“Мемуарная литература XVI-XVIII веков как источник по истории Беларуси”

Общее задание:

1. Сохраните файл с источниками под своей фамилией.

2. Прочитайте источники.

3. Ответьте на поставленные к фрагментам источников вопросы.

Фрагмент 1 1

Фрагмент 2 4

Фрагмент 3 5

Фрагмент 4 7

Фрагмент 5 8

Фрагмент 1

Вопросы:

1. Когда и кем написан данный источник.

2. Какие языки знал автор источника?

3. В каких изданиях опубликован источник?

4. Какие магнаты приветствовали Жигимонта III на землях Беларуси?

5. Какие белорусские города пострадали от походов С. Наливайко?

6. Чем завершился поход С.Наливайко?

Из дневника новогрудского подсудка

Самому пану богу мому зо всяких добродейств его насветшое милости нех застава вечна честь и хвала, за которого презренем и я, Федор Евлашевский, уродилемсе от выше помене-ных родичов моих в Ляховичах в року от нароженя сына божого 1546 месяца февраля 7 дня, в неделю, ночи пришлое, около полночи, а дано ми име ведля свята руского, которое было на он час в понеделок, месеца февраля 8 дня, а у римлянов положено ест месеца марца 2 дня—Теодора, гетмана от Лициниуша змучоного. А яко мелом ведомость от родичов, же в рок по уроженю моем, промовилем до отца моего «абба», з чого се они урадовали; але я намней потом не мовил, аж в полчварта року от нароженя моего почалом мовить, а в пятом року почато мне бавити наукою рускою, кгдыж в тых часех в той нашей стороне не было еще инших наук, для того пришло ми зостати з рускою и полскою наукою; и по жидовскый написати умелом, але тое письмо их потребуе уместности языка ебрайского, або хоть немецкого, кгдыж вже тепер библия жидовская немецким езыком, а литерами их .выдана, чогоб полским езыком учинити бы се не могло для ортокграфеи, якей в инших языках не маш. А потом, удавши се на службу, трафяли ми се таки паны, которые ме оборачали до браня поборов и чиненя личб, поразумев-ши на то з натуры способного; и пан бог был завше зо мною...

... Року 1565 мешкалем в месте виленском, выбираючи побор, названный покгловный, гдем мел великую втеху, слухаючи слова божого ве зборе христианском за министров вчоных: Вендрокгорского и Костеницкого, а противным зась обычаем зналем великую ласку мужа годного памети, кн. Яна Маковецкого, архидиякона варшавского, кустоша и каноника виленского, писаря в скарбе короля е. м., который ме барзей в те то личбы вправил и доброго ме пожитку набавил и ведя людям в знаемость подал и залецил; бовем на он час разность веры не чинила наймнейшой розности приятелской, для чого самого тамтот век золотым ми се видил от нинейшого веку, кгде юж и межи одной веры людьми облуда все вступила, а покготовю межи розными веры ани се пытай о милость, щирость и правдиве добре заховане, а навенцей межи свецкими станы...

... В року 1580 месеца кветня 23, в суботу, на прояждце короля е. м. Стефана у Вилни, замовивши се е. м. пан Криштоф Радивил, пан Троцкий, гетман великий, з паном Володимером Заболоцким, москвитином, якобы Влодымир не хотел му шапки зняти, пришли потом до слов злых з обудву сторон: здрады и отметки; кгды се мовил пан Троцкий на Володымира, теды Володымир мовил: «Самесь такий». Зачим, образивши се пан Троцкий, ехал до пана воеводы виленского, отца своего, который, выслухавши скаркги о той припадок, так му рек: «Не пометишь ли му се того, теды и я о тобе так розуметь буду, яко то он назвал». Той ночи намней пан Троцкий не спал, фрасуючи се на Володимира, а стал за брамою завилейскою в дворе своем, прозванном Довойновском, где до е. м. зъехали се ротмистрове и жолнере великое множество; а Володымир стал у мещанина Полгрошка, которого дах припущоный был в дах ка-менницы Авкгуштына, войта виленского; з которое-ж то каменицы и даху войтовского коморники пана Троцкого, вшедши под дах Полкгрошков и прекопавшись в песку па избе, видели Володымера и што се з ним деяло, яко потом ездил до панов сенаторов, просечи о поеднане пана Троцкого, але же се было спознило, обецали му се были на ютро. Потом в господе своей ходил до лазней, о чим всем давали знать коморницы и инша челядь пану Троцкому, пытаючи се: «Каже ли! Теды могут его з пулгаку забити». Але е. м. не казал, и так в тых пересылках ночь зошла, а рано, в неделю 24 кветня, ведечи пан Троцкий о всем, же се Володимир готовал до церкви светое пречистое, заехал з улицы и брамы Завилейской ку костелови св. духа, где велкость людей пеших в кляшторе была, а ездни в улицы; и перепустивши Володимира за фортку, одни з стороны, а другие з великих ворот и з той улички указали се, пред которыми шол пехотою (пробел в рукописи). Кгорецкий, маючи свой гнев на Володымира» тот споткавши се кинул Володымирови камнем до перси, а Володымир добыл шаблицы, которую носил з правою руки и левою се рукою боронил потужно. Москва, его слуги, поутекали, окроме Путала званого москвитина; тот се самотреть з литвинами двема зостановил, але от велкости людей поранени заразем были, а Володымир, ку одной строне под муры складаючи се, уступовал; тамже его тот-же Кгорецкий кордом под правое перси перепхнул, же юж без мовы ве двух годинах умер...

... Року 1589 стычня 28 дня пан Александер Ходкевич короля Жикгмонта III у Гродне перший то кроть привитал, также королевую тетку его и сестру его королевну и. м.; мевал в себе сенаторов из двору королевского завше на учтах. Потом была е. м. справа 31 стычня о аренде мыт старых литовских, также о аренде з маетности Бирштанское и инших; меновано того на 50 000 коп литовских и указовано на то истоты пана небожчика, а в нас намнейшей квитацыей не было. Ям в тей справе мовил яко налепей,—пан бог здарить рачил,— болшей се спускаючи на ласку е. к. м., а указуючи веле заслуги пана е. м. и иншие правные причины. А были при е. к. м. сенаторове: кн. Барановский, бискуп, пан Дорогостайский, воевода полоцкий, пан подляшский, пан Сапега, канцлер; были вшитцы их милости нам зычлив, так же декретом король е. м., даруючи то, отпустить и з того квитовати казать рачил. Тогож дня кнеже Семен Слуцкий короля витал, пред покоем з орацыею наготованою, а, яком ведял, от е. м. пана Миколая Крыштофа Радивила, воеводы Троцкого, написаною...

... Року 1595 о трех королях рокисмы судили земский новогродскии.

В том року 1595 Налевайко козак, собравши войско козаков, первей се указовал на Подолю, у Волошех, кусил се был и о турецкие земли, потом, ворочаючи се до Полши, сплендровал маетности пана Калиновского, мстечи се за обешене некгдысь отца его Наливайкового, и еще снать от отца Калиновского. Тым юж заюшоный, шел до Луцка, в ярмарок праве, где бискуп з преднейшими шляхтою выехавши, упоминал и еднал то за местом, и купцы зложили килка тисячи злотых, а не могло быти без збытков и шкод; от туд, юж лепей заюшоный, удал се на Полесе, аж до Петрикович, юж так своволне все починаючи и в коло обсылаючи, подарки собе давати заказуючи; якож и давано, одно з Слуцка помешкано было, и прудкож убег [в] Слуцк новембра 6 дня и был там немало; заварли се были на замку з двема сынами, детми малыми пана виленского Яронима Ходкевича; а пан виленский, воевода новгородский, пан Скумин и инше паны и шляхта зъехали се до Клецка; не ведили, што почать, услышавши, же се у замок слуцкий добыли юж. В тым послал был Наливайко полковника Мартинка (о котором веле трымал, якож и был человек серца великого) до Копыля з пятисот Козаков, который, з пригоды там потрафивши гайдуков пана воеводы виленского, которые, впадши до млына и испусту под местом, боронили пройштя до места и так еправне. Козаков настреляли и Мартинка забили, же сила их на пляцу, а инше, назад се цофнувши, по дорозе и хрустох зоставиди, а инши, пострелеными юж будучи, в огонь скакали и згорели, бо были стайню дворовую, у того млынка будучую, запалили, же се барзо их мало до Слуцка воротило. Наливайко, стревожоный тым нещастем и розумеючи, же за тым з Клецка зобрани. Панове кусити се мели о него у Слуцку, зараз, яко тых в Копылю бито новембра 25, а он третого дня, новембра 27, з вечора, выбравши се з Слуцка, до Омгович знову ку Полесю вытегнул и потом кгрудня 13 Могилева моцю добыл, места и замку, сплендровал и попалил; панове за ним выправили Буйвида, человека памети годного, давши слуг своих, а пан виленcкии своего двору 200 коней, з которыми, яко розных панов слугами, розум сам указуе яко было Буйвидови трудно, же за непослушенством их ничого годного печати не мог, толко зазябывши се, здрове стратил и у небачных людей на славе шванковати мусел; тамже згинул Оникей Униховский, человек серца доброго и великого захованя. Наливайко ходил потом над р. Днепром в низ, аж потом, порвавши се з Рогачова за якимись практиками, припадал знова до Петрикович; поветы збе-гали се до купы и спрудка потом зъехали се новокгродскии в Копылю, где был его княжеска милость пан Миколай Криштоф Радивил, воевода Троцкий, напрод вшитких приехавши в килку сот человека, и тым вымог, же се инши спешили до е м., за тым приехал пан воевода новокгродский и иншие панове и шиковали се в полю року 1596 дня 15 лютого; было людей о 3 000 готовых.

Аж мило было; давно юж войска не видевши, пан воевода се Троцкий зе справованя людми вымовял и здавал то пану воеводе новгородскому; але, юж никому не уймуючи, признавам, же досыть се деяло порядкови пристойному; пан воевода виленский з поветом Минским приехал до Шацка; тамже и наши з Копыля ехали, а Наливайко з Петрикович, бывши в Турове и в Городку болшей, удал се до Высоцка и на Волынь Лобода теж, отвративши се от Шацка, шол тамже Киевщиною ку Наливайкови.

Киевская старина, т XIV Киев, 1886 стр. 128, 129, 142, 143, 150, 153, 154

…

А иншие назад се цофнувши, по дродзе и хростох зоставили. А инше, пострелеными юж будучи, в огонь скакали и кгорели, бо были стайне дворовую тут, у того млынка будучую, запалили, же се барзо их мало до Слуцка вротило.

Наливайко, стрвожоный тым нещестем а розумеючи, же затым з Клецка зэбрани панове куситьсе мели, онь у Слуцку зараз тэй же годины, яко тых в Копылю бито, новэмбра 25, а он третего дня, новэмбра 27, з вечора, выбравшисе з Слуцка до 0мгович, заову ку Полесен вытегнул. И потом кгрудня 13 Могилева моцно добыл, мяста и замку сплендровал и попалил.

Панове за ним выправили Буйвида, чловека паменти годного, давши слуг своих, а пан виленский своего двору двесте коэдей; с которыми, яко розных панов слукгами, розум сам указуе, яко бы[ло] Буйвидови трудно, же за непослушенством их ничего годного почать не могл, толко, зазябившисе, здрове стратил и у небачных люди на ославе шванковать мусял. Там же згинул Оникей Униховский, чловек сэрца доброго и великого захованя.

Наливайко ходил потом над река Днэпрем вниз, аж потом порвавшисе з Рогачова за якимись практыками, припадл знову до Петрыкович.

Повяты же (л. 43) збекгалисе вкупэ и спрудка потом зъехалисе новгородский в Копылю, где был его княжацка милость пая Миколай Криштоф Радивил, воевода Троцкий, напрод вшитких приехавши в килкон сэт чловека, и там же се инши спешили до его милости.

Затым приехал пан воевода новогродский и инше панове. И шиковалисе в полю року 1596, дня 15 лютого. Было людей о три тисечи и так готовых^, аж мне мило было, давно юж войска не видявши.

Пан воевода се Троцкий з справованя людьми вымовал и здавал то пану воеводе новгородскому. Але юж никому не уймуючи, признавам, же досыть се д[е]яло порядкови пристойному.

Пая воевода виленский с повятэм Минским приехал до Шацка. Там же и наши с Копыля ехали.

А Наливайко с Петрыкович, бывши в Турове и в Городку, болшей удалее до Высоцка и на Волынь.

Лобода, теж отвротившисе от Шацка, шол там же Киевщиною ку Наливайкови^ (л. 44).

Року 1602 юж у нас в Новгородку роки звыклэ земске поменяны были на сэйме прошлом през послы наше— пана Зенкевича и пана Подаровского, которые, на том сойме зъехавшисе на роки новэ громничнэ, з собон се зкгадзали. И вымовялсе пан Подаровский, же о той отмене и замешаню радней ниж поправе роков не ведал, хоть то по некторе соймики успоминано было. Подал на сойме, абы в нас во всем панстве роки не розны, але едны часы звычаем полским постановены были. Але жебы то едно в нашим повете о том, снать, жадного чловека не толко воля, але и помышлене не было.

Пан Василей Зенкевич знал се, же се о то старял и пана Подаровского втегал, жебы и он на то призволил, але се он никгды до того не знал.

И так на тых злых, в сэрцох людских разэрваных роках будучи, я от пана судии того ж то пана Зенкевича напомненый, не зезволяючи з множством люди на зламане тым роком, при нем приставши, судилих мы е.

Не ушедлэм пометы божий, же ми на тых рокох в лютым месяцы, 16 дня, в суботу, забил сына моего Яна, второго по Ярошу, первшим сыне моем, незбожный Олбрыхт Бруханский с помочью^ Корсака, швакгра своего, там же на месте в Новгородку. О чом кгды мне, на судех седячому, ведомость дана, просилэм вшистких, абы там в рынок зэ мнон пошли, где пан судья з ласки свэй продковал. Мне держеть казал, э иншим тяло, юж забитэ, сына .мое(го] на сане взявши, на уряд ^ и потом до господы моей отпровадить казал (л. 45).

А внет потым, кгды се доведял, же того забитя сына моего был найветшой причиной тот же Корсак, сестранец екго, рушила кго кревность. А од ражене з духа по новокрещенству або давно не было, або на тот час утекло от него проч.

Послал до мяе, абых слал за тыми, кторы ехали в покгонен за Бруханскими, жебы се што злого тому сестринку его не стало.

А ям не толко не слал никого, але ани ведял о ничием ехаяню и о свете: жив лим был або не.

Помнікі мемуарнай літаратуры Беларусі XVII ст. Мн., 1983, с. 58-59.