11. Мәтінді орыс тіліне аударыңыз
Жұмысқа орналасу үшін психологиялық дайындық
Барлық өзіңіз өткен тәжірибеңізді еске алыңыз: емтиханды қалай тапсырдыңыз, бастықпен қалай сөйлестіңіз, табысқа жету үшін не істедіңіз. Жауабыңыз өзіңізді таң қалдыруы мүмкін. Мүмкін сол кезде сіз жай ғана ұйқыңыз қанып келгенсіз немесе өзіңізге сыртқы келбетіңіз ұнап келді, ал мүмкін оның қарсаңында сүйікті адамыңызбен кездескен едіңіз... Бір сөзбен айтқанда, көңіліңізді көтеріп, өзіңізге сенімділік беретін кез келген нәрсені пайдалануға болады. Бір мамандар ешқашан табысқа күмәнданбаңыз дейді , басқалар – болатын сәтсіздікке алдын ала дайын болыңыз дейді. Сондықтан мына қағида бойынша әрекеттер жасаңыз: «Жақсылыққа сен, жамандыққа дайын бол». Сонда әңгіме аяқталғаннан кейін: «Барлығы мен сенгендей жақсы болған жоқ, бірақ мен қорыққандай жаман болған жоқ» деп, өзіңізге айта аласыз. Ерекше мән сіздің көңіл-күйіңізде болады. Зерттеулер «құлап қалудың» 97 пайызы әңгіме жүргізу кезінде жіберілген қателеріңізге, лайықты лауазымға өзіңіздің сай екендігіңізге күмән келтіретін ішкі сеніміңізге байланысты екенін және тек қана 3 пайызы сізді ұнатпаған, сізді жұмысқа алатын басшысының еншісіне тиеді. Соңғы жағдайда сізді жұмысқа орналастыруға жоғарыдан ешкім тақақтамағандығына қуануға болады, сіз билік ұстап отырған адамның тарапындағы жеккөрушілік көзқарасынан босатылдыңыз.
Ал алғашқы 97 пайызды неліктен біз көбейтеміз? Өзіміздің нақты, ойдан шығармаған «плюстарымыз» бен тәуір лауазымдарда отырып жатқан адамдардың «минустарын» біле отырып, неге біз өзімізге сенбейміз?
Мәтінді оқып, өз ойларыңызбен толықтырыңыздар.
Кейбір адамдар табиғатынан баурап алу қасиетіне ие болып туады. Бірақ сыртқы сұлулықты орынды пайдалана білу керек. Сондықтан саясаткерлер үшін өздерінің сырт көрінісі тек жеке мәселе болудан қалған, олар көбіне арнайы мамандардың көмегіне сүйенеді.
Мысалы, Г.Г.Почепцовтың «Как становятся президентами» атты кітабында мемлекеттің бірінші тұлғаларының имиджі оның сайлау компаниясына қалай әсер ететіндігіне талдау жасалған. АҚШ-та 1960 жылы өткен классикалық болып есептелетін сайлауда Никсонның Кеннедиден жеңілуіне әсер еткен басты себеп – бұл Никсонның сырт көрінісі болатын. Г.Г.Почепцов былай дейді: «Никсон көпшіліктің алдына сырқаттан кейін шықты, сондықтан қозғалуы да тым ауыр еді. Ол аурудың салдарынан арықтаған және оның мойны көйлегінен әлдеқайда ұзарып тұрғандықтан, киімінің өзіне үлкен екендігі көрініп тұрды. Ал Кеннеди студияда қызметкерлердің нұсқауы бойынша түсі шағылысып тұрған көйлегін ауыстырып үлгерді.
Бағдарлама барысында Никсон сұрақтардан терлеп кеткен кісіні елестетті. Нәтижесінде Никсон жеңіліске ұшырайды». Сырт көзге тартымды адам сенімділік туғызады. Егер сіз біреуді өз жағыңызға тартқыңыз келсе, онда сол адаммен кездесуге мұқият дайындалыңыз: таңдап алынған киім артықшылығыңызды көрсетіп, кемшілігіңізді жасыратын болсын. Есіңізде болсын, өзіңіздің жұмысқа арналған киім-кешегіңізге ерекше зейін қойыңыз.
Жаңа жұмыс орнына қабылдану мақсатында ұйымдастырылған әңгімелесуге киетін киіміңізге асқан ұқыптылықпен қараңыз. Өйткені, сіздің бұрынғы киіміңіз жаңа тұрмыс орнының талабына, талғамына сай келмеуі мүмкін. Жаңа жұмыс орныңызға орай киінуге тырысыңыз.