Гфр Қазақстанда шағын бизнес саласын дамытуға көмектеспек

Германия мен Қазақстанның арасындағы техникалық және қаржы жөніндегі әріптестік бойынша консультация өткізу мақсатында республика астанасына ГФР Федералдық экономикалық ынтымақтастық және даму министрлігінің делегациясы келді.

Делегация басшысы Мартин Лемман »біз сіздің елдің өзін әлем алдында ашуына және ішкі реформалар жүргізуіне көмектескіміз келеді», деп мәлімдеді. Олардың бұл ниетін Германияның қаржылай көмек ретінде 115 миллион марка бөлуге және экономиканы қалпына келтіру мен Шағын және орта кәсіпорындарға арналған несие желісі жобасын іске асыру үшін қосымша 60 миллион марка беруге дайындық білдіріп отырғаны қуаттай түседі.

Бұл қаржыны Стратегиялық жоспарлау және реформалар жөніндегі агенттік Германия жағымен келісе отырып Павлодар, Қостанай және Оңтүстік Қазақстан облыстарына бөліп бермек.

(Егемен Қазақстан)

Тапсырма: Сұрақтарға жауап беріңіздер.

1. Германия мен Қазақстан арасындағы экономикалық саладағы ынтымақтастық деңгейі қандай?

2. Германия мен Қазақстанның шағын бизнес мүмкіндіктерін қалай бағалайсыз?

3. Германия үкіметі біздің еліміздің экономикасының дамуына мүдделі ме?

Ыңғайлас салалас (соединительно-сочинительные) сөйлемдер.

Жалғаулықтары: да/де, та/те, әрі, және-орысша баламасы и.

Бұл жалғаулықтар арқылы айтылған жай сөйлемдер біріне-бірі мезгілдес (одновременно), бағыттас (последовательно) болған уақиғаны, істі білдіреді. Мысалы: Еңбек адамды көрікті етеді және ол тынысты тазартады. Ұрған да кінәлі, ұрғызған да кінәлә мақал.

Тапсырма: Сөйлемдерді аяқтаңыздар.

1. Менде әрі құжат жоқ, әрі...

2. Құлбай үйінде жаңадан мектеп ашылатын болыпты және...

3. Кабинетке Нұржамал мен Баймұрат кірді де,...

Тапсырма: да, де, та, те, әрі, және жалғаулықтарымен сөйлем құрастырыңыздар.

Даналық ойдан дән ізде

1. Кімнің ақылы жасына сай келмесе, сол өмір бойы сор кешпек. Вольтер.

2. Жеке бастың қадір-қасиетін әркім өзі қалыптастырады: адам ерік-жігеріне орай ұлық не кішік болмақ. С.Смаилс

Тапсырма: Жұмбақтарды шешіңіздер

1. Піскен жеміс қосымын,

Құстың жақын досымын.

Қ орнына Ж жазсаң,

Жамбыл ата жасымын.

2. Моншағы көп тізілер,

Шуағын төксе күліп күн.

Соңғы әріп К болса,

Әжем сынды кісілер,

Қолға тағар мүлікпін.

3. Бойында өссем тоғанның

Кіргізем дәмін тағамның,

Соңыма қоссаң бір әріп,

Үндімей жүрер адам емеспін.

Қосымша әдебиет.

1. А. Ысқақов .қазақ тілі.,2011ж

2. Н.Әміреев. Қазақ тілі. Сөз мәдениеті.А.,2006ж

Сабақ №29. Лексикалық тақырып:Ганновер-Алматы іскерлік байланыста Грамматикалық тақырып:Ыңғайлас салалас құрмалас сөйлем

Оңтүстік астанамыз Алматыда, Қазақстан Республикасына арнайы іссапармен келген, Төменгі Саксония, астанасы Ганновер жерінің премьер-министрі Герхард Глоговский бастаған Германияның 30-дан астам фирмаларының өкілдері-кәсіпкерлер делегациясы Қазақстан Үкімет басшылары және кәсіпкерлермен кездесулер өткізіп, екі жаққа да тиімді келіссөздер жүргізді.

Саксониялық кәсіпкерлер Алматы қаласы Әкімі аппаратында Алматы қаласының Әкімі қабылдауында болды.

Кездесу барысында германдық кәсіпкерлердің Қазақстандағы, оның ішінде Алматыдағы экономика үрдісіне үлес қосатын тиімді ұсыныс, жобалары талқыланды.Сөз арасында Төменгі Саксония жерінің премьер-министрі Г.Глоговский ірі, шағын компания, фирмалармен жақын арада тығыз байланыс орнатып, бірлескен кәсіпорындар ашпақ ниеттері бар екенін байқатты. Саксониялық кәсіпкерлер оңтүстік астанада жоғары сапалы, сейсмикалық жағынан мықты тұрғын үй ғимараттарын салу, аспалы жол торабын жасау ойлары бар екенін де білдіреді. Қала әкімі жалпы неміс халқының принципшілдігін қандай іске болмасын жауапкершілікпен қарайтындығын,нақтылықтарын бағалай отырып,келешекте Алматыда өз жұмыстарын бастайтын саксониялық инвесторларға зор сенім білдіруге болатындығын айтты.

Тапсырма:

1. Алматыға келген ресми делегацияны кім басқарады?

2. Оның құрамында кімдер бар?

3. Келіссөздер барысында қандай мәселелер талқыланды?

4. Саксониялық кәсіпкерлер бізге не ұсынбақ?

5. Қала әкімі неміс халқының қандай қасиеттерін атап өтті?

6. Сіздің ойыңызша,осындай байланыстар екі ел үшін де тиімді ме?

Тапсырма:Мәтінді оқыңыздар.