Узор вядзення дзённіка з запісамі назіранняў

Тытульны ліст

Дзённік назіранняў

студэнта-практыканта __ групы ___ курса

дзённай формы атрымання адукацыі

факультэта пачатковай адукацыі БДПУ

_______________________________(Прозвішча. Імя. Імя па бацьку.)

20_-20_ навучальнага года

Другая старонка

Школа № _________ г. Мінска

Адрас школы _________________________

Клас, кабінет ________________________

Настаўнік ______________________________

Намеснік дырэктара ________________________

Дырэктар _____________________________

Кіраўнік практыкі ад факультэта _________________

Кіраўнік практыкі ад кафедры _____________________________

Наступныя старонкі дзённіка ўключаюць інфармацыю:

• спіс вучняў класа;

• расклад заняткаў;

• расклад званкоў;

• пратакольны запіс наведаных урокаў настаўніка або студэнтаў-практыкантаў;

• аналіз аднаго наведанага ўрока настаўніка.

Дадатак 2

ПРЫКЛАДНАЯ СХЕМА АНАЛІЗУ ЎРОКА

I.

1. Тып і структура ўрока.

2. Правільнасць фармулёўкі тэмы і вызначэння мэты ўрока, яго адпаведнасць вучэбнай праграме.

3. Выхаваўчая накіраванасць урока.

4. Метады і прыёмы актывізацыі пазнавальнай дзейнасці і самастойнай працы вучняў, навуковасць, даступнасць выкладу новага матэрыялу.

5. Віды практыкаванняў, іх сістэма, метадычная вартасць і роля ў арганізацыі самастойнай дзейнасці вучняў, навуковасць, даступнасць выкладу новага матэрыялу.

6. Прыёмы развіцця вуснага і пісьмовага маўлення вучняў.

7. Сувязь новага матэрыялу з раней вывучаным, пераемнасць і перспектыўнасць у выкладанні.

8. Прыёмы замацавання і абагульнення новага матэрыялу.

9. Спосабы і якасць праверкі і ацэнкі ведаў, уменняў і навыкаў вучняў.

10. Выкарыстанне наглядных дапаможнікаў, ТСН, іх дыдактычная апраўданасць, эфектыўнасць і правільнасць выкарыстання на розных этапах урока.

11. Вызначэнне дамашняга задання, інструктаж па яго выкананні, адпаведнасць задання мэтам урока, дыферэнцыраваны падыход да вызначэння задання ўсяму класу і асобным вучням.

II.

1. Уменне настаўніка трымацца ў класе (упэўненасць, сабранасць, знаходлівасць, ініцыятыва), працаваць адначасова з усім класам і асобнымі вучнямі.

2. Веданне настаўнікам вучэбнага матэрыялу, метадычнае майстэрства.

3. Мова (дыкцыя, тэмп, культура маўлення, эмацыянальнасць), тэмп працы, манера і знешні выгляд настаўніка.

4. Педагагічны такт настаўніка.

III.

1. Дасягненне пастаўленай мэты ўрока.

2. Ступень засваення вучнямі новага матэрыялу.

3. Агульная арганізацыя ўрока.

4. Вывады, заўвагі да ўрока, парады для паляпшэння якасці вучэбна-выхаваўчай працы на ўроку.

Дадатак 3

ПРЫКЛАДНАЯ СХЕМА САМААНАЛІЗУ ЎРОКА

Клас

Тэма ўрока

Тып урока і яго структура

1. Характарыстыка структуры ўрока.

Ахарактарызаваць: а) мэту ўрока, агульнадыдактычныя і прыватнаметадычныя задачы; б) тып урока, яго месца ў сістэме іншых урокаў беларускай мовы і літаратуры; в) асноўныя структурныя кампаненты ўрока; г) размеркаванне часу на ўроку, эфектыўнасць яго выкарыстання; д) забеспячэнне цэласнасці і завершанасці ўрока.

2.  Рэалізацыя асноўных мэт урока.

Адзначыць, якія мэты былі пастаўлены і наколькі яны рэалізаваны на ўроку.

3. Рэалізацыя развіццёвай функцыі ўрока.

Адзначыць, якія сродкі былі выкарыстаны з мэтай: а) актывізацыі разумовай дзейнасці вучняў (аналіз, параўнанне, супастаўленне, абстрагаванне і канкрэтызацыя, класіфікацыя, сістэматызацыя граматычных і літаратурных з’яў і фактаў); б) развіцця пазнавальнай самастойнасці; в) арганізацыі вуснай і пісьмовай маўленчай практыкі на ўроку; г) ацэнкі эстэтычнай функцыі мовы і літаратуры.

4. Рэалізацыя выхаваўчай функцыі ўрока.

Адзначыць, які дыдактычны і літаратурны матэрыял (тэксты практыкаванняў, этнакультурныя звесткі, мастацкія тэксты, гістарычны каментарый) валодаў выхаваўчым патэнцыялам і як ён быў выкарыстаны на ўроку.

5. Метады навучання беларускай мове і літаратуры.

Ахарактарызаваць метады, выкарыстаныя на ўроку, і ацаніць іх эфектыўнасць:

а) тэарэтычныя метады (тлумачэнне настаўніка, самастойнае чытанне падручніка, гутарка); б) метады кантролю (індывідуальны, франтальны, камбінаваны, самакантроль, узаемакантроль); в) метады праверкі дамашняга задання (выбарачная праверка, узаемаправерка, праверка ў выглядзе кансультацый і інш.); г) метады, звязаныя з матывацыяй навучання (рашэнне праблемных задач, дыдактычныя гульні, алгарытмы, сітуацыйныя заданні і інш.).

6. Праца з вучнямі.

Ахарактарызаваць: а) падрыхтоўку вучняў да ўрока; б) актыўнасць вучняў на розных этапах урока; в) улік дынамікі працаздольнасці вучняў на ўроку, д) формы арганізацыі работы на ўроку.

7. Перспектывы сваёй дзейнасці.

Дадатак 4