Напади половців на землю руську

(1093—1094 рр.)

(Сотвори бо ся плачь велик в) земли нашей, опустеша села наша и городи наши, быхом бегающе пред врагы нашими. Якоже пророк глаголаше: падете пред врагы вашими, поженуть вы ненавидящии вас, и побегнете никому женущю вас; скрушю руганье гордыни вашея, и будеть в тщету крепость ваша, убьете вы приходяй мечь, (и) будеть земля ваша пуста, и двори ваши пусти будуть, яко вы худи есте и лукави, и аз поиду к вам яростью лукавою, тако глаголеть господь бог Израилев. Иде лукавии сынове Измаилеви пожигаху села и гумна, и многы церкви запалиша огнемь, да не чюдится никтоже о семь: идеже множьство грехов, ту виденья всякого показания. Сего ради вселеная предасться, сего ради гнев простреся, сего ради земля мучена бысть: ови ведуться полонени, друзии посекаеми бывають, (друзии на месть даеми бывають), горкую смерть приемлюще, друзии трепещють, зряще убиваемых, друзии гладом умаряеми и водною жажею; едино прещенье, едина казнь, многовещныа имуще раны, различныя печали и страшны мукы, овы вяжемы и пятами пхаеми, и на зиме держими и ураняеми; и се притранее и страшнее, яко на хрестьяньсте роде страх, и колебанье (и) беда упространися... Половци воеваша много, и възвратишася к Торцьскому, и изнемогоша людье в граде гладомь, и предашася ратным; Половци же, приимше град, запалиша и огнем, (и) люди разделиша, и ведоша в веже к сердоболем своим и сродником своим, много роду хрестьянска стражюще: печални, мучими, зимою оцепляеми, в алчи и в жажи и в беде опустеневше лици, почерневше телесы; незнаемою страною, языком испаленым, нази ходяще и боси, ногы имуще сбодены терньем; со слезами отвещеваху друг к другу, глаголюще: “аз бех сего города” и други: “а яз сея вси”; тако супрашаются со слезами, род свой поведающе и вздышюще, очи возводяще на небо к вышнему, сведущему тайная... (В лето 6602. Сотвори мир Святополк с Половци, и поя собе жену дщерть Тугорканю, князя Половецкаго). Том же лете приде Олег с Половци ис Тмутороконя, (и) приде Чернигову; Володимер же затворися в граде, Олег же приде к граду и пожже около града, и манастыре пожже. Володимер же створи мир с Олгом, и иде из града на стол отень Переяславлю; а Олег вниде в град отца своего. Половци же начата воевати около Чернигова, Олгови не възбраняющю, бе бо сам повелел им воевати. Се уже третьее наведе поганыя на землю Русьскую, егоже греха дабы и бог простил, занеже много хрестьян изгублено бысть, а друзии полонени и расточени по землям.

Історія України в документах і матеріалах.—Т. 1.—С. 88.

Іноземні джерела про русів

З “Книги країн” (X ст.)

“Щодо слов'янських купців, то вони возять хутра лисиць і хутра видр з найдальшого кінця Славонії, для чого вони вирушають до Румського моря, де володар Рума бере з них десятину; далі пливуть морем до Самкуша-Єврея, після чого вони повертаються до Славонії. Потім вони держать путь від Слов'янського моря, поки не приходять до Хазарського рукава, де володар Хазара бере з них десятину; тоді вони пливуть до Хазарського моря тією ж річкою, яку звуть Слов'янською рікою. Часто ж вони виходять у Джурджані, де продають усе, що в них є, і все це потрапляє в Райію (Рей); дивно, що це місто є складовищем усього світу”.

Історія України в документах і матеріалах.—Т. 1.—С.67.