Педагагічная практыка на 5 курсе Задачы практыкі

1. Фарміраваць і ўдасканальваць педагагічныя ўменні і навыкі працы з дзіцячым калектывам і з асобнымі вучнямі на ўроку і ў пазаўрочны час.

2. Працягваць знаёмства з сучаснымі метадамі выкладання беларускай мовы і літаратуры ў 5-11 класах.

3. Працягваць знаёмства са школьнымі праграмамі, вучэбнымі дапаможнікамі і метадычнай літаратурай па беларускай мове і літаратуры.

4. Працягваць знаёмства з арганізацыяй факультатыўных заняткаў па беларускай мове ў школе, з праграмамі факультатываў па беларускай мове і літаратуры.

5. Распрацаваць і правесці два пробныя ўрокі (адзін па беларускай мове і адзін па літаратуры), чатыры заліковыя ўрокі (два па беларускай мове і два па літаратуры) у 5-11 класах.

6. Пазнаёміцца з планам працы метадычнага аб’яднання настаўнікаў беларускай мовы і літаратуры.

7. Вучыцца ацэньваць веды і ўменні школьнікаў па беларускай мове і літаратуры з выкарыстаннем 10-бальнай сістэмай ацэнкі ведаў.

8. Азнаёміцца з планаваннем вучэбнай і выхаваўчай працы ў школе.

9. Распрацаваць і правесці пазакласнае выхаваўчае мерапрыемства па прадмеце.

10. Азнаёміцца з вучэбным кабінетам беларускай мовы і літаратуры, з яго афармленнем і абсталяваннем.

11. Працягваць знаёмства з электроннымі сродкамі навучання (ЭСН) беларускай мове і літаратуры.

12. Удасканальваць уменне аналізаваць урок.

13. Працягваць знаёмства з працай класнага кіраўніка.

Змест педагагічнай практыкі на 5 курсе

Педагагічная практыка па дадатковай спецыяльнасці на 5 курсе з’яўляецца заключным звяном практычнай падрыхтоўкі ва ўніверсітэце. Працягласць практыкі на 5 курсе – чатыры тыдні. За гэты час студэнтам неабходна наведаць урокі і факультатыўныя заняткі па беларускай мове і літаратуры ў 5 – 11 класах, прааналізаваць іх, падрыхтаваць і правесці не менш за два пробныя ўрокі (адзін урок па беларускай мове і адзін урок па літаратуры), чатыры заліковыя ўрокі (два ўрокі па беларускай мове і два ўрокі па літаратуры), ацаніць веды вучняў пры дапамозе 10-бальнай сістэмай ацэнкі ведаў, падрыхтаваць і правесці пазакласнае выхаваўчае мерапрыемства па прадмеце, сустрэцца з прадстаўнікамі адміністрацыі ўстановы адукацыі, даведацца аб арганізацыі адукацыйнага працэсу ў школе, пазнаёміцца з працай метадычнага аб’яднання настаўнікаў беларускай мовы і літаратуры, з абсталяваннем і працай кабінета беларускай мовы і літаратуры, з ЭСН навучання беларускай мове і літаратуры,.

Змест, ход урока, свае ўражанні студэнты павінны фіксаваць у дзённіках па педагагічнай практыцы (Дадатак 1). У канцы практыкі кожны студэнт робіць у дзённіку пісьмовы аналіз аднаго ўрока мовы і аднаго ўрока літаратуры (Дадатак 2).

Кіраўнік практыкі ад кафедры ўлічвае працу студэнтаў, правярае дзённік, ацэньвае заліковыя ўрокі і выстаўляе агульную ацэнку па педагагічнай практыцы.

Інфармацыйна-метадычная частка Дакуменатацыя студэнта-практыканта

1. Дзённік з запісамі назіранняў урокаў, факультатыўных заняткаў і аналізам урока.

2. План канспект праведзенага заліковага ўрока па беларускай мове або беларускай літаратуры і самааналіз гэтага ўрока.

3. Канспект праведзенага выхаваўчага мерапрыемства.

4. Справаздача аб праходжанні педагагічнай практыкі (Дадатак 4).

5. Водзыў непасрэднага кіраўніка практыкі ад арганізацыі аб праходжанні практыкі студэнтам (Дадатак 5).