- •Беларуская мова
- •1 Клас (вусны курс)
- •Ход урока:
- •Першае яечка
- •Урок 2. Я і мая школа Настаўніца і вучні
- •Ход урока:
- •Хто жыве ў двары
- •Урок 3 я і мая школа Вучэбныя рэчы
- •Ход урока
- •Як курачка пеўніка ратавала
- •Урок 4 я і мая школа Школьныя памяшканні
- •Ход урока:
- •Урок 5. Я і мая школа. Вучэбныя заняткі
- •Ход урока
- •Пшанічны каласок
- •Урок 6. Я і мая сям’я. Мае сваякі
- •Ход урока:
- •Як баба і дзед паленаваліся гаршчок памыць
- •IV.Вынік урока
- •Урок 7. Я і мая сям’я. Мая кватэра.
- •Ход урока:
- •Ганарыстая варона
- •IV.Вынік урока
- •Урок 8. Я і мая сям’я. Рэжым дня
- •Ход урока:
- •Лясная аптэка
- •IV.Вынік урока
- •Урок 9. Я і мая сям’я. Асабістая гігіена
- •Ход урока:
- •Цяжкая навука
- •IV.Вынік урока
- •Урок 10. Я і мая сям’я. Адзенне і абутак
- •Ход урока:
- •Заяц і вожык
- •IV.Вынік урока
IV.Вынік урока
Давайце прыгадаем, чым адрозніваецца вымаўленне гука [р] у рускай і беларускай мовах? Якія словы рускай і беларускай мовы гучаць аднолькава, але называюць розныя прадметы? Як вы паставіліся да ганарыстай вароны?
Урок 8. Я і мая сям’я. Рэжым дня
Мэта: вучыць адрозніваць беларускае маўленне ад рускага на слых, распазнаваць і вымаўляць гук [дз`] і словы з ім, пазнаёміць з лексікай, звязанай з выкананнем рэжыму дня, фарміраваць уменні асэнсаванага ўспрымання беларускай мовы на слых, фарміраваць уменне адказваць на пытанне, карыстаючыся словамі самога пытання, правільна і дакладна ўжываць словы пры канструяванні сказаў па ўзоры.
Абсталяванне: падручнікі, сшыткі, простыя і каляровыя алоўкі, фламастары.
Ход урока:
І. Маўленчая размінка
– У беларускай мове ёсць гук, які нагадвае звон званочка: дзінь-дзінь-дзінь. Гэта гук [дз`].
1) – Патрэніруемся ў вымаўленні гэтага гука. (Вымаўленне ізаляванага гука [дз`], вымаўленне складоў дзе-дзё-дзі-дзю-дзя хорам, па радах, індывідуальна.) Якія гукі ён нагадвае? (Падбор гукавых асацыяцый.) Дагаворванне слова:
дзі дзі дзі на вуліцу і…(дзі)
дзе дзе дзе лодка на ва…(дзе)
дзі дзі дзі дрэўца паса...(дзі)
2) – Паслухайце верш і вызначце словы з гукам [дз`].
Мой гадзіннік,
Дзіньдзіньдзіннік,
Зазвініць ён,
Дзінь, дзінь, дзінь –
Значыць,
Сем якраз гадзін...
Трэба з ложка паднімацца,
на заняткі
Не спазняцца.
А. Дзеружынскі.
Што абазначае слова гадзіннік? У колькі гадзін вы устаяце? Хто вас будзіць: гадзіннік ці мама? Паўтарыце словы, у якіх вы пачулі гук [дз`].
ІІ. Лексічная праца
Дамінуючы лексічны матэрыял: гадзіннік, рэжым дня, распарадак, снеданне, абед, вячэра, падвячорак, зарадка, гадзіна, гадзіннік, час, прагулка.
– Гадзіннік паказвае час (время). Для чаго нам трэба ведаць, колькі зараз часу (времені)? Сапраўды, гэта дапамагае ўсё рабіць у свой час, выконваць рэжым дня:
1) Праца ў сшытку. Давайце паглядзім які рэжым дня ў Ганкі, Стася і Марціна. Слухайце ўважліва, знаходзьце адпаведны малюнак у сшытку.
Ганка
Стась
I я — Марцін
Мы раскажам вам аб тым,
Як жывём і дружым мы,
Як расцём мы дужымі.
Да малюнка 1:
Пачынаем дзень спачатку
Фізкультурнаю зарадкай.
Падыміце руку, хто таксама пачынае дзень з зарадкі. (Двухрадкоўе вымаўляецца хорам).
Да малюнка 2:
Возьмем шчоткі — зубы тром
Беласнежным парашком.
3 мылам мы пад кранам мыем
Рукі, вушы, твар і шыю.
– Давайце вымавім разам са мной і пакажам рукі, вушы, твар і шыю. (Апошняе двухрадкоўе вымаўляецца хорам з рухамі).
Да малюнка 3:
За сталом утрох сядзім.
Мы з ахвотаю ядзім.
Колькі разоў на дзень людзі звычайна ядуць? Як вы думаеце, што намаляваў мастак: снеданне, абед, вячэру ці падвячорак? Якое слова вам зразумелае без перакладу? Што такое “вячэра”? “падвячорак”? Здагадайцеся, што значыць “снеданне”? Калі снедаюць? Калі абедаюць? Калі вячэраюць?
Да малюнка 4:
Мы і дома пасабляем:
Я падлогу падмятаю,
Фартушок надзеўшы, Ганна
Мые кубачкі старанна.
Стась сваю работу знае —
Ён вазоны палівае.
Адкажыце, што робіць Марцін? Ганна? Стась?
Да малюнка 5:
Дом вялікі. На двары
Шмат гуляе дзетвары, —
Весела заўсёды.
Разам з імі, як сябры,
Мы гуляем на двары,
Водзім карагоды.
Колькі часу вы звычайна праводзіце на вуліцы?
Да малюнка 6:
Кнігі мы не забываем,
Кнігі ўважліва чытаем.
Паводле А.Александровіч
У якой паслядоўнасці павінны ісці малюнкі? Адзначце на малюнках у сшытку. Пра што яшчэ не сказалі дзеці? (што яны вучацца ў школе). Якім па ліку трэба размясціць адпаведны малюнак? Размалюйце прадметы, назавіце іх. Давайце вымавім словы з гукам [дз`], якія пачулі ў вершы.
2) – Адгадайце загадку, які прадмет дазваляе рабіць усё своечасова?
Працуе дзень і ноч,
І дзень і ноч не спіць,
Ён стоячы ідзе,
А ідучы стаіць. (Гадзіннік)
Знайдзіце адгадку ў сшытку і дамалюйце простым алоўкам стрэлкі, каб яны паказвалі адну гадзіну, дзве гадзіны, тры гадзіны, чатыры гадзіны.
ІІІ. Аўдзіраванне
1) Разгледзьце малюнкі ў падручніку. Куды прыйшлі звяры? З якой мэтай звяртаюцца ў аптэку? Казачнік Бай прапануе нам паслухаць казку, якая называецца “Лясная аптэка”. Паслухайце, што здарылася з кожным наведвальнікам аптэкі.