақын болып келеді және заманауи экономикалық болмыс үрдісіне бейімделе бастады. Қазіргі жағдайда мұндай жүйе тапшы болып келеді, әрбір элементте кезедесе бермейді(шағын банктердің, инветициялық қорлардың, сақтандыру операциялары бойынша компаниялардың саны өседі, сонымен қатар бұлардың барлығы коммерциялық банктер секілді қысқа мерзімді несиелік операцияларға маманданады. Оның нәтижесінде әртүрлі ұлттық шаруашылық буындарының дамуына қаржы құралдардың жеткіліксіздігі туындайды). Сондықтан қазіргі таңда ресейдің несие жүйесінің көптеген аспектілерін әрі қарай дамытуды талап етеді. Ақша-несие жүйесінің рационалды қызмет етуі үшін басты талап болып ұлттық экономиканың тұрақтылығын қамтамасыз ету табылады.

25.Ресейдің бюджет және қаржы жүйесі

Ресей федерациясының қаржы жүйесі қаржы қатынастарының өзара байланысты әртүрлі салалары мен оларды ұйымдастыратын қаржы органдарының жиынтығынан тұрады:мемлекеттік бюджет;сақтандыру қорлары;қор нарығы;мемлекеттік несие;бюджеттен тыс қорлар;шаруашылық субъектілерінің қаржысы.Олар орталықтандырылған және орталықтандырылмаған жүйелерге бөлінеді. Мемлекеттік орталықтандырылған қаржылар макродеңгейдегі экономикамен әлеуметтік қатынастарды реттеу үшін пайдаланылады. Орталықтандырылмаған шаруашылық субъектілерінің қаржылары микродеңгейдегі экономикамен әлеуметтік қатынастарды реттеу, көтермелеу үшін пайдаланылады. Жалпы мемлекеттік орталықтандырылған ақша қорларының ресурстары ұлттық пайданы бөлу мен қайта бөлу арқылы құрылады. Ақша қорларының басқа да формаларын пайдалану қаржы жүйесінің несиелік және сақтандыру салалары арқылы жүзеге асырылады. Бюджеттен тыс қорлар федеративтік және жергілікті үкімет қаржылары болып табылады.Шаруашылық субъектілерінің қаржысы кәсіпорындар жинақтарынан және олардың ақшалай пайдасынан құралады.Ресей федерациясының қаржы жүйесінің басты саласы - мемлекеттік бюджет. Мемлекеттік бюджет арқылы мемлекет қаражаттарды экономикаға, қорғаныс қабілетін нығайтуға, мемлекеттік басқару органдарын ұстауға, әлеуметтік-мәдени шараларға бағыттайды. Ресей федерациясының бюджет жүйесі қазіргі кезде 3 деңгейден тұрады:1-ші деңгей - Ресей федерациясының федералды бюджеті мен мемлекеттік бюджеттен тыс қорлары;2-ші деңгей – федерация субъектілерінің бюджеті ( 21 республикалық бюджет, 55 өлке мен облыстар бюджеті, 10 автономды аймақтық бюджет) ;3-ші деңгей – жергілікті бюджеттер ( 29 мыңға жуық қалалық, аудандық, поселкалық жіне ауылдық бюджеттер).Ресей федерациясының бюджет заңдылығы бойынша осы бюджеттер жиынтығы - құрама бюджет (консолидированный) деп аталады. Федералды бюджет – федералды жиналыс арқылы бекітілген мемлекеттің басты қаржы жоспары. Мемлекеттік бюджеттен тыс қорлар – федералды бюджеттен тыс қалыптасатын ақша қаражаттарының қорлары. Олар негізінен міндетті аударымдар есебінен құралады және қатаң мақсатты түрде жұмсалады.Ресей Федерациясының Бюджет Кодексіне сәйкес бюджеттен тыс қорлар зейнетақымен қамтамасыз ету, әлеуметтік сақтандыру, жұмыссыздық жағдайында әлеуметтік қамсыздандыру және еңбекпен қамту, денсаулықты қорғау және медициналық көмек көрсету сияқты азаматтардың конституциялық құқықтарын жүзеге асыру үшін бағытталады. Ресей Федерациясының қаржы жүйесінде жүргізілген реформалар нәтижесінде кей бюджеттен тыс қорлар өз дербестіктерін жоғалтып, олардың қаражаттары бюджет құрамына беріліп, қорлардың өздері қаржы органдарының құрамына енгізілген.