2009-2011 Жылдар аралығындағы бюджет жүйесін жетілдірудің мақсаттары:

- экономикалық өсудің тұрақтылығына қол жеткізуге әсер ету; халықтың әл-ауқатын көтеру;шығыс деңгейін мемлекеттік функциялардың толық қамтамасыз етілетіндей деңгейінде ұстау; мемлекеттік шығыстардың қолданылуының тиімділігін арттыру.

Осы мақсаттарға жету үшін мынадай міндеттерді атқару қажет:

-стратегиялық, индикативтік және бюджеттік жоспарлаудың тиімділігін арттыру;

-бюджет қаражатын жұмсаудың орта мерзімді уақыттағы басымдылықтарын анықтау;

-бюджет шығыстарын жоспарлаудың жаңа нормативтік әдістерін енгізу;

Аталған мақсаттар мен міндеттерге жету жолдарын айтар болсақ, әрбір қаржылық жылға арналған бюджетті қалыптастыру арнайы мемлекеттік және салалық бағдарламаларға сәйкес жүзеге асады. Үш жылдық мерзімге арналған ортамерзімді фискалдық саясат салық-бюджет саясатын қалыптастыруға бағытталатын болады.

2009 жылы мемлекеттік шығыстар көлемінің төмендеуіне қарамастан және 2010 жылдан бастап олардың баяу өсуіне байланысты, бюджет саясаты мемлекет қабылдаған барлық міндеттемелердің, ең бірінші кезекте бұл әлеуметтік міндеттемелер, сондай-ақ жұмыспен қамтуды қоса алғандағы ел халқын әлеуметтік қолдауға жанама әсерін тигізетін іс-шараларды толық және уақтылы жүзеге асыру үшін қаржы ресурстарын жұмылдыру мен шоғырландыруға бағытталатын болады.

Осылайша, орта мерзімді перспективада бюджеттің әлеуметтік бағыттылығы сақталатын болады және мемлекеттік шығыстарды жоспарлаған кезде Қазақстан азаматтарының әл-ауқатының артуы, атап айтқанда оларды әлеуметтік қолдау, денсаулығы мен білімі, сондай-ақ экономиканың дағдарыстан кейінгі сапалы өсуі үшін жағдай жасау негізгі басымдылықтар болып табылады.

72.Ұдайы өндірістік жүйедегі үй шаруаш-ң рөлі

Капиталдың толық айналымы өндіріс үдерісінің едәуір бөлігін қамтып отырған рыноктық қатынастар жағдайларында қаржы жүйесінің дербес буынына үй шаруашылығының қаржысын бөліп көрсету бір қатар факторларға байланысты болып отыр.

Үй шаруашылықтары экономикалық қызметтің маңызды субъектілерінің бірі болып келеді, олардың нәтижелерінен жеке шаруашылық бірлігінің ғана емес, жалпы елдің бүкіл халқының әл-ауқаты тәуелді болады. Экономиканың аса ірі субъекті бола отырып коммерциялық кәсіпорындармен және мемлекетпен бірге үй шаруашылықтары барлық макрореттеуші үдерістерге қатынасады. XXI ғасырдың басында экономиканың жандана түсуі үй шаруашылықтарын белсенді тіршілік етуге жеткізді:

Үй шаруашылықтары экономикалық агенттер ретінде негізінен отбасы мүшелерінің тіршілік әрекетін қолдауға қажетті игіліктерді тұтыну туралы шешімдер қабылдайды. Ақыр аяғында барлық экономикалық ресурстар үй шаруашылықтарына жатады, бірақ бұл ресурстар олардың арасында өте әркелкі бөлінген. Үй шаруашылықтарының басым көпшілігі жұмыс күшін иеленіп, басқарады. Рыноктық экономикада жұмыс күші үй шаруашылығы шеңберінде жасалатын және өндіріс факторлары рыногында ұсынылатын негізгі тауар болып табылады. Өзінің ресурстарын сатудан табыс ала отырып, үй шаруашылықтары әр түрлі тұтыну игіліктерін сатып алу үшін шектелімді табыстарды бөлу туралы шешімдер қабылдайды. Үй шаруашылықтарының басты экономикалық мүддесі сатып алынатын игіліктердің пайдалылығын барынша көбейтуде болып келеді. Үй шаруашылықтарының тұтыну игіліктерін таңдауы рыноктық экономикада сұранымды қалыптастырады.

Экономикада үй шаруашылықтары мен кәсіпорындардың (фирмалардың) арасында айырбас болып жатады. Үй шаруашылықтары ресурстарға иелік етеді және оларды ресурстар рыноктары арқылы фирмаларға береді. Фирмалар ресурстарды пайдаланады, өнімдер өндіреді және тауарлар мен қызметтер рыноктарына жеткізедіҮй шаруашылықтарының қаржысы, тұтас алғанда қоғам қаржысы сияқты, шаруашылық мүшелерінің материалдық және әлеуметтік жағдайларын және олардың ұдайы өндірісін қамтамасыз ету мақсатында ақшалай қорларды қалыптастыру және пайдалану жөніндегі экономикалық ақшалай қатынастар болып табылады. Жеке отбасы деңгейінде қаржы жүйесінде буын бола отырып, ол қоғамның әлеуметтік-экономикалық құрылымының бастапқы әлементі болып келеді. Ішкі жалпы өнім мен ұлттық табыстың құнын жасауда, алғашқы бөлуде және пайдалануда шешуші маңызы болатын коммерциялық кәсіпорындар мен ұйымдардың қаржысынан айырмашылығы үй шаруашылықтарының қаржысы қаржы жүйесінің басым буыны болған емес және қаржылық қатынастардың жалпы жиынтығында маңызды болғанымен бағынышты рөл атқарады.

Ұдайы өндірістік жүйенің әр сатысында үй шаруашылығының алатын ролі үлкен.Үй шаруашылығының субъектілері өндіру сатысында белгілі бір өнімдерді өндіріп шығарады.Кейін оны бөліп,ақшаға айырбастау арқылы пайда табады.Сөйтіп өз қажеттіліктерін қамтамасыз етеді.Тұтыну сатысында кез келген үй шаруашылғының мүшесі өзіне қажетті тауарды сатып алып тұтынады.Бұл үй шаруашылығы мен ұдайы өндіріс жүйесінің бір-бірімен тығыз байланысты екенін көрсетеді.