Додатки 197

ша приходити к нему пострыщися боголюбивіи ньціи, он же приімаше их и пострызаше. И събрася братіи к нему числом 12 К нему ж и Феодосіє пришед и пострыжеся. И ископаша печеру велику, и церковь, и келія, яже суть и до сего дьни в печеръ под ветхым монастыремь. Съвъкупленнъи же братьи сущи, и рече имъ великый Ан-тоніе: «се Богъ нас, братіє, съвъкупиль, и от благословеніа есте Святыя Горы, им же мене игумень постриже Святыя Горы, азъ же васъ постригах, и буди благословеніе на васъ прьвіе от Бога и пречистыя Богородица, второе оть Святыа Горы». И рече имъ сице: «живите себъ, и азъ по­ставлю вам игумена, а самъ хощу въ ону гору ити и тамо състи единъ». Якоже в прежде ръх, обыклъ уединився. И постави им игумена именем Варлаама, а сам иде вь гору, ископа печеру, яже есть под новым манастырем, и в ней сконча животъ свой, живь въ добродетели лъть 40, не ис­ходя ис печеры, въ ней же лежать честныя мощи его, чю-деса творяще и до сего дьне. Игумень же и братіа живя-ху въ печеръ. И умножившимся братии и не могущим въ печеру въмъститися помыслиша вънъ печеры поставити манастырь. И пріиде игумень и братіа къ святому Ан-тонію и рекоша ему: «отче! умножилося есть братіи и не можем въмъститися въ печеръ, дабы Богъ повелъль и пре-чистаа Богородица и твоя молитва, да быхом поставили церквицю внъ печеры». И повелъ имъ преподобный. Они же поклонишася ему до земля и отъидоша. И поставиша церковицю малу над печерою въ имя святыа Богородица успъше. И нача Богъ умножати чръноризца молитвами пречистыа Богородица и преподобнаго Антоніа, и съвъть сътвориша братіа съ игуменомь поставити манастырь. И идоша пакы къ Антонію и рЫпа ему: «отче! братіи умно­жається и хотъли быхом поставити манастырь». Антоній же рад бывь и рече: «благословень Богъ о всемь, и мо­литва святыа Богородица и сущихъ отець, иже въ Святъи Горъ, да будеть с вами». И сіа рекь, посла единаго оть братія къ князю Изяславу, рекь тако: «княже благочести­вый, Богъ умножаеть братію, и мъстьце мало, просим у

198

Київська Русь: від язичництва до християнства

тебе, дабы еси нам дал гору ту, иже над печерою». Князь же Изяславъ, сіа слышавъ, зъло радостень бысть, и посла к ним болярина своего, дасть имъ гору ту. Игумень же и братія заложиша церковь велику и манастырь, оградиша стльпіемь и келіа поставиша многы, и церковь поставиша и украсиша иконами. И оттолъ начашеся звати Печерь­скый манастырь, понеже бъаху жили чръноризци прежде въ печерь. И оттолъ прозвася Печерьскый манастырь, иже есть от благословеніа Святыя Горы_

СЛОВО О ПОЛКУ ІГОРЕВІМ

_ Тогда въступи Игорь князь въ златъ стремень

и поъха по чистому полю.

Солнце ему тьмою путь заступаше;

нощь стонущи ему грозою птичь убуди;

свисть звъринъ въста,

збися дивъ —

кличеть връху древа,

велить послушати — земли незнаемЪ,

Влъзъ,

и Поморию,

и Посулию,

И Сурожу,

и Корсуню,

и тебъ, Тьмутороканьскый блъванъ!

А половци неготовами дорогами побъгоша къ Дону великому:

Друкується за виданням: Слово о полку Игореве. — М, 1975. — С. 52, 54, 58, 60, 94, 96, 104, 106.

Додатки

199

крычать тьлъгы полунощы,

рци, лебеди роспущени.

Игорь къ Дону вой ведетъ!

Уже бо бъды его пасеть птиць по дубию;

влъци грозу въсрожатъ по яругамъ;

орли клектомъ на кости звЪри зовуть;

лисици брешуть на чръленыя щиты.

О Руская земле! уже за шеломянемъ еси!

„ Се вътри, Стрибожи внуци, въютъ съ моря стрЪлами

на храбрыя плъкы Игоревы.

Земля тутнеть,

р!кы мутно текуть,

пороси поля прикрывають,

стязи глаголють:

половци йдуть отъ Дона, и отъ моря,

и отъ всьхъ странъ Рускыя плъкы оступиша.

Дъти бъсови кликомъ поля прегородиша,

а храбрии русици преградиша чрълеными щиты.

_ Ярославна рано плачеть

въ Путивлъ на забралъ, аркучи:

«О вътръ, вътрило!

Чему, господине, насильно въеши?

Чему мы чеши хиновьскыя стрълкы

на своею нетрудною крилцю

на моея лады вой?

Мало ли ты бяшеть горъ подъ облакы въяти,

лелъючи корабли на синъ моръ?

Чему, господине, мое веселие

по ковылию развЪя?»

Ярославна рано плачеть

Путивлю городу на заборолЪ, аркучи:

«О Днепре Словутицю!

Ты пробилъ еси каменныя горы

сквозь землю Половецкую.

Ты лелъялъ еси на себъ Святославли насады

до плъку Кобякова.

200

Київська Русь: від язичництва до християнства

Възлелъй, господине, мою ладу къ мнъ,

а быхъ не слала къ нему слезъ

на море рано».

Ярославна рано плачеть

въ Путивлъ на забралъ, аркучи:

«Свътлое и тресвътлое слънце!

Всвмъ тепло и красно еси:

чему, господине, простре горячюю свою лучю

на ладь вой?

Въ полъ безводнъ жаждею имь лучи съпряже,

тугою имь тули затче?"

Прысну море полунощи,

идуть сморци мылами.

Игореви князю богъ путь кажетъ

изъ земли Половецкой

на землю Рускую,

къ отчю злату столу.

_ Солнце свътится на небесъ, —

Игорь-князь въ Руской земли;

дъвицы поютъ на Дунай, —

вьются голоси чрезъ море до Киева.

Игорь ъдетъ по Боричеву

къ святъй богородици Пирогощей.

Страны ради, гради весели»

ІАКОВ МНІХ

«ПАМ'ЯТЬ И ПОХВАЛА КНЯЗЮ РУСЬКОМУ ВОЛОДИМИРУ» «ЖИТІЄ КНЯЗЯ ВОЛОДИМИРА» '

Мьсяца июля въ 15 день. Память и похвала князю Ру-

Друкуеться за виданням: Зимин А. А. Память и похвала Иакова Мниха и Житие князя Владимира по древнейшему списку // Краткие сообщения Института славяноведения АН СССР, 1963. — Вып. 37.

Додатки 201

скому Володимеру, како крестися Володимеръ и дЬти своя крести и всю землю Рускую от конца и до конца, и како крестися баба Вълодимерова Олга преже Володимера Спи­сано Ияковомъ мнихомъ.

Пауль святыи апостолъ, церковный учитель и свътило всего мира, посылая к Тимофию писанье, глаголаше: «Ча­до Тимофъю, еже слыша от мене многы послухы, тоже предан же върнымъ человъкомъ, иже доволнъ будуть и ины научити». И блаженыи апостолъ Лука евангелистЬ к Феофилу писаше, глаголя: «Понеже мнози начата | повъсти дъяти о извъстныхъ вещех бывшихъ въ насъ, из-волися и мнъ ходившю исперва и по всъхъ писати тебе, державный Феофиле, да разумъеши, о нихъ же нача Исусъ творити же и учити».

К тому Феофилу написа дъянья апостольска и еван-гелье святыи апостолъ Лука. Потомъ многых святыхъ пи­сати начата житья и мученья. Тако же и язъ, худыи мних Ияковъ, слышавъ от многыхъ о благовърнемь князъ Володимери всея Рускыя земля, о сыну Святославлъ, и мало събравъ от многыя добродътели его, написахъ, и о сыну его, реку же святую славную мученика Бориса и Глъба, како просвъти благодать божиа сердце князю Рус-кому Володимеру, сыну Святъславлю, внуку Игореву, и възлюбивыи человеколюбивый богь, хотяи спасти всякого человъка и в разумъ изстиньныи прити, и вжада святого кресщенья. Яко же жадаеть елень на источникы водныя, тако вжада благовърныи | князь Володимиръ святого кре­щенья, и богь створи хотънье его. Пишеть бо: «Волю бо­ящихся его творить и молитву ихъ услышить и спасеть я». И сам рече господь: «Просите и приймете, ищите [и] обрящете, толчете и отверзется вамъ. Всякъ просяй при-иметъ, ищаи обращеть, толкущему отверзается». И паки рече: «Иже вфу иметь [и] и крестится и спасенъ будеть, а иже въры не имать, не крестится, уже осуженъ будеть». Взиска спасенья и прияо бабъ своей Олзъ, како шедши къ Цъсарюгороду, и прияла бяше святое кресщенье, и по-

202

Київська Русь: від язичництва до християнства

жи добръ пред богомъ, всими добрыми дълы украсившися и почи с миромъ о ХристЬ Исусъ и въ въръ блазъ. То все слышавъ князь Володимеръ о баб* своей Олзъ, нареченій въ святомъ кресщеньи Елена, тоя и житье подража свя-тыя цъсарица Елены, блаженыя княгини Олги.

То слышавъ князь Володимеръ, разгарашется святымъ духомъ сердце его, хотя святого крещенья. Видя ж бог хотънье сердца его, провидя доброту его, и призри | с не-бесъ милостью своею и щедротами и въ троици славимый [богъ отець и сынъ и святыи духъ на] князя Володимеря, испытая сердца и утробы, богъ праведенъ, вся преже въдыи, и просвъти сердце князю Рускыя земля Володиме-рю прияти святое крещенье.

Крести же ся самъ князь Володимеръ, и чада своя, [и] весь домъ свои святымъ крещеньемъ просвъти и свободи всяку душю, мужескъ полъ и женескъ, святого ради кре­щенья.

И възрадовася и възвеселися о бозъ Давыдьскы князь Володимеръ и акы святыи пророкъ дивный Амбакумъ о господь веселяся и радуяся о бозъ спасъ своемъ. О блаже-ное время и день добрый, исполненъ всего блага, в он же крестися Володимеръ князь! И нареченъ быс(ть) въ свя­томъ кресщеньи Василъи, и даръ божий осъни его, благо­дать святого духа освъти сердце его, и навыче по за-повъди божий ходити и жити добръ о бозъ и въру тверду удержа неподвижиму. Крести же и всю землю Рускую от конца и до конца, и пога | ньскыя богы, паче же и бъсы, Перуна и Хъроса и ины многы попра, и скруши идолы, и отверже всю безбожную лесть, и церковь созда каменну во имя пресвятыя богородица, прибъжище и спасенье ду-шамъ върным, и десятину ей вда, тъмъ попы набдъти и сироты и вдовича и нищая.

И по том всю землю Рускую и грады вся украси свя­тыми церквми, и отвержеся всея дьяволя льсти, и приде от тмы дьяволя на свътъ съ чады своими приде къ богу,

Додатки 203

крещенье приимъ, и всю землю Рускую исторже из усть дьяволь и къ Богу приведе, и къ свъту истеньному. Рече бо господь пророкомъ: «Изводяи от нечестья нечестиваго, акы уста моя еси». И быс(ть) князь Володимиръ, акы уста божия и человекы от лести дьяволя ко богу приведе. О колика радость и веселье быс(ть) на земли! Аггели възве-селишася и архангели, и святыхъ дуси възыграшася. Самъ рече господь: «Колика радость бываеть на небесъхъ о единемъ гръшницъ кающимъся». Толико бещисла душь | по всей земли Рускои приведены къ богу святымъ кре-щеньемъ. Похвалы всякыя дъто то достойно створи и ра­дости духовныя полно.

О блаженыи и треблаженыи княже Володимере, бла-говърне и христолюбиве и страньнолюбче, мьзда твоя многа зъло пред богомъ. То же блаженыи Давыдъ глаго-лаше: «Блаженъ человъкъ, его же ты накажеши, господи, от закона твоего научиши и да укротиши и от днии лютъ».

Блаженыи князь Володимеръ, уклонився от службы дьявола, и прийде къ Христу богу, владычъ своему, и лю­ди своя приведе и научи я служити богу. Самъ бо гос­подь рече: «Иже створить и научить, сей великъ наречет­ся въ царствии небеснъмь». А ты, о блаженыи княже Во-лодимерю, быс(ть) апостолъ въ князихъ, всю землю Рус­кую приведъ къ богу святымъ крещеньемъ, и научи люди своя кланятися богу, славити и пъти отца и сына и свя­того духа. И вси людие Рускыя земля познаша бога то­бою, божественыи княже Володимире. Възрадо[ва]ша же ся ангелстии чини, агницъ честнии. Ныни радуются върнъм и воспъша и въсхвалиша. Акы | младенчи Иеври-стии с вътвьми усрътоша Христа, вопиюще: «Осана Христу богу, победителю смерти», тако и новоизбранной людие Рускыя земля , въсхвалиша владыку Христа съ отцемь и святымъ духомъ, къ богу приближавшеся крещеньемъ и дьявола отвергъшеся, и службы его поругашася и попле-ваша бъсы и познаша бога истеньнаго, творча и сдЪтеля

204

Київська Русь: від язичництва до християнства

всей твари, и поють по вся дни живота и на всякъ час п1с(нь) чюдную, хвалу архангелскую: «Слава в вышнихъ богу и на земли миръ, въ человъцъх благоволенье». И ты, блаженыи княже Володимерю, подобно Констянтину Ве­ликому створи. Яко же онъ върою великою и любовью божиею подивихся, утверди всю вселеную любовию и върою, и святымъ крещеньемъ просвіти весь миръ, и за­кон божий по всей вселенъи заповъда, и разруши храмы идольскыя съ лжеименьными богы и святыя же церкви по всей вселенъи постави на хвалу богу, въ троицъ сла­вимому, отцю и сыну | и святому духу, и крестъ обрете, всего мира спасенье, съ божественою и богомудрою ма­терью своею святою Оленою и съ чады многы, приведе къ богу святымъ крещеньемъ бещисленое множество, и требища бъсовьская потреби, и храмы идольскыя раздру-ши, и церквами украси всю вселеную и грады, и заповъда въ церквахъ памяти святыхъ творити пъньи и молитвами и праздникы праздновати на славу и на хвалу богу. Тако же и блаженыи князь Володимиръ створи с бабой своей Олгои: