Мэты і задачы практыкі

Асноўныя мэты практыкі – авалоданне студэнтамі практычнымі навыкамі, уменнямі і падрыхтоўка іх да самастойнай прафесійнай дзейнасці па спецыяльнасці 1-23 01 12 « Музейная справа і ахова гісторыка-культурнай спадчыны (па напрамкам).

Мэты і задачы археалагічнай (вучэбнай) практыкі

Мэты археалагічнай (вучэбнай) практыкі –замацаванне і паглыбленне тэарэтычных ведаў, атрыманых студэнтамі ў працэсе навучання па курсу "Археалогія", а таксама фарміраванне ў студэнтаў практычных уменняў і навыкаў па абранай спецыяльнысці.

Вучэбная археалагічная практыка для студэнтаў спецыяльнасці “музейная справа і ахова гісторыка-культурнай спадчыны” з'яўляецца важным элементам у сістэме падрыхтоўкі спецыялістаў вышэйшай кваліфікацыі, дапаўняе і ўзбагачае вучэбны працэс.

Праграма вучэбнай практыкі накіравана на знаёмства з археалагічнымі палявымі даследаваннямі, асобнымі помнікамі археалогіі, а таксама з археалагічнымі калекцыямі розных беларускіх музеяў і асноўнымі напрамкамі навукова-фондавай работы, звязанай з камплектаваннем і захаваннем вышэйназваных калекцый.

Вучэбную практыку студэнты праходзяць у арганізацыях, адпавядаючых профілю падрыхтоўкі спецыялістаў і маючых матэрыяльную базу для правядзення дадзенай практыкі. Базавай установай для правядзення археалагічнай вучэбнай практыкі з’яўляецца Інстытут гісторыі Нацыянальнай акадэміі навук Рэспублікі Беларусь. Вучэбная археалагічная практыка праводзіцца з абавязковым удзелам студэнтаў у археалагічных раскопках у якасці непасрэдных выканаўцаў асноўных земляных работ, а таксама ў палявой і камеральнай апрацоўцы археалагічных знаходак.

Практыка заканчваецца да пачатку экзамену па курсу "Археалогія". На экзамене правяраюцца веды студэнтаў, атрыманыя ў працэсе вучэбнай практыкі.

Практыка накіравана на:

–вывучэнне разнастайных тыпаў археалагічных помнікаў;

–знаёмства з асноўнымі прыёмамі і правіламі археалагічных раскопак і набыццё навыкаў археалагічных даследаванняў у палявых умовах;

–знаёмства з дакументацыяй, складаемай у працэсе правядзення археалагічных даследаванняў;

–знаёмства з асноўнымі прыёмамі і метадамі першаснай рэстаўрацыі і кансервацыі археалагічных матэрыялаў;

–знаёмства з музейнымі экспазіцыямі, якія ўтрымліваюць археалагічныя артэфакты.

Асноўнымі задачамі праходжання археалагічнай (вучэбнай) практыкі студэнтамі з'яўляюцца:

– замацаванне тэарэтычных ведаў студэнтаў, атрыманых па курсу “Археалогія”;

–набыццё першасных практычных навыкаў правядзення археалагічных даследаванняў у палявых умовах;

–азнаямленне з асноўнымі тыпамі археалагічных помнікаў;

–азнаямленне з асноўнымі прыёмамі і правіламі археалагічных раскопак;

– азнаямленне з дакументацыяй, складаемай у працэсе правядзення археалагічных даследаванняў;

– азнаямленне з асноўнымі прыёмамі і метадамі першаснай рэстаўрацыі і кансервацыі археалагічных матэрыялаў;

–азнаямленне з музейнымі экспазіцыямі, якія ўтрымліваюць археалагічныя артэфакты.

Мэты і задачы музейнай азнаямленчай (вучэбнай) практыкі

Задачамі вучэбнай практыкі з’яўляецца фарміраванне ў студэнтаў практычных уменняў і навыкаў па вывучаемым вучэбным дысцыплінам (Уводзіны ў спецыяльнасць, Гістарычнае краязнаўства, Гісторыя матэрыяльнай культуры), замацаванне тэорэтычных ведаў, засваенне першасных навыкаў па абранай спецыяльнасці.

Мэты музейнай азнаямленчай (вучэбнай) практыкі – накіравана на знаёмства студэнтаў з музеямі Беларусі. Азнаямляльная вучэбная музейная практыка праводзіцца перад пачаткам вывучэння студэнтамі шэрагу музеязнаўчых курсаў і, такім чынам, закладае аснову ў далейшым працэсе падрыхтоўкі спецыялістаў-музеязнаўцаў вышэйшай кваліфікацыі, дапаўняе і ўзбагачае вучэбны працэс.

Праграма вучэбнай практыкі накіравана на знаёмства з музеямі краіны розных профіляў: гісторыяй заснавання, асноўнымі накірункамі музейнай дзейнасці, музейнай экспазіцыяй, часовымі выставамі.

Вучэбная практыка праводзіцца ў форме экскурсій па вызначаных кіраўніком практыкі музейных установах.

Згодна з вучэбным планам практыка праводзіцца без адрыву ад вучэбнага працэсу.

Асноўнымі задачамі праходжання музейнай азнаямленчай (вучэбнай) практыкі студэнтамі з'яўляюцца:

– падрыхтоўка студэнтаў да паглыбленага практычнага вывучэння вучэбных дысцыплін;

– набыццё студэнтамі першасных практычных навыкаў і ўменняў па абранай спецыяльнасці;

–азнаямленне студэнтаў:

–з разнастайнымі па профілю музейнымі установамі.

–з экспазіцыямі вядучых музейных устаноў краіны.

–з музейнай сеткай краіны;

–з музеямі розных профіляў і тыпаў;

–са структурнай пабудовай музейнай установы;

–з асноўным і накірункамі дзейнасці музеяў;

–з музейнымі экспазіцыямі;

–з часовымі музейнымі выставамі.