6.2. Программалық қабықша.

   Компьютерге арналған программалардың жиынтығы программалық жабдықтаманы құрады. Қызмет ету қасиеттер бойынша программалық жабдықтаманың келесі түрлерін ажыратады:

-         жүйелік;

-         қолданбалық

Жүйелік жабдықтама деп өзіне:

-         операциялық жүйелерді ;

-         желілік программалық жабдықтаманы;

-         сервистік программаларды;

-         программаларды жасау құралдарын (транслятор, байланыс редакторлары, жөндеуіштер және басқалары) қосатын программалық жабдықтама түсініледі .

  Желілік программалық жабдықтама желілік есептеуіш жүйелердегі жалпы ресурстарды: магниттік дискілердегі желілік жинақтауыштарды, принтерлерді , сканерлерді , жіберілетін хабарламаларды және т.б. басқаруға арналған.

  Желілік программалық жабдықтамаға:

-         желілік ОЖ

-         желілік емес ОЖ-лерде бар кейбір желілік программаларды жатқызады.

 

6.3. Программалау жүйесі.

Программалау жүелері деп компьютердегі есептерді програмалауды автоматтандыруға арнаған программалар жиынтығы  аталады.

Программалау жүйесі пайдаланушыны немесе программистт өзінің мәселелеріне оған қолайсыз машиналық  командалар тілінде жазу қажеттілігінен  босатады және оларға жоғары дәрежелі арнайы  тілдерді пайдалану мүмкіндігін береді.

Әдетте програмалау жүйесінде:

1.Қолданатын программалау тілдерінің сипаттамалары;

2. Тілді жүзеге асыру құралдарын сипаттау-бұл осы тілдерден аударған программалар;

3. Стандартты бағыныңқы  программалар кітапханасы бар.

1.Объект -бағытталған визуалды программалау жүйелері . Олар графикалық интерфеисті пайдалану арқылы программалардың  күрделі жинағын жасау процесін тиімдірек етуге мүмкіндік береді .

2. Логикалық программалау жүйелері .

6.4. Ақпараттық технологиялардың математикалық негізі.

Есептеуіш машиналарда сандармен орындалатын математикалық амалдар, электр токтарының немесе кернеулердің әр түрлі түрленуімен алмастырылады. Жай электр тогының көмегімен қосу, азайту және т.б. математикалық амалдарды орындауға болады. Есептеуіш машиналар қарапайым амалдарды орындайтын бөлек элементтерден құралады. Элемент – ол әдетте электрондық схема. Есептеуіш машиналардың барлық элементтерін атқаратын қызметтеріне байланысты топтарға бөлуге болады: логикалық, есте сақтаушы, күшейтетін және арнайы элементтер. «Логикалық элемент» деп аталуының себебі, жеке дара элементтің анықталған байланысты жүзеге асыруға мүмкіншілік беруінде немесе жеке логикалық функцияны орындауында.

Логика – бұл адам ойлауының түрлері мен заңдары туралы, оның ішінде дәлелдеуге болатын пікірлердің заңдылықтары туралы ғылым. Пікір дегеніміз – жалған немесе ақиқат болуы мүмкін қандай да бір пайымдау. Математикалық логиканың саласы пікірлер алгебрасын алғаш рет XIX ғасырдың ортасында ағылшын математигі Джордж Буль өз еңбектерінде пайдаланған.

Логика алгебрасының математикалық аппараты компьютердің аппараттық құралдарының жұмысын сипаттауға өте қолайлы, өйткені компьютердің негізі екілік санау жүйесі болып табылады, онда екі цифр: 0 мен 1 қолданылады.