18) Жарнама

Ең алғаш жарнама жұмысын 1841 жылы ағылшын азаматы Волни Пальмер ашты. Ең үлкен жарнамалық агенттіктің бірін XIX ғасырда Джордж Роуел басқарды. Әлемнің әр түкпірінде жарнама жасаумен айналысатын арнайы компаниялар құрыла бастады. Бұл жарнама бизнесінің дамуына үлкен әсер етті. Мысалы: «Хайнс», «Американ тобакко», «Проктер энд Гэмбл» т.б.осының үлкен дәлелі. Қашан да тұтынушылар жарнамасы сәтті сауда маркаларын қолдайды.

Жарнамалардың жылдам дамуына байланысты ХІХ ғасырда тек қана жарнамалық сипаттағы көлемді журналдар шыға бастады. 1885 жылы жарнамалық журналдардың таралымы 100000 данаға дейін жетті, ал 20 жылдан кейін жарнамалық журналдың бұл көрсеткіші бес миллионға жетті.

Джон Ласкер - жарнамамен қамтамасыз ету агенттігінің атасы деп аталады. Д. Ласкер басқаратын «ЛОРД ЭНД ТОИАС» ең үлкен жарнамалық агенттік болып саналады.

ХХ ғасырдан бастап жарнама жаңа бағытта дами бастады. 1986 жылы газет бетіндегі жарнамаға 27миллиард доллар жұмсалса, қазіргі таңда ол бес есеге ұлғайды.

Жарнама тарату тәсілдері мен түрлері:

- қала көшелерінде ілінетін суретті жарнамалар;

- қала көшелеріндегі ауыспалы-аудармалы көп нұсқалы жарнамалар;

- қала көшелеріндегі арнайы экран арқылы ұлғайтылған ролик жарнамалар;

- бұқаралық

ақпарат құралдары арқылы берілетін ролик жарнамалар;

- мерзімді басылым беттерінде жарияланатын фото жарнамалар;

- киімге салынатын сурет жарнамалар;

- шаруашылық тұтыну заттарына (сіріңке қорабы, сумка-пакеттер) салынатын сурет жарнамалар;

- кітап, дәптер, альбомдардың сыртқы мұқабасына салынатын сурет жарнамалар;

- күнтізбеде салынатын сурет жарнамалар;

- плакаттарға салынатын сурет жарнамалар;

- визит карточкаларына салынатын жарнамалар;

Жарнаманың қызметі:

- тауардың өтімділігін арттыру;

- коммерциялық мақсатта;

- жұртшылықты белгілі бір өніммен таныстыру, құлағдар ету;

- тілдің қолданыс аясын кеңейту;

Жарнаманың ерекшелігі:

- насихаттылығы;

- тартымдылығы;

- дәлдігі;

- түсініктілігі;

- тосындылығы;

- көркемділігі;

- мазмұндылығы;

19) Диалог

Диалог өзара қарым-қатынас негізінде ілікпе сөз арқылы жүзеге асатын үдеріс. Диалог жүргізудың жалпы ережелері мынадай: сұраққа жауап беру, бұйрық берілсе оған іспен немесе сөзбен жауап қайтару. Ал баяндау әңгімелесу жолымен жауап қайтаруды немесе ықыласты тыңдаушы болуды талап етеді. Диалогтың басқа да барлық ережелері бойынша жалпы және белгілі бір қызмет аясында, жеке басқару аясында қолданылатын арнайы тілдік этикет қалыптасқан.

Диалог тұрмыстық және іскерлік деп екіге бөлінеді. Қарапайым диалог пен іскерлік диалогтың әлеуметтік жағынан, болжамдылығы, мақсаты, тақырыбы, құрылысы бойынша айырмашылығы бар.

20) Дөңгелек стөл

Жиналысқа іскерлік қатынастың жанры ретінде бір мәселені талқылауға арналған «дөңгелек стөл» де жатады.

«Дөңгелек стөлдің» мақсаты-салыстырмалы түрде талқыланатын мәселелер мен талас тудыратын жайлар туралы мұраттар мен пікірлерді анықтау. Осымен бірге «дөңгелек стөл» қарым-қатынастың демократиялық формасы болып табылады

21) Іскерлік жиналыстар

Іскерлік жиналыстарды тиімді өткізу үшін дұрыс қарым қатынас жасау өнерін меңгеру қажет. Бұл ұжым мүшелерінің өзекті және күрделі мәселелерді ұтымды шешуінің тәсілі болып табылады. Іскерлік жиналыстар көбінесе әр адамның пікірін тең дәрежеде қарастыра отырып, ұжым бойынша шешім қабылдау қажет болған жағдайда өткізіледі. Жиналыс мақсатты түрде жүргізілетін жағдайда оған мұқият дайындық қажет. Іскерлік жиналыстар 1-1,5 сағат болып белгіленеді.