Қазақстан Республикасы тілдер күнін атап өтуге арналған апталықтың іс-шаралар жоспары (16.09.-22.09. 2014 жыл)

№	Тақырыбы	Жауапты сынып	Жауапты мұғалім	Мерзімі	Аяқтау нысаны
1	«Тіл-татулық тірегі» салтанатты жиын	2-11 сыныптар	Ботаханова Д.Т. Ерубаева Б.С. Абаканова А.С.	16.09.	Әзірлеме,фото
2	«Тіл тірегіміз,соғып тұрған жүрегіміз»-сынып сағаттары	2-11 сыныптар	Сынып жетекшілері	16.09	Әзірлеме,фото
4	«Конкурс знатоков русского языка»	8 сыныптар	Гатаулина Н.Ф. Сатмағанбетова С.Н.	17.09	Әзірлеме,марапаттау,фото
5	«Тілдер әлеміне саяхат» сайыс	5 сыныптар	Ботаханова Д.Т. Абаканова Д.Т.	18.09	Әзірлеме,марапаттау,фото

Бірлестік жетекшісі: Ботаханова Д.Т.

Балқаш қаласы жалпы білім беретін № 9 орта мектебі»кмм Қазақстан Республикасы тілдер күні апталығы

Тақырыбы:

Т і л – т а т у л ы қ т і р е г і

Орындаған: Ботаханова Д.Т.

Ерубаева Б.С.

2013-2014 Оқу жылы

І-жүргізуші.

Құрметті оқушылар мен ұстаздар! Мектебімізде 16 қыркүйектен 22 қыркүйекке дейін бүкіл Қазақстан халқы болып өткізетін «Қазақстан халқының тілдері күні» мерекесінің апталығы жүргізіледі. Біздің негізгі мақсатымыз оқушылардың өз ана тіліне деген құрмет сезімін арттыру, тіл мәртебесін көтеру, таза сөйлеуге үйрету, өз ұлтына, еліне деген сүйіспеншілігін ояту. Елбасымыз Н. Ә. Назарбаевтің «Қазақстанның болашағы – қазақ тілінде. Ана тілі – бәріміздің анамыз, өйткені ол – ұлтымыздың анасы» дегендей біз ана тіліміздің тұғырының мықты болуына негіз қалаған бабаларымыздың өсиетін ұран ету, қазақ тілінің мәртебесін көтеруіміз керек. 1989 жылы қыркүйектің 22-і күні «Қазақстан Республикасындағы тілдер» Заң қабылданып, қазақ тілі Қазақстан Республикасының мемлекеттік тіл мәртебесіне ие болды. Кейін 1993 жылы қаңтардың 28-і күні бұл статус Қазақстан Республикасының жаңа Конституциясында тұрақталып, Тіл туралы Заңы 1997 жылы шілденің 11- күні жаңа «Қазақстан Республикасындағы тілдер туралы» Заңы қабылданды. Бұл Заң бойынша қазақ тілі Қазақстан Республикасының мемлекеттік тілі, қазақ халқының ұлттық тілі болып есептеледі.

ІІ-жүргізуші.

Туған тілім - бабам тілім - өз тілім, Туған тілім - анам тілім - өз тілім, Туған тілім - далам тілім - өз тілім, Туған тілім - адам тілім - өз тілім.

І-жүргізуші.

Танытқан қазағымның қазақтығын, Танытқан қазағымның азаттығын, Танытқан қазағымның ғажаптығын, Айналдым құдіретіңнен Қазақ тілім.

ІІ-жүргізуші.

Туған тілім – тірлігімнің айғағы, Тілім барда айтылар сөз ойдағы. Өссе тілім – мен де бірге өсемін, Өшсе тілім, мен де бірге өшемін

І – жүргізуші: Туған тілім! Тас бұлақтың тұнығы да сенде! ІІ – жүргізуші: Туған тілім! Ана сүтінің жұғымы да сенде! І – жүргізуші: Туған тілім! Райхан гүлдің жұпары да сенде! ІІ-жүргізуші.

Туған тілім! Қыран құстың жанары да сенде! І – жүргізуші: Қазақстан – көп ұлтты мемлекет. Көп ұлтты мемлекет үшін мемлекеттік тіл өте қажет. ІІ – жүргізуші: Мемлекеттік тіл-көп ұлтты елдің барлық халқын саяси-мәдени бірлікке ұйымдастырудың басты құралы.Қазақ тілін жете білу арқылы біздер өнер мен білімнің, мәдениет пен ғылымның биігіне жетіп, өз халқымыздың өткен – кеткенін зерделеп, оны әлемге таныта аламыз. Өз тілімізді құрметтеу арқылы басқа тілді де үйреніп, мәдениетін қадірлейміз.

І – жүргізуші:Туған тілде сыры терең жаным бар, Туған тілде әнім менен сәнім бар. Туған тілім тіл болудан қалса егер, Жүрегімді суырып - ақ алыңдар!

І – жүргізуші: Біз – ежелден ер деген даңқы шыққан халықпыз! ІІ – жүргізуші: Біз - ел бірлігі жолында әрқашан намысын бермеген халықтың ұланымыз! І – жүргізуші: Біз – алтын күн бедерленген көк байрақты әлем биіктерінде желбіреткен бейбітшіл елдің азаматымыз! ІІ – жүргізуші: Біз – кең байтақ жерінде бірлігі жарасқан алуан ұлт ұлыстан тұратын бір тұтас халықпыз! І – жүргізуші: Біз – атадан мұраға қалған қасиетті тілімізді қадірлей білетін ұрпақпыз! ІІ– жүргізуші: Ана тілі – біздің ар-ождан, адамгершілігіміздің айнасы. Адам ана тілімен бақытты, ана тілімен асқақ . І – жүргізуші:

Тілім барда мақтанам Тілім менің аппақ ән. Бірлігімді бүгінгі Ана тілім сақтаған. Ақыл-ойын дананың Ана тілден аламын. Ана тілі ардақты, Ақ сүтіндей ананың.

ІІ – жүргізуші: "Тіл – біздің тұтастығымыз”, "Тіл тағдыры – ел тағдыры” деп те айтып жүрміз. Сондықтан әр адам өз ана тілін көзінің қарашығындай қорғауға тиіс. Туған тілдің абыройын асқақтату - әрбір адамзаттың абзал борышы. Тәуелсіз елдің елдігі жас ұрпағын парасатты да білімді, іскер де қабілетті, отан сүйгіш те ұлтжанды тұлға етіп қалыптастыруда мемлекеттік тілдің атқаратын қызметі орасан зор. Тіл – таусылмайтын байлық.

І – жүргізуші: Тіл – ұлттың жаны, халықтығының асыл белгісі, намысы, тыныс тіршілігінің көзі, Ата Заңымен қорғалатын, еркіндігінің үні. Оны құрметтеп, қорғау, келешек ұрпаққа жеткізу, Қазақстанның бақытты да парасатты, білімді де еңбекқор ұл-қыздары бізге ғасырлар бойы ата-бабаларымыздан жеткен аманат.