Германия келген несие бір кәсіпкердің ісін

өрге бастырды.

Айыртау ауданының Сырымбет ауылында Андрей Отто деген азамат тұрады. Жасы 67-де, ұлты-неміс.Білімі-4ақ сынып.Өзге қандастары түгелге жуық, олардың ішінде Оттоның бір баласы да бар,атамекендеріне көшіп кетті. Ал өзінің 1941 жылы бала кезінде әке-шешесімен бірге айдалып келген Қазақстаннан жылжыр ойы жоқ.Бүгіндері ол аудандағы ең ауқатты адамдардың бірі.

Неміс біткеннің бойында жақсы қасиеттер жетелік: еңбексүйгіштік, тиянақтылық, қолындағы барды шашпау, тиынға тиын қоса білу.Ал,олар маскүнемдік, жалқаулық, керенаулық тәрізді кесірлі әдеттерден бойларын аулақ ұстайды.Бірақ мына қиын заманда адал еңбекпен байып кету үшін осының бәрін аздық етер еді.

Кеңшар тарағанда А.Оттонның да үлесінде азды-көп жер,техника тиді. Өзгелер тәрізді ол да қалай күн көрерін білмей дал болды.

А.Оттоға бұл орайда алыстығы атамекені келді.Германия үкіметі оған жеңілдетілген шартпен несие берді.Несие оған ақшалай емес, ұн үгетін тұтас диірмен кешені қалпында берілді.Несиені өтеу мерзімі он жыл.Жылдық өсім пайызы азғантай ғана өтеу үш жылдан соң ғана басталады.Қазақстанда осындай шартпен несие алу көп шаруалар үшін арман болып қалуда.

Сонымен Андрей Отто пайғамбар жасына жеткен шағында кәсіпкер атанды.Германиядан әкелінген диірмен бірінші жылы-ақ қалыпты жұмыс істей бастады.Ол үш сортты ұн шығарады.Сапасы да тәуір.Ұн үктірген үшін төленетін ақы да қымбат емес.Қазір төңіректегі ауылдар астығын осы диірменге әкеледі.

Тапсырма:Мәтін бойынша әңгімелесіңіздер.

Тапсырма:Ыңғайлас салалас сөйлемдердің тыныс белгілерін түсіндіріп,сөйлем мүшелеріне талдаңыз.

1. Жаугершілікте ата-анасы басқа жаққа ауып кетті де,бала менің қолымда қалды.

2. Қазір күш қайтты,енді ауру айналдырған көп күйкі шалдардың бірімін.

3. Бұл сөзді Мариямның аузынан естуі-ақ мұң екен-Бәкен ұшып кете жаздады.

4. Үзіліс кезі еді,Тұрар дәлізде қаннен-қаперсіз келе жатқан.

Даналық ойдан дән ізде

1. Өзіне шексіз риза болу-ақымақтық.Г.Мопассан

2. Қиыншылықтар адамның бойында оларды жеңуге қажет қабілеттерді тудырады.

Қосымша әдебиет.

1. А.Ысқақов.Қазіргі қазақ тілі.А.

2. Н.Әміреев.Қазақ тілі.Сөз мәдениеті .А.

Сабақ №30. Лексикалық сабақ:ГерманияөЕуропадағы

әлеуетті әріптес

Грамматикалық тақырып:Қарсылықты ыңғайлас

салалас құрмалас сөйлем

Тапсырма:Мәтінді оқыңыздар.

Қазақстанға Германияның вице-канцлері, федералдық сыртқы істер министрі Йозеф Фишер бастаған неміс делегациясы келген болатын. Құрамында парламентшілер, экономикалық ведоство басшылары, іскер топ өкілдері бар германиялықтар ынтымақтастықтың түрлі салалары бойынша кездесулер өткізіп, келіссөздер жүргізген еді. Қазақстан Президенті Н.Назарбаев делегация басшысы Й.Фишерді қабылдап,әңгімелесті.

Екеуара сұхбаттан кейін Қазақстан сыртқы істер министрі мен Й.Фишер қазақстандық және шетелдік БАҚ өкілдеріне сапар қорытындысына байланысты түсінік берді.

Біз ГФР делегациясын асыға күткен едік, деді министр.Қазақстан Германиямен қарым-қатынасқа ерекше маңыз береді.Әлгінде ғана Мемлекет басшысы Назарбаев пен вице-канцлер,федералдық сырқы істер министрі Йозеф Фишер арасында екі ел байланысының алуан түрін қамтыған жемісті әңгіме болады.Тұтастай алғанда Қазақстан мен Германия арасында талас, саяси мәселелер жоқ.Негізгі халықаралық проблемалар бойынша екі елдің ұстанымы жақын немесе сәйкес келеді.

Қазіргі кезде Қазақстанда немістің 120 банк пен фирма өкілдіктері бар,160 біріккен кәсіпорын жұмыс істейді.Дей тұрғанымен,Германияның Қазақстанға тікелей инвестиция салудағы үлесі бар-жоғы 2 пайызды ғана құрайды.Осы мәселеге орай Й.Фишер өз елінің Қазақстанға белгілі бір қаржылық шеңберде көмек көрсетуге әзір екенін білдірді.

ГФР вице-канцлері ,федералдық сыртқы істер министрі Й.Фишердің елімізге ресми сапары Германияның Қазақстанға деген қызығушылығының арта түскенін айғақтайды.Бұл сөзімізге үстіміздегі жылдың күзінде Берлиннің Қазақстан Президенті Н.Назарбаевты ресми күтіп алуға әзір отырғаны дәлел бола алады.

Тапсырма:Қазақстан мен Германия арасындағы ынтымақтастықтың қай салалары жақсы дамыған?

Мәтінді оқыңыздар.