Міністэрства адукацыі Рэспублікі Беларусь

Установа адукацыі

“Беларускі дзяржаўны педагагічны ўніверсітэт імя Максіма Танка”

“Зацвярджаю” Прарэктар па вучэбнай рабоце ____________________ у.У.Шлыкаў

________________________________

Рэгістрацыйны №___________________

ПРАГРАМА

Педагагічнай практыкі

для спецыяльнасці

1-01 02 02-04 “Пачатковая адукацыя. Беларуская мова і літаратура”

2012

СКЛАДАЛЬНІКІ:

Свірыдзенка В.І., дацэнт кафедры беларускага і рускага мовазнаўства ўстановы адукацыі «Беларускі дзяржаўны педагагічны ўніверсітэт імя Максіма Танка», кандыдат педагагічных навук, дацэнт;

Антановіч Н.М., выкладчык кафедры беларускага і рускага мовазнаўства ўстановы адукацыі «Беларускі дзяржаўны педагагічны ўніверсітэт імя Максіма Танка».

РАЗГЛЕДЖАНА І РЭКАМЕНДАВАНА ДА ЗАЦВЯРДЖЭННЯ:

Кафедрай беларускага і рускага мовазнаўства (пратакол №___ад _________)

Загадчык кафедры

______________ Т.Р.Трафімовіч

АДОБРАНА І РЭКАМЕНДАВАНА ДА ЗАЦВЯРДЖЭННЯ:

Саветам факультэта пачатковай адукацыі БДПУ (пратакол №_____ ад ________________)

Старшыня савета факультэта

_______________________ Н.У.Ждановіч

Афармленне вучэбнай праграмы і суправаджальных матэрыялаў патрабаванням Міністэрства адукацыі Рэспублікі Беларусь адпавядае

Кіраўнік практыкі________________Т.І.Язерская

Тлумачальная запіска

Важным звяном вучэбнага працэсу ў педагагічным універсітэце, якое дапамагае звязаць тэарэтычнае навучанне будучага настаўніка і яго самастойную працу ў школе, з’яўляецца педагагічная практыка. Яна дае магчымасць праверыць тэарэтычную і практычную падрыхтоўку студэнтаў-філолагаў па методыках, псіхалогіі, педагогіцы.

Асноўная мэта педагагічнай практыкі па дадатковай спецыяльнасці “Беларуская мова і літаратура” для студэнтаў факультэта пачатковай адукацыі – практычная рэалізацыя тэарэтычнай падрыхтоўкі па філалагічных дысцыплінах, ацэнка педагагічнай дзейнасці студэнта ў ролі будучага настаўніка-філолага. Арганізуючы практыку, трэба забяспечыць асобасна арыентаваны, комплексны, бесперапынны і творчы характар падрыхтоўкі кожнага студэнта. Сістэма ўзаемаадносін кіраўніка практыкі ад кафедры і практыканта павінна насіць характар узаемадзеяння і супрацоўніцтва.

Творчы характар педагагічнай практыкі прадугледжвае і павінен забяспечыць развіццё ў кожнага студэнта здольнасцей да нестандартнай інтэрпрэтацыі адукацыйнага працэсу. Арганізаваная на такіх умовах практыка забяспечвае рэалізацыю адаптацыйнай, навучальнай, развіццёвай, дыягнастычнай функцый і дапамагае вырашыць наступныя задачы:

1. паглыбіць і замацаваць тэарэтычныя веды, атрыманыя студэнтамі ва ўніверсітэце;

2. навучыць студэнтаў практычна прымяняць навукова-метадычныя веды пра працэс выкладання беларускай мовы і літаратуры, пра выхаванне сродкамі свайго прадмета;

3. стварыць асабісты вопыт выкладання беларускай мовы і літаратуры: набыць навыкі самастойнага вядзення вучэбнай і выхаваўчай работы з вучнямі з улікам іх узроставых і індывідуальных асаблівасцей, падрыхтавацца да правядзення розных тыпаў урокаў з выкарыстаннем разнастайных метадаў і прыёмаў;

4. сфарміраваць у будучых настаўнікаў уменне адрозніваць сапраўды каштоўнае ў вопыце іншых ад псеўдановага;

5. развіць у студэнтаў цікавасць да навукова-даследчай работы, фарміраваць у іх навыкі вядзення даследавання, пошуку найбольш эфектыўных метадаў навучання і выхавання;

6. падрыхтаваць іх да працы ў зменлівых умовах.

Студэнты дзённай і завочнай формы атрымання адукацыі спецыяльнасці “Пачатковая адукацыя. Беларуская мова і літаратура” праходзяць педагагічную практыку па дадатковай спецыяльнасці на працягу 2 тыдняў на 4 курсе (7 семестр) і 4 тыдняў на 5 курсе (9 семестр).