12.Мәтінді оқып, аударыңыздар. Қазақ футболы туралы не білесіз?

Еліміздің футбол Жанкүйерлері, менің ойымша қазір екі топқа бөлінеді.Біреулері қазақ футболын мүлде көрмей жатып, қазақ футболы жоқ, ол дамудан қалды деп дабыл қағады. Ал екіншілері футболды көріп, расында қандай жағдай болып жатқанын біледі.

Қазақ футбол командалары, атақты ойыншылары туралы естігендеріңіз бар ма? Осы сұраққа кішкене болса да жауап бере алсыңыз, дегенмен сіз сараптап, сынай білетін топқа жатасыз. Ал егер ойыңызға ештеңе келмей, содан футболды жамандауды бастасаңыз, бірінші топқа жататын болғаныңыз.

Көріп жүргеніміздей қазір бірінші топқа жататын, барлығы нашар, ештеңе дамымайды деп жататын адамдар саны әлдеқайда көп. Бұл өте өкінішті жағдай.

Ал футбол көретін адамдар көбіне футбол ойыншыларының туыс-таныстары мен дос-жаралары екенін де айтып өту керек. Сонда нағыз саралап, нағыз жанкүйер атанатын адам саны мүлде аз. Бұндай жағдай әрине жаныңа батады! Өз еліміздің футболын өзіміз қолдамасақ, басқа кімге ол керек? Өз футбол ойыншыларымызды біліп, олармен қызықпасақ, онда оларда да қызуғышылық болмайды ғой. Сондықтан да ағайын, Қазақ футболын көрейік, қазақ футболшыларын біліп жүрейік. Өз еліміздің спортының дамуына ең болмаса осылай үлесімізді қосайық!

13. Сұрақтарға мәтін бойынша жауап беріңіздер.

1.Қазақ футболы туралы сіздің пікіріңз қандай?

2.Қаза қстанның қандай талантты футболшыларын білесіз?

14.Ағымдық бақылау сұрақтары.

1. Доптың ежелгі мысырлықтарға белгілі болғанын кімдер растап отыр?

2. Археологтар ғибадатханалардың қабырғаларынан нені бейнелеген суреттер тапқан?

3. Ол суреттердің ең көнесі қанша жыл бұрын жасалған?

4. Қай елде жүгіруден, секіруден, күрестен жарыстар өткізіліп тұрғаны белгілі?

5. Афина мұражайларының бірінде сақтаулы тұрған амфоралардың (құмыра) бірінде не бейнеленген?

6. Амфора қай ғасырда жасалған?

7. Кім үрленген допты ұрып, күніне бірнеше сағат жаттығып отырған?

8. Футбол мен регби сынды доп ойындары ең алғаш қай елде пайда болған?

9. Доптар ненің терісінен тігілген?

10. Доптың іші немен толтырылған?

11.Доптардың көпшілігі қандай пішінде жасала берген?

12. Қазіргі регби ойынында қандай допты пайдаланады?

13. Допты көптеп шығаруды қолға алған шебердің есімі кім?

14. Кімнің ұрпақтары күні бүгінге дейін спорт тауарларын шығарып келеді?

15. Американың байырғы тұрғындары үндістер допты неден жасаған?

16. Еуропалықтар каучуктен нені жасауды үйренеді?

17. Доптар неден жасалатын болды?

12-САБАҚ

Медеу спорт кешені

1. Мәтінге қатысты мына сөздермен танысып алыңдар.

мұз айдыны каток

орналасқан расположен

тұрғызылды сооружен

мұз айдынының ауданы площадь ледового поля

ені ширина

айналымы круг (в беге, на скачках);

мәнерлеп сырғанау фигурное катание

& 2. Мәтінді оқыңыздар.

Медеу спорт кешені – жасанды мұз айдыны бар дүние жүзіндегі ең ірі спорт кешені. Алматы қаласынан 18 км жерде, Кіші Алматы шатқалында, теңіз деңгейінен 1691,2 метр биіктікте орналасқан. Табиғи мұз айдыны ретінде 1951 жылы пайдаланыла бастады. Медеу спорт кешені 1972 жылы тұрғызылды. Құрылысқа қатысқан архитекторлар В.З. Кацевке, А.С. Қайнарбаевқа инженер С.Б. Матвеевке тағы басқа 10 адамға КСРО Мемлекеттік сыйлығы берілді. Конькишілерге арналған жасанды мұз айдынының ауданы 10,5 мың метр. Жарыс жолының ені 5 метр, айналымы 400 м. Айдынның ортаңғы бөлігі – хоккей ойынына және мәнерлеп сырғанауға арналған. Спорт кешенінде 2 жүзу бассейні, спорт залы, мейманхана, асхана, кинозал, Медеу қонақ үйі орналасқан.

Медеу – өте әдемі жер. Мұнда адамдар демалуға көп келеді. Медеуде адамдар шана, коньки, шаңғы тебеді. Кейбіреулері табиғатты тамашалауға, серуендеуге келеді. Өйткені Медеу қыста да, көктемде де, жазда да, күзде де , барлық уақытта да әдемі. Ауасы таза. Сенбі, жексенбі күндері – Медеу мұз айдыны 9 мыңға жуық әуесқой конькишілерді қабылдай алады. Медеу мұз айдынында әр түрлі спорт түрлерінен жарыстар өтеді.

Қ.Ахметов